YEREMIA 8:9 - Susula Malalaok Hehelu Palak Ma Hehelu Beuk

⁹ Basa hataholi manatee-tenok, fo manai emi tala'da heom-mala, neukose nananakamamaek. Neukose mopo manatee-tenon-nala, fo lala hihi'ik dale. Ala ta nau sipo Au nanoli-nafa'dang fa; besak ia, sila bei lanuu manatee-tenok beek-ka bai?

YEREMIA 8:9 Referans Kwoze

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

AYUB 5:12

Ana taon-na hataholi malela keke'dik-ka, dale tutu'un-na, ta da'di fa, nakahihi'ik-kana, de Ana ho'un-na hataholi malelak ma manatee-tenok-ka, nalosa sila sasanga enon lala'en-na, ta da'di fa, ma sila dudu'a-aafin, ke'di seluk-kasa.

YEREMIA 6:19

Taoafik leon, hai daebafak-konei! Au anang-ngala, ta nau sipok Au nanoling-nga, ma ala ta nau tunga Au fa. Au fe soe-a la'es, fo da'di leo sila dale tutu'un-na, buna-boan.

YESAYA 19:11

Mauli-malangan kota Zoan-nala, te'e-te'e nggoak-kala! Hataholi Masir fo, manatee-tenok lanseli-la, ala fe nanoli-nafa'da nggoak! Lapalani lanseli, lafa'da manek-ka, lae hataholi manatee-tenok ma mane-manek manai tepo-lelek makahulun eli-la, tititi-nonosin sila.

MAZMUR 19:7

Ana la'ok ndolo lalai-a, neme pe'dak leo pe'dak neu; basa hata lala'ena, ala hapu le'do haan-na.

ULANGAN 4:6

Tao-no'i basa sila-la no lilinekak. Metema emi taon leondiak soona, leoina fe'ek-kala lita emi manatee-tenom-ma. Metema lamanene la'eneu hoholo-lalanek sila-la soona, neukose lafa'da lae, ‘Leoina matuaina ndia manatee-tenon-na, ma dodole da'u-na ba'un-na seli!’

2 TIMOTIUS 3:15

O muse mafandendelek te, o malelak Susula Malalao ka te, o bei ana ka. Susula Malalaok ndia nde fe o malelak, soaneu o hapu so'da-mole ka tunga o mamahele neu Yesus Kristus.

YESKIAL 7:26

Susa-soe ma tutui-bebenga ta malole-la, ala mai tataas esa. Neukose, emi dokodoe, fo ela basa nabi-la, lafa'da ela emi, dede'a-kokolak, tehu ala ta bisa fa. Basa imam-mala, nanolin ta, soaneu lanoli salanik-kala, ma mopo mauli-malangan nanoli-nafa'dan so.

YEREMIA 49:7

Manetualain nafa'da nae leo ia neu Edom, “Ade hataholi Edom-mala ta hapu dudu'a-aafi neulauk fa? Hu beek nde emi manatee-tenom-mala ta fe seluk emi dudu'a-aafik! Basa sila eno dalan so!

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

2RAJA-RAJA 17:15

Israel ma Yehuda, ta nau tunga Manetualain paletan-nala, ma ta lilineka neu hehelu-balataak, fo Ana tao basan no sila bei-ba'ikain-nala fa. Ala ta taoafik neu kekena-kaka'in fa, tehu ala songo neu sosongo-tatangok, sosoa-ndandaa taak-ka, nalosa sila boeo, da'di sosoa-ndandaa taak. Ala tunga leoina manai sila boboan kaisun-nala, ei tata'bun-na, leomae Manetualain kena-ka'i basan so.

YESAYA 29:14

Hu ndia de, neukose Au tao anggengek-kasa, nenik fefepak fo hahaek ta. Hataholi fo manatee-tenok-ka, neukose ana da'di nggoak, ma basa sila malelan-nala, neukose sosoa-ndandaan ta.”

YEREMIA 15:6

Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

YEREMIA 19:7

Neukose Au tao-a hataholi Yehuda-la ma Yerusalem laun-nala buna-boa taak-kala nai mamanak ia. Neukose Au po'ilotak sila nana tao nakalak neme sila musum-mala mai, ma nana tao nisak nai natee-natatik-ka dalek. Neukose Au po'ilotak manupui-la ma bana makaa-makisu-la la'a sila popolan.

AMOS 2:4

Manetualain nafa'da nae, “Hataholi Yehuda-la lasala-lasingo tataas esa so, hu ndia de, tao leo bee-o, neukose Au hukus. Ala la'olena Au paletang-nga la, ma ala ta taoafik neu Au nanoling-ngala fa. Ala la'ok sala nanahu bei-ba'i kai-nala sene-do'ok neu lamatua daebafa fe'ek-kala tatao-nono'in.

ZAKHARIA 13:4

Nai faik ndia, neukose basa nabi-la lame'da mamaek, soaneu lapadeik sama leo nabi. Neukose ala ta pake papake nabin-nala, fo ala ke'di-ndiu ma dalen-na lamatua neu ninitan-nala fa.

YESAYA 43:27

O bei-ba'i kai makasososam-ma lasala-lasingo basa so, basa o mauli-malangam mala, ala la'ban Au so,

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”