YEREMIA 7:8 - Susula Malalaok Hehelu Palak Ma Hehelu Beuk

⁸ Tehu, te'e-te'e palsuma la'iesak-kana, emi mamahele dede'a masapepeko-masandandalik.

YEREMIA 7:8 Referans Kwoze

YESAYA 28:15

Emi mafa'da basa, mae emi tao hehelu-balatak mo mamates-sa, ma emi mala halak mo hataholi manamatek-kala, daebafan-na. Emi mame'da mae tao leo bee-o, soe fo manamaik ndia, neukose ana ta tuni la'e emi fa, nanahu emi pake eno tipu-daik, soaneu masulu-mahapa emi aoinam-ma.

YEREMIA 23:32

Au, Manetualain, neukose la'ban nabi sila-la fo nde landuku-lalosak sila me'i-afen-nala fo uk no masapepeko-masandandalik. Ala lakatutu'dak Au anang-ngala nenik masapepeko-masandandalik ma nenik sila bafa loun-nala. Au ta adenu nabi sila-la fa. Sila sosoa-ndandaan tak makandondook soaneu Au anang-ngala. Au, Manetualain, fo manakokolak-ka.”

YEREMIA 23:26

Nabi sila-la sanga lakatutu'dak Au anang-ngala neniuk sila tutui-bebenga pepeko-lelelo mesan-nala losa fai hi'da?

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

YEREMIA 7:4

Boso mamahele manake'di-ndiuk fo lafa'da lae, ‘Ita nee-nee lino-linok, Manetualain Uman ia. Tete'ek-ka, Manetualain Uman ia!’

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 4:10

Boema au afa'da ae, “Manetualain Fo Mademaina, O ke'di-ndiu basa hataholi Yehuda-la, ma laun Yerusalem-mala so! O mafa'da, mae neukose hapu mole-dame, te se'kona besak ia, ami so'dam-ma, nai tafaina pe'dan-na.”

YESAYA 30:10

Ala lafa'da basa nabi-la lae, “Boso mahahala! Boso mafa'da ami, hata fo ndoos-sa, te mafa'da ami, hata fo ami hii mamanenen. Nemen-na fo, ami dodoo dede'a me'i-afek mahele.

YESAYA 59:4

Emi kalaak dede'ak, te ne'ek ta, ma maketu-mala'di no ta ndoos ma matetuk fa. Emi masapepeko-masandandali ma emi matea-mahele neu hata fo, manada'di tak-ka; emi manuu dale tutu'uk, soaneu tao soe hataholi fe'ek, ma tao tatao-nono'i mangalauk.

YEREMIA 28:15

Au anduku-alosak basa sila-la neu Hananya, boema au afa'da seluk ae, “Hai Hananya, mamanene! Manetualain ta nadenu o fa; O taom-ma leoina ia namahele neu ka'da dede'a-kokolak pepeko-lelekok.

YEREMIA 13:25

Au aketu basa emi ua-nalem-mala leondiak so, nanahu emi mamahele neu lamatua daebafak masapepekok-kala.