YESAYA 1:7 - Susula Malalaok Hehelu Palak Ma Hehelu Beuk

⁷ Emi nusam-ma, nanatao namopo-namatek so; emi kotam-mala, nanahotu henik. Hataholi nusa dea-la, ho'i-la emi daem-ma, de ala tao lakalulutuk la'iesak-kasa nai emi matam.

YESAYA 1:7 Referans Kwoze

RATAPAN 5:2

Ami pusakam-mala tu'da leo hataholi fe'ek liman dale neu, hataholi nusa dea-la leo-la ami umam-mala.

ULANGAN 28:43

Hataholi nusa dea fo, manaleo manai emi nusam-ma, neukose ala boetai hapu koasa, tehu emi koasam-ma, ana boetai loe leo dae neu.

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.

HOSEA 7:9

Ta lame'da lae, hu ka nde ala da'di esa loo leoina sila-la, de mopo be'i-balakain-nala so. Sila so'da mate'en-na sanga deka ndia so, tehu ala ta bubuluk-kana fa.

YESKIAL 30:12

Neukose Au tao ama'da Lee Nil-la, ma Au fe Masir lala'en-na, leo hataholi mangalauk-kala neu. Neukose Au adenu hataholi nusa dea-la, fo ala tao lakalulutuk nusak ndia lala'en-na. Au fo Manetualain, nde manakokolak-ka.”

2TAWARIKH 28:5

Hu kande Manek Ahas-sa nasala-nasingo, de Manetualain po'ilotak manek Siria sengin, de ana foo neni hataholi Yehuda makadotok nanseli da'di leo hataholi nanafook leo Damsyik neu boe. Manetualain boeo po'ilotak Manek Pekah fo Remalya neme Israel anan-na segin, de nai faik esa dalen-na ana taonisa Yehuda solda'du palanin lifun natun esa duahulu. Sila bei-ba'i kain Manetualain po'ilotak basa sila-la da'di, nanahu Yehuda laun-nala ta taoafik neu Manetualain so'on.

HOSEA 8:7

Au anang-ngala sele-nggali anin, de neukose ala ketu-seu ani-sangu! Sila tina gandum-ma ta namalatu fa, de neukose ana ta fe buna-boak, fo ala tao ha'desopuk soaneu sila nana'an-na fa. Tehu, metema tina ndia namalatu boeo, neukose leoina fe'ek-kala, la'a heni gandum-mala.

YEREMIA 6:8

Hei laun Yerusalem-mala lemin, tunga ndoon-na, basa toto'a-tataak sila-la, ala da'di nasanene'dak esa neu o! Boso nalosak Au la'oela emi, ma Au tao asafali emi kotam-ma, da'di moo solokaek, fo hataholi ta leo fan.”

YEREMIA 2:15

Musu non-na, nangao soaneun sama leo singa, daen-na nanataok da'di dae tokotiik, ma louk, ha'i-a na'a heni kotan-nala, laun-na ta leon so'on.

YESAYA 34:9

Edom leen-nala, neukose lasafali da'di ter, ma daen-na da'di belerang. Mate'en-na, nusak-ka lala'en-na, ana pila sama leo ter-ra.

YESAYA 9:5

Ni'iana esa, nanabongi basak ba'eneu ita so; ni'iana touanak esa, nanaba'e-batik ba'eneu ita. Neukose ana da'di ita mauli-malangan. Ni'iana ndia nanafoik na'de: “Manamanoli-mafa'da Manatee-tenok”, “Manetualain Makadelek”, “Ama Manaketu basa tak”, “Manek Mole-dame!”.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YESAYA 5:17

Neukose bi'ihiiana ma bi'ilopoana, la'a na'u nai kota manandefan-na, fo ala ta to'a-taa nana'ak fa.

YESAYA 5:9

Au amanene Manetualain Fo Manakoasa soo-supa nae, “Uma matuaina mana'ahiik ia-la, neukose basa-basas louk, nana hataholi ta leo nai dalek fa.

MAZMUR 107:39

Tehu ala kala, de ela ka'da lumanak, nanahu doidosok-ka, ma tuni-ndenik mabelaina.

MAZMUR 107:34

Ana tao dae maoe-maisik-ka, da'di mook fo, daen-na masik, nanahu hataholi manaleo nai dae ndia, tatao-nono'i mangalaun-nala

IMAMAT 26:34

Nai lelek ndia, fo nde nai lelek emi bei nai mamana tu'u-tapak, nai emi musu-mala nusan-na, emi daem fo emi ta fen hahaeaon nai lelek emi bei leo-nana, neukose nanapo'ilotak, fo ana hapu loak hahaeaon-na.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

ULANGAN 29:23

Neukose belerang-nga ma masik-ka, ala potiketu emi tina-osim, fo ta bisa sele-nggali bini-ngges neu fa, ma na'u-aiana ta moli nai ndia so'on. Neukose emi nusam-ma, nalupa leo Sodom ma Gomora, Adma ma Zeboim, fo Manetualain tao namopos, nai lelek nasa-melun lua ponu-ponu.

MAZMUR 109:11

Nemen-na fo, manala'ok hutak-ka, beslaa-na, hata-heton lala'ena, ma hataholi loso-na, basa hata fo, ana hapun neme sosota-mamangun mai.

YESAYA 1:8

Ela ka'da Yerusalem, tehu lakahapi-la seli, de ta nakatatakak so'on, sama leo lalaak-ka nai osi angol dale, do moa nai osi titimupokok dale.

YESAYA 3:8

Te'e-te'e, Yerusalem tu'da so! Yehuda nakalulutuk so! Nana sila dede'a-kokolan, ma tatao-nono'in lala'en-na la'ban Manetualain ma ala ta sipok koasan-na fa.

YESAYA 9:18

Manetualain Fo Manakoasa, namanasa nanseli, ma huhukun-na sama leo ha'i manapila lo'a-lo'ak, de leoina ndia da'di neu mina dae de ha'i nana'a henin. Ta hapu hataholi esa boen sue-lai tolanoon-na fa

YESAYA 49:19

O nusam fo, tokotik, ma nee-nee lino-lino-a, besak ia, ana da'di makabi'a anak nanseli, ba'eneu hataholi fo, lahiik leon-nana. Ma hataholi fo, ana nau tao namate-namopo o-a, nadook aoinan-na neme o mai so.

YESAYA 60:15

Neukose, o ta nanala'oelak, ma ta nananakamuu-nakadauk fa, ma ta nanapo'ilotak da'di nee-nee lino-linok fa. Au tao o da'di dalen-namatutuak fo manaketu basa tak, mamana namahoko-setelek losa dodoon-na.

YESAYA 62:8

Manetualain helu basa pake soo-supak so, de neukose, Ana tao natetun nenik koasan-na: “Neukose, Au ta fe seluk o gandum-ma, leo musu-a neu so'on; hataholi nusa dea-la, neukose ta linu seluk o angol fo, emi ketu-seun no sosota-mamanguk fa.

YESAYA 64:10

O kota malalao-malalafum-mala, lalupa moo solokaek, Yerusalem da'di moo tokotik fo nee-nee-lino-lino.

YEREMIA 4:7

Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

YEREMIA 7:34

Neukose nusak ia, ana da'di moo tokotiik. Neukose Au tao amopo hala namahoko-seteleek, ma halak manai feta ka'bing-nga, nai kota-kota Yehuda, ma nai eno-enok manai Yerusalem-mala.

YEREMIA 44:6

Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.

YESKIAL 25:4

Hu ndia de, Au po'ilotak emi, fo leoina-kala leme moo solokaek Dulu mai, fo ala sengi emi. Neukose, ala lapadedeik sila uma ofun-nala, nai emi nusam-ma, fo ala leo lahele leme ndia. Neukose la'a emi ai boam-mala, ma linu emi bana-manum su'uoen-na.

MIKHA 5:11

Neukose Au tao amopo emi le'u-le'um-mala, ma Au si'u heni basa emi hataholi mananeuk hataholi-a ua-nalen.

MIKHA 6:13

Besak ia, Au mulai fepa ma tao akalulutuk emi, nanahu emi sala-singom-mala.