YESAYA 1:3 - Susula Malalaok Hehelu Palak Ma Hehelu Beuk

³ Sapi nalelak lamatuan-na, keledei nalelak mamana nana'an fo lamatuan-na sadiak-ka. Tehu Au anang Israel, ta; ta lalelak-kana fa.”

YESAYA 1:3 Referans Kwoze

YEREMIA 8:7

Manupui danoe-a boeo, ana bubuluk fai fafalin-na; manupui kateu-a, manupui lalao-a, ma koa boeo, ala bubuluk fai, fo ana lali mamanak. Tehu emi, fo Au anang-ngala, ta malelak hoholo-lalanek fo Au fen neu emi-a fa.

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YESAYA 44:18

Te'e-te'e, hataholi leo sila-kala, nggoan-na seli! Ala potiketu matan-nala, ma dalen-nala, nalosa ta lalelak hata esa boen.

YESAYA 5:12

Nai emi feta-dotem-mala dalek, hapu kecapi liik, gambus liik, rebana liik, ma kinu liik, ma nininuk angol. Tehu emi ta taoafik neu Manetualain ue-le'din, ma hata fo Ana taon fa.

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

MAZMUR 94:8

Hai au leoinang-ngala lemin, boso mamanggoa ba'u basa ndia, manoli pake emi dudu'a-aafim.

YESAYA 27:11

Metema ndanan-nala lamatuu, fo la'dis soona, inak-kala ala mai ko'o lenis fo ala taos da'di ai ha'i. Leoina ndia, ta nalelak hata-hata fa, de sila Manetualain fo, mana makadada'dik-kana, neukose ta sue-lai fas.

2 PETRUS 3:5

Ta'ko ala ta nau manaku lae, makahulun eli, Manetualain nakadada'dik lalai a no daebafa ka ninik ka'da hala-kokolan mesa kana fa. Manetualain nakadada'dik daebafa ka neme oe a mai, ma no oe;

AMSAL 6:6

Hataholi pelatua, muse taoafik neu ne'ek-ka so'dan-na, fo nanoli neme ndia mai.

YEREMIA 10:14

Hataholi daebafak-ka nita basa sila-la boema lame'da, lae ndia nggoak ma ta nanuu dudu'a-aafik fa. Basa manatao nalelak lilopilas mopo matan-nala, nana sila tao dodoki-dudulak sosongo-tatangok ndia ta te'e-te'ek fa ma hahaen ta.

YEREMIA 10:8

Sila basa-basas nggoa-panganaa nana lamatua daebafan-na ka'da ai tuk mesak-kana, ma ta hapu nanoli hata neulauk fa.

MATEOS 13:19

Bini-ngges fo mana tu'da nai enok lai na, nakasasama na leo hataholi fo namanene halak la'eneu Manetualain paleta tao leo beek, tehu ta nalela kana fa. Boema Nitu Mangalauk ndia, ana mai de, natona nini hata fo nanasele-nggali basak nai dale nala dalek so.

YESAYA 5:13

Hu ndia de, Au anang fo, ala ta bubuluk hata-hata fa, neukose ala foo lenis da'di leo hataholi nanafook. Basa mauli-malangan ma laun-na, neukose mates loo la'a-ndoes-sa, ma maa ma'dak-ka.

YESAYA 56:11

Sila sama leo busa maa fula, fo ta nakabete nita fa. Mauli-malangan sila-la nggoak-kala. Esa-esak tao tunga dale hihii-nanau mesan-na, ma ana sanga ndia nanalan-na, mesak-kana.

YESKIAL 16:30

Manetualain Fo Mademaina, nafa'da nae, “O tao basa sila-la, sama leo manasosoa-piaok fo, bibii-mamaen ta.

DANIAL 9:11

Israel lala'en-na, la'olena O hoholo-lalanem, ma ta nau lamanene O halam-ma fa. Ami masala-masingo soaneu O, hu ndia de, O fe soo-supak fo nanasulak nai O atam Musa Susulan dale, tuni la'e ami.

HOSEA 2:8

Emi inam beita manaku nita nae, Au nde fe ndia gandum, angol, mina setun, ma basa lilopilas lilofulak lala'en-na, fo ana paken soaneu sene-do'ok Baal-la ndia.

AMSAL 28:5

Hataholi malelesik-ka, ta nalelak natalolole ndoos ma matetuk-ka fa, tehu hataholi fo, ana sene-do'ok neu Manetualain-na, te'e-te'e nalelak-kana.

YESAYA 42:20

Israel, o mita makadotok, tehu o ta taoafik neu fan, o madi'idook, tehu o ta mamanene fa.”

YEREMIA 35:16

Yonadab tititi-nonosin-nala lamahele neu sila ama manamaten-na paletan-nala, tehu emi soona ta nau mamahele neu Au fa.

YEREMIA 50:6

Au anang-ngala sama leo bi'ilopo manapo'ilotak, fo ala latofa-lasalak nai lete pe'dak-kala hu ka nde manafoo tak, ala laputak leme letek esa leo letek fe'ek leu, ma ala tabubuluk sila uman-na nai be.