YESAYA 16:4 - Susula Malalaok Hehelu Palak Ma Hehelu Beuk

⁴ Fe ami loak leo lalai nai o nusam-ma. Masulu-mahapa ami, neme hataholi fo, ana nau tao namate-namopo ami.” (Tuni-ndenik-ka, ma mamate-momopok-ka, neukose nate'e, ma hataholi-hataholi fo manatao lakalulutuk ma manatuni-ndeni nusa Israel-la, neukose mopok-kasa.

YESAYA 16:4 Referans Kwoze

YESAYA 14:4

Metema Manetualain tao dede'ak ndia soona, neukose ala hakinonoli manek Babel-la lae leo ia, “Manek fo ha'da hataholi tak-ka, ana tu'da so! Ana ta hapu tuni-ndeni so'on.

MALEAKHI 4:3

Nai faik ndia, neukose Au aketu-ala'di, ma neukose emi sengi hataholi mangalauk-ka, nalosa sila sama leo daesopu ka fo emi heheta-aa'in.

YESAYA 51:13

Masa bole, o mafandele heni Manetualain, fo manamakadada'dik o, fo mananakapepela lalai ma manape'da daebafak-ka buin-na? Tao le'e de, o dele faik-katemak esa dalen-na, neu hataholi manatuni-ndenik-ka, nasa manalua ponu-ponun-na, fo naheheleaon soaneu tao namate-namopo-ka? Te'e-te'e, sila nasa manalua ponu-ponun-na, neukose ta la'e o fa.

YESAYA 9:4

Solda'du-la ta'buein-nala ndu'u-ndu'u ma badun fo ladiu daak-ka, neukose ha'i na'a henis.

NINITAK 11:2

Tehu boso uku uma so'dak manai Manetualain Uman ndia dea ka, nana mamanak ndia fe basan neu hataholi ta manamalelak Lamatua ka fa. Neukose ala heheta-aa'i kota malalaok ndia, dodoo na bulak hahulu dua dale na.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

ZAKHARIA 10:5

Neukose laun Yehuda-la, ala sengi, sama leo palani ta'tibatu-la, ala heheta-aa'i musu-a, sama leo tane-a nai enok lain. Neukose, lata'ti lakandoo, hu kande Au, Manetualain tulu-falis, ma solda'du musu manasa'e ndala-la, neukose ala sengi la'iesak-kasa.

YEREMIA 48:18

Hai laun Dibon, kona meme emi mamanam fo mahada'da-holomataka; fo mamatuk neu dae-a ma neu afu a. Nanahu manataonalutu Moab fo emi nusam-ma ana losa so, ma neukose ana tao nakalulutuk laiesak emi papala mademamala.

YEREMIA 48:8

Neukose kota-la basa-basas lakalulutuk, neukose ta hapu esa fo nae ta fa. Bafak-kala ma dokek-kala neukose basas la'iesak-kasa. Au, Manetualain, nde manakokolak-ka.

YESAYA 33:1

Soe ba'eneu ita musun-nala! Ala lamanako, leomae nako ta namanako sila fa, ma lalelesi, leomae hataholi ta nalelesi sila fa. Tehu lamanako ma lalelesi basa soona, neukose nakodaa namanakos, ma malelesik-ka, nalelesis.

YESAYA 25:10

Neukose Manetualain nasulu-nahapa Pupuku Sion-na, tehu Moab, neukose nanaheheta-aa'ik, sama leo ha'deaik-ka nai mamana kadafuk-ka.

YESAYA 15:6

Lee Nimrim-ma oen-na, ma na'u manamoli manai su'un-na, lamatuu-tongo so, de ta hapu na'u-aiana fo, doon-na momo'dok so'on.

ULANGAN 24:14

Boso ese-lumu hataholi mana'a ngga'di nuu taak-hata taak ma manato'a-taak-ka, nau emi leoinam do hataholi nusa dea fo, manaleo nai emi kotam esa boe.

ROMA 16:20

Manetualain fo manafe mole-dame neu hataholi daebafa ka, neukose Ana tao Nitu neu emi koasa ma dae, fo tao makalulutu kana. Ela leo bee na ita Lamatuan Yesus Kristus ba'e-pala emi tataas esa!

ZAKHARIA 9:8

Neukose Au anea Au dae-oeng, ma Au apanggengge solda'du nusa dea fo ala sanga la'ok tunga ndia. Neukose Au ta fe seluk hataholi manatuni-ndenik-kala loak, fo ala paleta Au anang-ngala fa. Nana, Au ita basa doi-doson-nala so.”

YESAYA 49:26

Neukose, Au tao-a o musum-ma, mafuk daak, nalosa esa dodo-na esa. Soona basa hataholi daebafak lala'en-na, bubuluk lae Au, Manetualain, o Manasoi-manatefam; Fo Mabe'i-balakai lea, Yakob Manetualain-na, o Manasoi-manatefam.”

YESAYA 54:14

O nananafofo'ak nenik netes ndoos ma matetuk, o dook-ka neme bibii-namata'u matuaina, ma tuni-ndenik-ka mai.

YESAYA 58:7

Baba'e emi nana'a-neninum neu hataholi kamala'ak-kala, sipok hataholi uma tak-kala nai emi umam. Fe hataholi makaholak-kala, bua papakek, ma boso tipa emi tolanom fo, ana paluu tutulu-fafalik.

YEREMIA 40:11

Ndia te basa hataholi Israel fo manai nusak Moab-pa, Amon-na, Edom-ma ma nusak fe'ek-kala lamanene lae, manek Babel-la ana po'i hataholi Israel nggelok leo nai Yehuda, ma lae ana so'u basa Gedalya da'dik gobelnol so.

OBAJA 1:14

Ta nandaa, o mapadeik muu eno kaba'ek-kala, fo mapadedeik-ma, hataholi fo nalai neme musu dale mai, do nai faik ala hapu toto'a-tataak-ka, o fes leo musun-nala neu.”