YESAYA 17:9 - Susula Malalaok Hehelu Palak Ma Hehelu Beuk

⁹ Nai faik ndia, kota-kota Israel fo, nanananeak no mahelek, neukose ala da'di batu manandefak fo nee-nee lino-linok, sama leo kota-kota fo hataholi Hewi ma hataholi Amori-la la'oelan, nai lelek lalai leme hataholi Israel-la mai.

YESAYA 17:9 Referans Kwoze

YESAYA 27:10

Kota makota musu ndia, ana da'di nee-nee lino-linok so, ma nanala'o elak, sama leo moo maloa louk-ka. Bana-manu bubuak-kala, la'a na'u ma ala hahae lai ndia, boema la'aheni la'iesak ai ndanak-kala doon-nala.

MIKHA 7:13

Tehu neukose daebafak-ka da'di dae tokotiik, nanahu laun-na tatao-nono'i mangalaun-na.

MIKHA 6:16

Basa sila-la ala da'di, nanahu emi tunga Mane Omri no anan, fo nde mane Ahab-pa tatao-nono'i mangalaun-nala. Emi tunga sila eno-dalan. Hu ndia de, neukose Au tao akalulutuk emi, ma neukose ala kuku'e-koko'dok emi, ma basa leoina lala'en-na, lakamumulu-lakamamaek emi.”

MIKHA 5:11

Neukose Au tao amopo emi le'u-le'um-mala, ma Au si'u heni basa emi hataholi mananeuk hataholi-a ua-nalen.

AMOS 7:9

Neukose Au tao akalulutuk la'iesak mamanak fo Isak tititi-nonosin paken soaneu sene-do'ok nai ndia. Neukose Au tao atu'u hataholi Israel-la mamana malalao-malalafun-nala. Neukose Au tao amopo-amate Mane Yerobeam-ma tititi-nonosin.”

HOSEA 10:14

soona neukose emi laum-mala lasasale matak loo natee-natatik-ka, ma neukose emi kota musum-mala, nanatao nakalulutuk. Dada'din-na, neukose sama leo nai faik fo mane Salman-na, tao nakalulutuk kota Bet-Arbel-la nai natee-natatik dale, ma ana lolenisa inak-kala sama-sama loo anan-nala.

YESAYA 17:8

Neukose ala ta lamahena sila ue-osan buna-boan so'on, fo nde mei tunu-hotuk fo mamana tutunu boomenik-ka, ma lamatua daebafa Inak Asyera dodoki-dudulan.

YESAYA 17:10

Israel, o mafandele heni Manetualain fo manasoi-tefa, ma manamasulu-mahapa o, sama leo lete batu matea-mahelek-ka so. Nasafalin-na, o sele o osi angol-mala soaneu lamatua daebafak-kala.