YESAYA 19:16 - Susula Malalaok Hehelu Palak Ma Hehelu Beuk

¹⁶ Neukose fain-na losa, leoina Masir-ra, ana da'di sama leo ina manabii-mamata'uk. Ala dele ma nggenge, metema lita Manetualain Fo Manakoasa, Ana so'uk liman-na, fo hukus.

YESAYA 19:16 Referans Kwoze

NAHUM 3:13

O solda'du mala ndole-ndaku, sama leo inak-ka, ma o nusam-ma nasasalematak no musu-a soona, mopo be'i-balakain. Neukose ha'i na'a heni o lelesuinam-mala ai betubalan-nala.

YEREMIA 51:30

Babel soloda'dun-nala hahae tao musu so, ma ala leo nai kota musu ma mopo basa sila palanin-na so de ta lapalani so. Lelesu ina manai kota-la nanaboka henik so ma uma-la nanade'de henik.

YEREMIA 50:37

Tao makalulutuk ndala ma kaleta musun-nala, tao susa-soe soloda'du nanaba'en-nala! Ala male lanseli! Loso-ma hata-heton-nala!

YESAYA 11:15

Neukose Manetualain tao nama'da Namo Suez-sa. Ana fe ani mato'bik-ka mai, nalosa Lee Efrat-ta ana da'di oe ba'e kaba'ok hitu, de hataholi manapake ta'bueis-sala, bisa lena tunga dalek.

ZAKHARIA 2:9

“Neukose Manetualain mesak-kana nde la'ban emi, ma neukose emi usi heni emi atam-mala, sila nde lamanako seluk emi. Metema, dede'ak ndia ana da'di soona, neukose emi bubuluk, mae Manetualain Fo Manakoasa, nadenu basa au so.”

YESAYA 10:32

Faik ia, musunok-ka nai kota Nob-pa, de nai naa, ala kukumu liman-nala lasale leo Pupuku Sion-na, ma leo kota Yerusalem-ma neu.

IBRANI 10:31

Bibii namata'u matua ina, metema ana tu'da leo Manetualain Fo Maso'da ka liman dale neu!

YESAYA 30:17

Metema musu-a hataholin esa, ana fe nasanene'da mahelek soona, neukose hataholi lifun esa lalai, ma metema hataholi lima fe nasanene'da mahelek soona, neukose emi basa-basam-mala malai. Neme emi solda'dum-mala mai, ela ka'da dii dedeo esa nai pupukuk lain.

MAZMUR 48:6

Tehu lita pupukuk ndia boema, bafan-nala be poo; lakalupu, de lalai no lapangamak.

1 KORINTUS 2:3

Nai lelek fo au sama-sama o emi soona, au tapandoes ma dele ngge'be-ngge'be no bibii ka.

2 KORINTUS 5:11

Ami bubuluk, sosoak hata ita bii Lamtua ka; hu ndia de ami sanga enok fo hataholi la lamahele, see ami ia. Manetualain nalelak besa-besa no ami, de au amahena emi boeo malelak ami nai emi dalem dale.

YESAYA 13:2

Masa'e dedeo natee-natatik-kala neu pupuku na'u tak-kala poin-na! Maloo bou-bou neu basa solda'du-la, ma so'uk emi limam-mala, fo ela ala sapu-la kota manakoao-ndaeaok ndia lelesuinan-nala.

KELUARAN 11:6

Nai basa dae Masir-ra lala'en-na, neukose hala kikii-makaleleuk nananamanenek, sama leo ana beita da'di nita fa, ma neukose ana ta da'di seluk so'on.

OBAJA 1:9

Basa palani ta'ti batu maneme Téman mai, neukose ala bii lanseli, ma neukose mate basa solda'du Edom-mala.”

ZAKHARIA 2:13

Emi basa-basam-mala, boso mahahala nai Manetualain matan! Nanahu, Ana mai neme mamana leleon manai nusa so'dak-ka mai so.

ZAKHARIA 10:11

Metema, ala lena tasi to'a-taak-ka soona, Au, Manetualain neukose fepa lii-la; soona ma'da Lee Nil-la buin-na. Leoina Asyur, fo manakoao-ndaeaok ndia, neukose nananakadadaek, ma Masir, fo palani ta'tibatu ndia, neukose namopo koasan-na.