YEREMIA 6:12 - Susula Malalaok Hehelu Palak Ma Hehelu Beuk

¹² Neukose, uman-nala nanafe henik, leo hataholi fe'ek neu, leondiak boe, tina-nala ma saoinan-nala boe. Laun nusak ndia, neukose Au hukus.

YEREMIA 6:12 Referans Kwoze

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

YESAYA 5:25

Manetualain namanasa leoinan-na. Naheheleaon basa, soaneu Ana hukus so. Neukose letek-kala langgengo; hataholi manamatek-kala popolan-nala besenggela-besenggali sama leo kadafuk-ka nai enok-kala lain. Tehu Manetualain bei namanasa, de neukose ka'da Ana huku.

ZEFANYA 1:13

Neukose, nakodaa-la kalo leni hata-heton-nala, ma ala tao lakalulutuk uman-nala. Neukose lafofo'a seluk uma, tehu ala ta leo fan. Neukose ala tao osi angol, tehu ta linu angol-la oen-na fa.”

RATAPAN 5:11

Ala sungu loo inak manai Sion-nala, ala tao lalutu anafe'oanak manai nggolo-nggolok Yehuda, na'den-nala.

RATAPAN 5:3

Musu taonisa ami amam; besak ia, ami inam inafalu, ma ami anamaa.

RATAPAN 3:3

Ana fepa au do'e-do'e, nai fai katemak esa dalen-na, ta no dale kasian fa,

RATAPAN 2:8

Manetualain naketu basa nae Sion papala nanadaman-nala muse tao nandefa henis. Papala nanadamak-kala ma uma puni madema-la besak ia, basa-basas da'di ai-batu madodouk.

YEREMIA 38:22

Nai ninitak ndia dalek, au ita inak-inak fo bei manai Yehuda uma manen-na basa-basas nanafoo nenik lo deak neu fo leo manek Babel-la mauli-malangan-nala neu. Ala bei la'ok, te lafa'da lae, ‘Manek-ka nananakadadaek neme tia-lai dedenan-nala mai, ma ala koasa-nan. Besak ia, basa ein-na sapi lo'do lo lane dale neu soona, sila basa-basas lakano'dok.’ ”

YESAYA 10:4

Emi ua-nalem, nde ka'da nanataonisak nai natee-natatik dale, ma nanafook da'di leo hataholi nanafook. Tehu Manetualain bei namanasa, de Ana huku nahele.

YESAYA 9:17

Leoina ndia, tatao-nono'i mangalaun-na nana'a, sama leo ha'i na'a nisa makatema dila-nggauk-ka. Ana pila sama leo ha'i na'a nula, fo ha'i masuk-ka masu-masu.

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

1 TAWARIKH 21:16

Dauk nita ata nusa so'dak ndia laa nai lalai n daebafak ka tala'da. No tafaina manai liman-na ndia, ata nusa so'dak ndia naheheleaon soaneu tao namate-namopo Yerusalem. Boema Dauk ma mauli-malangan laun nala, fo nai lelek ndia ala bei pake bua papake lafa lapik fo da'di ta'du-tana sale dalek ka, ala senek leu dae lain.

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YEREMIA 15:6

Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

YEREMIA 21:5

Neukose Au de tee-tati emi-a nenik basa au be'i balakai, ma nenik nasa-meluk fo manalu'a pon-ponung-nga.

YEREMIA 38:23

Au afa'da seluk ae, “Basa Ama Manek sao anan lala'en-na neukose nananenik lo deak neu, lo hataholi Babel-lala. Ama Manek boeo neukose ta mala deak neme sila mai fa. Ama Manek-ka neukose nanaho'u nak neme manek Babel-la mai, ma kota ia nanahotu-heni la'isak-kana.”

YESKIAL 35:3

Mafa'da laun-nala, hata fo Au, Manetualain Fo Mademaina, nafa'da neus, ‘Emi musum-ma, nde Au ia, hai laun manai Edom letelepan-nala lemin! Neukose Au tao-a, emi daem-ma, ana da'di dae louk, de hataholi ta leo dalek fa, ma o kotam-mala, ala da'di ai batu manatapasasalak. Soona besak-ka emi bubuluk, mae Au nde Manetualain-na

MIKHA 2:4

Neukose hataholi pake emi ua-nalem da'dileo dede'a holo, ma neukose ala tao nakamee fafaluk-ka nde ia: ‘Manetualain loso-na ami nusam ia so de Ana fen neu hataholi fo manafoo neni ami-a. Ami lutu-lutu makandondook so.’ ”

ZEFANYA 1:4

Neukose Au huku Yerusalem ma Yehuda laun-nala lala'en-na. Bei ela hataholi fo ala sene-do'ok neu Baal-la, neukose Au tao amopo-amates leme mamanak sila-la mai. Neukose, lafandele heni imam-imam fo lalalau-laoono Baal-la.

RATAPAN 5:2

Ami pusakam-mala tu'da leo hataholi fe'ek liman dale neu, hataholi nusa dea-la leo-la ami umam-mala.

YESKIAL 7:24

Neukose, Au fe leoina nasa-melu mangalauk-kala mai, fo ala ho'i-la emi umam-mala. Emi hataholi palani tatibatum-mala, neukose ala dele bengge'be, metema Au po'ilotak leoina sila-la, ala tao lakalulutuk emi mamana huhule-haladoim-mala.