YEREMIA 8:2 - Susula Malalaok Hehelu Palak Ma Hehelu Beuk

² ta soaneu latoi-latono seluk-kasa fa, te nanapo'ilotak nai dae lain, fo da'di kadafuk. Hataholi sila-la duin-nala, besenggela-besenggali lai le'do bulak, ma bana-manu fo ala taos da'di lamatua daebafak, fo ala sue-lais, lalalau-laoonos, ala sene-do'ok neus ma loke natutu'duk-ka, matan-na.

YEREMIA 8:2 Referans Kwoze

2RAJA-RAJA 23:5

Ana kalua heni basa manek Yehuda-la, so'u imam-imam fo, lalalau-laoono nai mamana sosongo-tatangok neu lamatua daebafak-ka, nai kota-kota Yehuda-la, ma Yerusalem titia-tatain-nala; boeo basa imam-imam, fo manatunu-hotu, tutunu-hohotuk fe Baal-la, le'do-a, bulak-ka, hata manai lalai-la, ma nduuk-kala.

HATAHOLI 7:42

Boema Manetualain la'oelas de Ana po'ilota kasa, ala sene-do'ok neu nduuk manai lalai la. Dede'ak ndia nandaa no hata fo nanasulak nai nabi la susulan dale. Nae leo ia ‘Hei hataholi Israe la lemin! Ta soaneu Au emi do'do ma emi tunu-hotu bana dodoo na teuk hahulu dale na, nai mo solokae ka.

YEREMIA 9:22

Hataholi manamatek-kala, popolan-nala lalefule'ak nai mamanak lala'en-na, sama leo kadafuk-ka nai dae lain; sama leo gandum nanake'di henik, boema nanala'o elak, de ta nanahele nakabubuak so'on. Au tui-benga Manetualain hala hehelun-na, nde ndia.”

ULANGAN 4:19

Boso tao sala-singok, nanahu sene-do'ok ma mamahele neu hata fo emi mitan nai lalai, sama leo: le'do-a, bulak-ka, ma nduuk-kala. Emi Manetualaim-ma po'ilotak leoina fe'ek-kala sene-do'ok neu basa sila-la.

ZEFANYA 1:5

Neukose Au sapu balisi su'di see, fo ana kae leo uma kalan lain neu, fo ana sene-do'ok neu le'do-a, bulak-ka, ma nduuk-kala. Neukose Au tao amopo-amate sila, fo ala sene-do'ok neu Au, ma ana soo-supa lilineka nahele Au, tehu ana soo-supa nenik lamatua daebafak Milko na'den-na boe.

YESKIAL 8:16

Boema, noo au leo Manetualain Uman-na, so'dan manai dalek-ka. Nai deka no lelesu masok leo kama malalao-malalafuk-ka neu, fo nai mei tunu-hotuk-ka no mangalolok-ka tala'da, hapu hataholi duahulu lima lai ndia. Langatuuk lasadea kama malalao-malalafuk-ka, de lasale leo dulu leu, fo ala sene-do'ok neu le'do-a.

YEREMIA 36:30

Ndia, de Au, Manetualain, afa'da neu o, hai manek Yoyakim, ae ta hapu hataholi esa boen neme o tititi-nonosim neukose ana paleta da'di manek neme Dauk tititi-nonosin mai. Neukose o popolam-ma nanapia henik lo deak neu, fo makato'bik-ka la'en nai lele'don-na ma dinis-sa la'en nai le'dodaen-na.

YEREMIA 22:19

Neukose Yoyakim nana lele'a-lolosok ma nana pia henik leo Yerusalem lelesu inan deak neu, sama na leo hataholi lele'a-lolosok keledei mates.”

YEREMIA 19:13

Basa uma manai Yerusalem ma basa Yehuda manen uman-nala neukose langgenggeo sama leo Tofet; nanahu nai uma sila-la lain, hataholi-la tunu bomenik soaneu lamatua lalai-a, a fe fefeek angol soaneu lamatua daebafak fe'ek-kala.

YEREMIA 16:4

Neukose sila mates nana he'di-laus fo maneni mamates la'es ma neukose sila mates nai natee-natatik-ka dalek, do mates nanahu la'a-ndoes-sa. Neukose ta hapu hataholi esa boen kii namatanis do natotoi-natotonok fas. Neukose sila popolan-nala tongganggali samaleo pupuk-ka nai dae-a, ma manupui-la no bana makisu-makak-kala la'as.

MAZMUR 83:10

Taos sama leo hataholi Midian-nala, sama leo Sisera ma Yabin neme Lee Kison-na,

2RAJA-RAJA 21:3

Aman Hizkia, tao nakalulutuk lamatua daebafak-ka mamana sosongo-tatangon-nala, ana nafofo'a falik-kasa. Ana tao mei tunu-hotuk, fo ana sene-do'ok neu Baal, ma ana tao Lamatua Daebafak Inak Asyera, dodoki-dudulan, sama leo Ahab, fo manek Israel-la tao-ka. Manasye sene-do'ok neu nduuk-kala boe.

ZEFANYA 1:17

Manetualain nafa'da nae, “Neukose, Au fe susa-soe ba'uk-ka, leo hataholi daebafak-ka neu, nalosa lafangganggao, sama leo hataholi pokek-ka. Lasala-lasingo neu Au so, de besak ia, neukose daan-nala faa sama leo oe-a, ma popolan-nala laboo lai dae lain.”

PENGKHOTBAH 6:3

Leomae hataholi esa anan natun esa, ma naso'da dook-ka, nalosa namalasi, tehu metema ta name'da nita tetu-temak, ma ta latoi-latonom no malolen-na fa, soona tunga au hahapung-nga, ni'iana beuana nanabongi mates-sa, ua-nalen malole lena neme hataholi ndia mai.

2RAJA-RAJA 21:5

Ana tao mei tunu-hotuk, nai Manetualain Uman ndia, so'dan 2, fo ana sene-do'ok neu nduuk-kala.

2RAJA-RAJA 17:16

Ala la'olena sila Manetualain hoholo-lalanen lala'en-na, de ala tao-la sapi dua neme liti-a mai, fo ala sene-do'ok neun. Ala tao lamatua daebafa Inak Asyera, dodoki-dudulan, ala sene-do'ok neu nduuk-kala, ma ala sene-do'ok neu Lamatua Daebafak Baal-la.

ULANGAN 17:3

ma paletan-nala nenik ana sene-do'ok ma amahele neu lamatua daebafak fe'ek-kala, do neu le'do-a, bulak-ka, do nduuk-kala,

MAZMUR 53:5

Manetualain nafa'da nae, “Hataholi mangalauk sila-la ta lame'da fa do? Laso'da lenik ka'da ala kalo Au anang-ngala, ma ta la'iesa fo ala hule-haladoi neu Au fa.”

YEREMIA 14:16

Hataholi-hataholi fo ala sipi basa sila neuk-kala boeo neukose nanataonisak nenik enok matak esa. Neukose sila popolan-nala nana tu'u-tapak leo Yerusalem enon-nala lain neu, nana hapu mana matoi fa. Sila lo sao anan-nala ua-nalen-nala leondiak. Neukose Au tao-a sila lame'da lita sila tatao-nono'i mangalaun-nala sasaina.”

YEREMIA 16:11

Mafa'da meu sila mae Au afa'da leo ia, em bei ba'i mamaten-nala la'o ela Au, ‘De ala sene-do'ok ma lamahele neu lamatua daebafak fe'ek. Sila lasanggango heni Au, de ala ta nau tunga Au paletang-nga fa.

YEREMIA 31:40

Basa bafak ndia lala'en-na fo nanapakek da'di leo mamana loo-latek ma mamanak tu'u-tapak kadafuk, ma basa tina osi manai lee Kidron su'un-na losa lo Lelesu Ina Ndala fo lo dulu neu-a, neukose ana da'di hehelik soaneu Au. Kota Yerusalem-ma neukose ta nanatao natu'uk fa, do nanatao nakalulutuk fa.”

YESKIAL 6:5

Neukose, Au tao-ala hataholi Israel-la popolan-nala lalefu-le'ak; ma neukose Au nggenge-la duin-nala neu mei tunu-hotuk sila-la, boboa-kaisun.

YESKIAL 29:5

Basa soona, Au tapa o moo basa i'ak sila-la lala'en-na, leo moo solokaek-ka neu. Neukose o mapoko dae lain, fo o makabebepa meme ndia. Neukose hataholi ta natoi-natono o fa. Au fe o leo manupui-la, ma bana fe'e-fe'ek-kala, fo la'aheni o.

MAZMUR 83:11

fo nanatao namopo-namatek neme En-dor so, de ala da'di pupuk soaneu dae-a.

YEREMIA 9:20

Boema au afa'da ae, “Hai basa inak-kala lemin! Mamanene Manetualain dede'a-kokolan leona, Manoli emi anafe'om-mala, nakamee kikii-makaleleuk, manoli emi tia-laim-mala, nakamee fafaluk.

YEREMIA 9:21

Mamates-sa, ana masok tunga jendela, de ana tola nakandoo leo uma manek-ka neu so; ana kaa-na ni'iana-la lai enok lain, boema hataholi muli-soluk-kala, lai mook-ka.

YEREMIA 16:6

Hataholi kamasu'ik-ka ma hataholi nuu ta hata-taak mani nusak ia neukose mates te ta hapu manamatoi fa. Ta hapu hataholi esa boen neukose tao nahe'di aopan-na do nggeu heni langa doon-na da'di leo manafaluk soaneu sila fa.

YEREMIA 25:33

Neu faik ndia te, hataholi-hataholi fo manataonisak neme Manetualain mai-a, neukose popolan-nala lalefu'ak nai basa daebafak-ka poin-na. Neukose nanaki-namatani tak, ma nanako'o tak soaneu nananatoik, te ka'da nanapo'ilotak nai dae sama leo hu'u-kadafu madodouk-ka.

YESKIAL 39:5

Neukose solda'du sila-la ala tu'da, fo mates lai tina-la dalek. Au, Manetualain Fo Mademaina, nde manakokolak-ka.