YEREMIA 9:2 - Susula Malalaok Hehelu Palak Ma Hehelu Beuk

² Ela leo been-na, au hapu mamana susunguk, nai moo solokaek-ka, ba'eneu hataholi fo, nai leleo-lala'on-na dalek! Soona neukose, au la'oela au leoinang, fo au alai leo naa u, fo au dook-ka eme sila mai. Sila basa-basas manatipu-daik-kala, hataholi manalilineka tak, bubuak esa,

YEREMIA 9:2 Referans Kwoze

YEREMIA 23:10

Ita nusa-namon-na henuk no hataholi fo ta manalilineka neu Manetualain fa. Sila so'dan-na mangalauk, ma ala tao sala sila ha'da palin-na. Nanahu Manetualain supa-soo de, na'u manai mook-ka ana da'di tuk, ma basa nusak lala'en-na kii-lamatani.

HOSEA 4:2

Ala soo-supa tehu ala ta tao tunga fan; ala lasapepeko-lasandandali, lanisa, lamanako, ma ala hohonge. Tatao-nono'i mangalauk-ka boetai nakadele, ma kanisak-ka ana da'di, latutungao.

HOSEA 7:4

Sila basa-basas manadea-dalek, ma ta manalilinekak-kala fa. Sila dale nakamuu-nakadaun-na, sama leo ha'i nai la'o dale, fo nai lelek manatunu loti-a, beita kame ha'desopun-na fo ana tunun, de ana ta nggengge'u ha'i ndia fa.

YEREMIA 12:6

O nana malelesi basak so, lena-lenak neme o tolano ka'a-fa'dim-mala mai; sila boeo sapu-la o. Boso mamahele neu sila, leomae sila hala-kokolan-nala makee-mamina.”

YEREMIA 12:1

“Ou Manetualain, metema Au eni au dede'ang-nga leo O matam-ma neu, soona tao leo beeo neukose butina-na nae, O nde been-na ndos. Tehu hii atane seluk neu O la'eneu ndos ma matetuk-ka: Tao le'e de hataholi mangalauk-ka so'dan-na natetu? Tao le'e de hu ka nde hataholi fo ta ndos-sa fa ana hapu-dai?

YAKOBIS 4:4

Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.

MALEAKHI 2:11

Hataholi Yehuda-la la'olena Manetualain hehelu-balataan no sila so, ma ala tao-no'i dede'a-dede'ak fo neni mamaek nai Yerusalem, ma nai basa nusak-ka lala'en-na. Ala tao langgenggeo Manetualain Uman fo Ana sue-lain ndia so, ma ala ka'bing loo ina-inak fo, ala sene-do'ok neu leoina fe'ek-kala, lamatua daebafan-nala.

ZEFANYA 3:4

Nabin-nala, ta taoafik neu bela-ba'un-nala no malole, ma ta lamahele fas; basa imam-mala, tao langgenggeo hata fo nanafe hehelik neu Manetualain ma ala puputa-papaik Manetualain hoholo-lalanen-nala, fo ala hapu nanalak.

HOSEA 6:7

Tehu sama leo nai dae Adam-ma, emi malelesi emi hehelu-balatam moo Au-a.

HOSEA 5:7

Ala ta lilineka neu Manetualain fa. Sila anan-nala, Manetualain anan ta sila fa. Hu ndia de, ta dook-ka so'on te, neukose sila nanatao namopo-namatek, sama-sama no tinan-nala.

YEREMIA 5:11

Hataholi Israel-la, ma hataholi Yehuda-la, te'e-te'e ala ke'di-ndiu basa Au so. Au, fo Manetualain nde manakokolak-ka.”

YEREMIA 13:22

Fafa'kama emi matane mae, tao le'e de basa sila-la ala tuni-ndeni emi ao paam-ma, ma tao le'e de emi bua-lo'am-ma nana siba'ek, ma emi nana saok nenik laka-nakasetik. Bubuluk leon-na te, basa sila-la da'di nanahu emi sala-singom-mala ba'u nanseli.

MIKHA 6:12

Hataholi kamasu'ik manai emi kotam-ma, ala tuni-ndeni hataholi nuu-taa hata-taak-ka, ma emi basa-basam-mala masapepeko-masandandalik.

MALEAKHI 2:14

Emi matane mae, tao le'e de, Ana ta nau sipo fan? Hu kande Manetualain bubuluk, emi ta lilineka neu inak fo emi ka'bing moon, nai lelek emi muli-solum-ma. Emi tia-laim inak ndia, nai emi so'dam-ma dalek, tehu emi malelesin, leomae emi helu basa, soaneu lilineka mahele moon, nai Manetualain matan so.

HAKIM-HAKIM 2:10

Basa boema, mate bobongik ndia lala'en-na boe. De bobongik manatungak-ka, ta lalelak Manetualain fa, nanahu ala ta la'ola'di hata fo Manetualain, tao basan soaneu leoina Israel-la fa.

YESAYA 59:3

Emi masala, nanahu masapepeko-masandandalik-ka, ma emi tao hata, ta tunga ndoos ma matetuk-ka fa, nanahu emi tao-no'i tatao-nono'i laka-nakasetik, ma kanisak-ka.

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YEREMIA 5:1

Hei laun Yerusalem-mala lemin, la'ok ndolo-ndolo eno-enok manai emi kotam-ma! Sanga nai basa mamanak lala'en-na, fo mita matam. Palisak mook manai uma manek-ka so'dan-na, ade hapu hataholi manatao ndoos esa, ana sanga enok fo ana lilineka neu Manetualain do ta. Metema hapu, soona neukose Manetualain fe do'o do ampon neu Yerusalem.

YEREMIA 5:2

Emi mafa'da mae emi sene-do'ok neu Manetualain, te se'kona emi dale dodoom-ma, ta leondiak fa.