YEREMIA 8:13 - Susula Malalaok Hehelu Palak Ma Hehelu Beuk

¹³ Au ahiik anseli, tao akabubua Au anang-ngala, sama leo hataholi-a, tao nakabubua dae-oen buna-boan. Tehu Au anang-ngala, sama leo ai angol ma ai kaak boa tak-ka, lena-lenak doon-na boeo, male henin so. Hu ndia de, Au fe basa, hataholi nusa dea-la loak, fo ala koasa sila nusan-na so. Au, fo Manetualain nde manakokolak-ka.”

YEREMIA 8:13 Referans Kwoze

MATEOS 21:19

Ana mete nita ai kaak huuk esa nai eno ka su'u na. Boema neu leo ai ndia huu na neu te ta nita boak esa boen, te ka'da doo na mesa kana. Boema Ana nafa'da ai ndia nae, “Neukose o ta maboa so'on!” Tuti ka ai kaak ndia male henin.

YOEL 1:7

Ala taolisa ita ai angol-la, ma ita ai kaan-nala, ela ka'da huun-na. Ala sii heni, ndanan-nala loun-na, nalosa ndanan-nala da'di fulak.

YEREMIA 17:8

Ndia sama leo aia moli nai le oe manafaak-ka su'un-na; fo okan-na nandondolo losa oe-a. Ana ta bii neu fai hanas-sa fa, de don-na ka'da momo'dok nahele. Leomae fai hanas-sa la'e nusak-ka boe, ndia ta male-tale fa, de ka'da nabuna-naboa nahele.

YAKOBIS 1:11

Nai lelek le'do a tii, fo haa na la'en soona, ana male fo kono heni buna na tutika mopo lolenapun. Leondiak boe, hataholi kamasu'i-makabete ka; neukose ana sapu-lalo nai lelek fo ana beitao tao no ue le'din.

HAGAI 2:17

Au akona basa anin mato'bik-ka, ma u'da batuk-ka so, fo ana tao nakalulutuk basa emi tina-osim buna-boan; tehu emi ta nau fali ma'im-ma leo Au mai boen.

HAGAI 1:11

Au fe fai hanas nakandoo neu dae ma'dak-ka, ma pupukuk-kala, neu tina gandum-mala, neu osi angol-la, boema osi setun-nala, ma neu basa bubu'u-palusa manai dae lain-na, boe te, neu hataholi-a, ma bana manu, boema basa hata lala'en fo emi palusak-kala boe.”

HABAKUK 3:17

Leomae ai kaak-ka boan ta ma ai angol-la boan ta, leomae ai saitun-na buna-boan ta, ma gandum-ma nai tina pi'da-nalak leomae mate la'iesak bi'ilopo-la ma bana-manu lalaen-nala louk,

YEREMIA 5:17

Neukose la'a heni emi daem-ma buna-boan, ma emi nana'am-ma, boema ala taolisa emi anam-mala. Neukose ala ta'ti emi sapim-mala, ma ala do'do emi bi'ilopom-mala, ma ala tao lakalulutuk emi osi angom-mala, ma emi ai kaam-mala. Neukose ala tao lakalulutuk kota-kota makota musuk fo, emi masalai emi deam-ma neus-sala.

YESAYA 5:10

Neukose dae-a, ta fe buna-boak fa, osi angol fo loloan-na hektar 10 soona, buna-boan ka'da angol oek litel sanahulu. Bini-ngges litel natun esa soona, buna-boan ka'da gandum litel sanahulu.”

IMAMAT 26:20

Emi sosota-mamangum lala'en-na, manada'di tak, nana emi dae-ma, neukose ta fe buna-boak, ma emi bubu'u-palusam, neukose ta labuna-laboa fa.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YEREMIA 14:12

Leomae ala oka aon-nala boeo, Au ta nau taoafik neu sila nalolou fo loke tutulu-fafalik fa; ma leomae ala fe Au tunu-hotu nanatunuk ma tunu-hotu gandum, boeo neukose Au ta amahoko neu hataholi sila-la fa. Nasafalin-na neukose Au tao amate-amopos nenik natee-natatik, la'a-ndoes ma he'di-laus.”

HOSEA 2:12

Neukose, Au tao amate basa ai angol-lala, ma ai kaak-kala, fo tunga ndia soona, ndia ngga'di lau-onon neu basa tou susuen-nala nde ndia. Neukose, Au tao asafali ndia osi angol-la, ma osi ai kaan-na da'di nula; ma neukose bana fuik-kala tao lakalulutuk-kasa.

YEREMIA 14:15

Ala kokolak pake Au na'deng-nga lae, neukose natee-natatik-ka ma la'a-ndoes-sa ta tuni-ndeni nusak ia fa, te sekona Au ta adenus ala kokolak dede'ak ndia fa. Au Manetualain, afa'da neu O, Yeremia, neukose hata fo Au tao-no'in neu nabi-nabi fo Au ta adenuk sila fa. Neukose Au tao isas nenik natee-natatik ma la'a-ndoes.

YESKIAL 22:31

Hu ndia de besak ia, Au amanasas, de neukose Au tao amate-amopos nenik ha'i, nanahu sila tatao-nono'in lala'en-na. Au Manetualain Fo Mademaina, nde manakokolak-ka.”

MALEAKHI 3:11

Neukose, Au ta po'ilotak lama bobo'i tao lalutu emi dae-oem isi-minan fa. Neukose, emi ai angom-mala, boan-nala beinu.