YEREMIA 9:7 - Susula Malalaok Hehelu Palak Ma Hehelu Beuk

⁷ Hu ndia de Manetualain Fo Manakoasan-nafa'da nae, “Neukose Au fola Au anang-ngala sama leo liti-a, fo ela ala boso da'di nanasese'do-babalik. Au hapu tao seluk beek soaneu Au anang fo, manatao tatao-nono'i mangalauk-ka so

YEREMIA 9:7 Referans Kwoze

YESAYA 1:25

Neukose Au ho'i nakeketuk soaneu emi. Neukose Au fola emi, sama leo hataholi-a fola liti-a; Neukose Au lose heni basa manggenggeok lala'en-na neme emi mai.

MALEAKHI 3:3

Ana mai fo naketu-nala'di, sama leo hataholi manatao balisi, ma manapoli lilofulak-ka. Sama leo tuka liti esa, ana tao namaneu lilopilas ma lilofulak-ka, leondiak boe, Manetualain hataholi nadedenun-na, neukose ana tao namaneu basa imam-mala, fo ela ala tunu-hotu tutunu-hohotuk nenik enok fo Manetualain nahiik-kana.

YEREMIA 6:27

Boema Manetualain nafa'da Yeremia nae, “Fola Au anang-ngala, sama leo o fola liti-a. Palisak matalolole heheo-hihilun-nala!

YESAYA 48:10

Au fola o nai ha'i doidosok dale, sama leo lilofulak-ka, nanafolak nai dapu ha'i dale.

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

1 PETRUS 4:12

Tolanoo susue-lalai ngala lemin! Besak ia emi doidoso manseli, nanahu emi bei nanaso'ba-su'dik. Tehu emi boso dodoo mae, nono ka bai de, hata matua ina esa, ana da'di neu emi.

1 PETRUS 1:7

Dede'ak ia tetee-tutu'dan nde, fo ela ana da'di buti esa nae, ade te'e-te'e, emi mamahele Lamatua ka do ta. Lilopila sa hapu nalutun boeo, bei nanaso'bak ninik ha'i. Na, emi namahehele ma nde bee na, beli na lenaheni lilo pilasa, da'di muse so'ban boe, fo ela natea-nahele. Fo no enok ndia, neukose emi nanakoa-nanakiok, ma nanafe ha'da-holomata, boema nana namatutua-namadedemak nai faik fo Yesus Kristus fafali ma'i na.

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

2TAWARIKH 36:15

Amak fo sila bei-ba'i kain Manetualain-na, fali-fali Ana haitua nabi-nala soaneu fe nasanene'dak neu anan-nala, nanahu Ana sue-lai sila ma Ana sue-lai Uman-na.

2 SEMUEL 13:26

Boema, Absalom nafa'dan nae, “Metema leondiak soona, po'i au tolanoong Amnon fo ana tunga no ami.” Boema Manek-ka nae, “Ndia ta bole tunga fa.”

MAZMUR 55:22

Hala-kokolan mangana'uk ma nadoe dale tehu nai dalen dale, hapu nakamuu-nakadauk. Hala-kokolan mangana'uanak, tehu ana papau sama leo tafaina matane.

MAZMUR 62:5

Emi ka'da tutu'u enok, fo tao matu'dan neme nangatutuu mademan-na mai. Emi hii ka'da masapepeko-masandandali; emi fe baba'e-papalak menik emi bafam-ma, tehu supa-soo-a nai emi dalem dale.

MAZMUR 120:4

Ninik palani tatibatu esa, kokouisi matanen-na, ma nenik ha'ikaak manapila lo'a-lo'ak-ka!

YESAYA 59:3

Emi masala, nanahu masapepeko-masandandalik-ka, ma emi tao hata, ta tunga ndoos ma matetuk-ka fa, nanahu emi tao-no'i tatao-nono'i laka-nakasetik, ma kanisak-ka.

YEREMIA 5:1

Hei laun Yerusalem-mala lemin, la'ok ndolo-ndolo eno-enok manai emi kotam-ma! Sanga nai basa mamanak lala'en-na, fo mita matam. Palisak mook manai uma manek-ka so'dan-na, ade hapu hataholi manatao ndoos esa, ana sanga enok fo ana lilineka neu Manetualain do ta. Metema hapu, soona neukose Manetualain fe do'o do ampon neu Yerusalem.

HOSEA 4:1

Manetualain kalaak nusak ia laun-na. Hai Israel, mamanene hata fo nafa'dan nae, “Ta hapu lilinekak, do susue-lalaik nai nusak ia fa, de laun-na ta manaku Au da'di leo Manetualain fa.