YESAYA 1:10 - Susula Malalaok Hehelu Palak Ma Hehelu Beuk

¹⁰ Yerusalem, basa mauli-malangan, ma emi leoinam-ma, da'di sama leo hataholi Sodom ma Gomora so. Mamanene hata fo, Manetualain nafa'dan neu emi; taoafik neu hata fo, ita Manetualain-na, nanolin neu ita.

YESAYA 1:10 Referans Kwoze

NINITAK 11:8

Popola nala neukose lalefule'ak nai kota matua ndia enon lain, fo nai bee sila Lamatua na nanalona-nggangek. Kota ndia na'de nakasasama na nde Sodom do Masir.

YESKIAL 16:49

Sodom no nggolo-nggolon-nala koao-ndaeao, nanahu mamana pepe'da nana'an makadotok, ma laso'da no nee-nee lino-linok ma mole-dame. Tehu, ala ta taoafik neu hataholi nuu taa-hata taak-ka, ma hataholi matasi'da-matasaek-ka fa.

AMOS 9:7

Manetualain nafa'da nae, “Hai hataholi Israel-la lemin, Au taoafik neu hataholi Sudan-nala, sama leo Au taoafik neu emi. Au o falik hataholi Filistin-nala leme Kreta mai, ma hataholi Siria-la leme Kir mai, sama leo Au o emi neme Masir mai.

YESKIAL 16:46

O ka'am nde Samaria, nai kii, no basa nggolon-nala. Ma o fa'dim-ma, nde Sodom, nai kona, no basa nggolon-nala.

YEREMIA 23:14

Tehu Au ita nai Yerusalem bai soona, nabi-nabi-la tao-no'i mangalauk lena seluk bai. Ala lasapepeko-lasandandali ma ala hohonge, boema ala tulu-fali hataholi fo manatao-no'i mangalauk-ka de nalosa ta hapu hataholi esa Taka Tei-sale dale boen. Ba'eneu Au soona, basa-basas mangalauk-ka sama leo Sodom ma Gomora.”

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

ULANGAN 32:32

Nana, sila tatao-nono'in mangalauk, sama leo Sodom ma Gomora, sama leo sila ai angol-la, boan-na makahe'duk ma malasok.

ROMA 9:29

Yesaya nafa'da nae leoia boe, “Leo uni'ka Manetualain Fo Mana Koasa ta la'oela ita tititi-nonosin fa soona, tao leo bee o ita basa-basa tala da'di sama leo Sodom no Gamora so.”

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

AMOS 3:1

Mamanene Manetualain hala hehelun-na nde ia, hai leoina Israel fo Manetualain nos kalua leme Masir mai! Manetualain nafa'da nae,

YESAYA 28:14

Mamanene hata fo, Manetualain nafa'dan, hai manahakinonolik, fo manapaleta laun manai Yerusalem-ma lemin!

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

KEJADIAN 13:13

Hataholi manatao tatao-nono'i mangalauk nanseli-la, ma lasala-lasingo neu Manetualain-na, ala leo nai Sodom ndia.

YESAYA 30:9

Nana, sila nde been-na, leoina esa, fo ala hii ka'da la'ban Au, ala hii ka'da lasapepeko-lasandandali, ma ala ta nau lamanene Manetualain nanolin-na fa.

YESAYA 33:22

Nana Manetualain nde been-na, ita Manakee-manafulan, Manetualain nde been-na, manafe ita hoholo-lalanek-ka; Manetualain nde been-na, ita Manen, Neukose Ana soi-tefa-na ita. Emi talim-mala, lakama'a so, de ta hapu pa'a nahele dii laa, nai mamanan-na fa, boema, ta hapu lofa laa neu fa. Nai lelek ndia, neukose hataholi baba'e bua-lo'a nanaloso-nak makadotok, ma hataholi lu'ueik-kala, neukose ala kalo bua-lo'a kakalok.

YESKIAL 13:2

“Hai hataholi daebafak fo, manasapu-manalalok-konei, fe nasanene'da mahelek neu nabi-nabi Israel fo, manakokolak dede'a nafa'da elak fo sila tao aon-na. Madenus fo, lamanene Au dede'a-kokolang.”

MIKHA 3:1

Mamanene leon hai emi fo manakoasa Israel-la lemin! Tunga ndoon-na, emi bubuluk ndoos ma matetuk-ka,

YESKIAL 16:35

Hai Yerusalem, fo manasosoa-piaok-ka, mamanene hata fo, Manetualain Fo Mademaina, nafa'dan nae, “O o'duheni o ba'dum-ma so, de da'di leo ina manasosoa-piaok, o fe o aopaa-ma neu o tou susue-lalaim-mala, ma neu o sosongo-tatangom fo nana maluak sila-la. O taomisa o anam-mala, de o tunu-hotu fes neu sosongo-tatangok sila-la.