YEREMIA 7:18 - Susula Malalaok Hehelu Palak Ma Hehelu Beuk

¹⁸ Ni'iana-la hila ai, ma touk-kala lakafu'dik ha'i, ma inak-kala kame ha'desopuk, fo ala tao kokis fe lamatua daebafa inak, fo ala foin na'de, Ina Manek Nusa so'dak. Sila boeo, tunu-hotu fe lamatua daebafak fe'ek-kala angol, fo taok-kande lakahehe'dik Au daleng-nga.

YEREMIA 7:18 Referans Kwoze

YEREMIA 19:13

Basa uma manai Yerusalem ma basa Yehuda manen uman-nala neukose langgenggeo sama leo Tofet; nanahu nai uma sila-la lain, hataholi-la tunu bomenik soaneu lamatua lalai-a, a fe fefeek angol soaneu lamatua daebafak fe'ek-kala.

1 KORINTUS 10:22

Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?

1RAJA-RAJA 14:9

Tehu o tao tatao-nono'i mangalauk matuaina, lena neme hata fo manapaleta makahuluk-kala tao-no'in-nana. O la'oela Au ma o tao mafo'a Au nasa-melung nenik o tao sosongo-tatangok boema doki-dula kala leme liti mai, fo o sene-do'ok neun.

YEREMIA 32:29

de hotu heni la'iesak basa-basas lo uma-la, te hataholin-nala tao lafo'a Au nasang-nga nanahu ala tunu boominik neu Baal-la ma ala di'a angol da'di leo tutunu-hohotuk ba'eneu lamatua daebafan-nala.

YEREMIA 25:7

Tehu Manetualain nde nafa'da nae, emi ta nau mamanene fan. Nakalenak emi tao mafo'a nasan-na nanahu emi sosongo-tatangom sila-la. Emi nde tao aom huhukun-na Ana fen neu emi aopaam-ma.

YEREMIA 11:17

Au nde apadedeik Israel ma Yehuda, Au, Manetualain Fo Manakoasa. Tehu besak ia Au dudu'a basa soaneu Au eni fe susa-soe neu sila. Sila nde tao aon basa sila-la, nanahu la tao basa mangalauk so, fo nde ala fe tutunu-hohotuk neu Baal-la, de nalosa Au amanasa.”

YESAYA 3:8

Te'e-te'e, Yerusalem tu'da so! Yehuda nakalulutuk so! Nana sila dede'a-kokolan, ma tatao-nono'in lala'en-na la'ban Manetualain ma ala ta sipok koasan-na fa.

1RAJA-RAJA 16:2

‘Makahulun-na o ta soa nda hata esa boen, tehu Au so'u basa o, da'di mauli-malangan neu Au anang Israel. Te besak ia o masala-masingo sama leo Yerobeam, ma o tao ma Au anang Israel nasala-nasingo, nalosa ala tao lafo'a Au nasa melung.

ULANGAN 32:21

Ala tao-la au ta ahiik hata fo, Manetualain ta nde ndia fa, ma Au amanasa sila dodoki-dudula sosongo-tatangon. Boema Au tao-a, Au anang-ngala ta lahiik hataholi fo, leoina ta ndia fa, ma Au amanasa leoina nggoak-ka.

ULANGAN 32:16

Ala sene-do'ok neu sosono-tatangok, nalosa Manetualain nape'da dale nasak-kasa fa, Nasa-melun fo'a, nanahu tatao-nono'i mangalauk ndia.

ULANGAN 4:19

Boso tao sala-singok, nanahu sene-do'ok ma mamahele neu hata fo emi mitan nai lalai, sama leo: le'do-a, bulak-ka, ma nduuk-kala. Emi Manetualaim-ma po'ilotak leoina fe'ek-kala sene-do'ok neu basa sila-la.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

YESAYA 65:11

Tehu hataholi fo, manala'oela Au-a, ma ta manataoafik neu Sion, fo Au pupuku malalao-malalafung-nga, fo manatunu-hotu nana'ak fe Gad ma Meni, fo lamatua daebafak maneni nanalak ma ua-nalek-ka, hataholi sila-la, ua-nalen ta leondiak fa.

YESAYA 65:3

Ala tao-la Au, amanasa akandondoo henin, nanahu ala tunu-hotu tutunu-hohotuk fe lamatua daebafak-kala, nai osi-la dalek ma ala tunu boomenik nai mei tunu-hotun-nala lain.

YESAYA 57:6

Da'di, emi mandaa, hele makabubua batu talimo'dis-sala leme ndia mai. Fo emi baba'em-ma nde ndia! Emi di'a angol, ma tunu-hotu gandum neu batu sila-la boe. Emi maedaenga, Au amahoko nenik basa sila-la do?

MAZMUR 16:4

Nemen-na fo, hataholi manasene-do'ok neu lamatua daebafak-kala, dale he'din-nala, boetai tama lakandoo. Au ta nau fe tutunu-hohotuk, neu lamatua daebafak-kala fa, nakalenak, au ta nau seseik na'den-nala fa.

YEREMIA 7:17

O mita matam, hata fo ala taon nai kota-kota Yehuda-la, ma nai eno-enok manai Yerusalem-mala so!

YEREMIA 17:2

Emi hataholim-mala hule-haladoi neu mei tunu-hotuk sosongo-tatangok-kala ma di sosongok-tatangok-kala nananapadedeik soaneu ina manek nituk Asyeranai basa ai huk-ka fo ndana manaeefek-kala, fo nai pupukuk-kala poin,

RATAPAN 5:13

Lakaseti ami ta'eanam-mala, fo ala tao ue-le'dis nai mamana po'de gandum-ma, lelepa ai-a, nakanete-na ami ni'iana touanam-mala losa ala sapala'o.

YESKIAL 8:17

Manetualain nafa'da au nae, “Hai hataholi daebafak fo, manasapu-manalalok-konei, o mita ndia do ta? Hataholi Yehuda ia-la, lame'da beita dai fa, metema ala tao ka'da tatao-nono'ik nanamaluak ndia mesak-kana, ma ala tao tatao-nono'i ta kandaak-kala, nai nusak ia lala'en-na. Nakalenak bai, ala tao-no'i basa sila-la, nai mamanak ia, fo nai Au Umang dale, de ala tao-la Au, amanasa ba'uk-ka seluk bai. Mitak, ala lakamumulu-lakamamaek Au nenik tatao-nono'ik fo, ta kandaak nanseli ia fa.

YESKIAL 16:26

O sosoa-piao moo hataholi Masir, fo o nusa titia-tataim, fo nasa sao-anan ba'una seli ndia. O sosoa-piao, fo sue kande Au amanasa.

YEREMIA 1:16

Neukose Au huku Au anang-ngala, nanahu lasala-lasingo, ma lasadea Au. Ala fe basa tutunu-hohotuk neu lamatua daebafa fe'ek-kala, ma ala dokik dodoki-dudulak, fo ala sene-do'ok neun.

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

YESKIAL 8:16

Boema, noo au leo Manetualain Uman-na, so'dan manai dalek-ka. Nai deka no lelesu masok leo kama malalao-malalafuk-ka neu, fo nai mei tunu-hotuk-ka no mangalolok-ka tala'da, hapu hataholi duahulu lima lai ndia. Langatuuk lasadea kama malalao-malalafuk-ka, de lasale leo dulu leu, fo ala sene-do'ok neu le'do-a.