YEREMIA 48:11 - Susula Malalaok Hehelu Palak Ma Hehelu Beuk

¹¹ Manetualain nafa'da nae, “Nai makahulun-na Moab naso'da nenee-lino-linok. Beita hapu nanafoo nenik lo mamana ookak-ka neu fa. Ana sama leo angol oek-ka fo nanapo'ilotak sasi henin ma beita hapu nanadi'ak lo angol mamanak fe'ek fa. Angol ndia bei nabomeni ma mala'dahiik.

YEREMIA 48:11 Referans Kwoze

ZEFANYA 1:12

Nai faik ndia, neukose Au de'de obor, fo Au palisak lutu-lutuk kota Yerusalem-ma. Neukose, Au huku laun fo ta namahele te'e-te'e ndia fa, boema name'da-nana, dai so, ma hataholi fo ana dodoo nae Au, fo Manetualain ta la'iesa fo Ana ho'i nakeketuk leo iak do leonak boen.

ZAKHARIA 1:15

Tehu Au amanasa anseli, neu leoina fo lame'da nee-nee lino-linok, ma so'da-molek. Nana, nai lelek Au akatatakak Au nasang-nga, neu Au anang-ngala, leoina sila popo-tama seluk doidosok, neu Au anang-ngala.

NAHUM 2:2

Tete'ek-ka, neukose Manetualain tao falik Israel matua-mademan, fo ela ana da'di sama leo makahulun-na, fo nai lelek musun-nala beita bonga uman-nala fa.)

YEREMIA 48:29

Emi madedema aom-manseli! Au amanene emi koao-ndaeaom-ma, ha'da palii mangalaum-ma, ma madedema aom-ma nanseli so!

YESAYA 24:3

Neukose daebafak-ka nggela-nggali, ma nanatao nakalulutuk. Manetualain kokolak basa so, de tao leo bee-o, dede'ak ndia ana da'di.

YESAYA 16:6

Leoina Yehuda nafa'da nae, “Ami mamanene basa, leoina Moab-pa, koao-ndaeaon so. Ami bubuluk lae sila lamatutua-lamadedema aoinan-nala ma koao-ndaeaok. Sila hala-kokolan-na ka'da bafa louk, fo isin ta.”

MAZMUR 123:4

Ami makabete no hataholi kamasu'ik-kala hakinonolin-na, ma hataholi manakoao-ndaeaok-kala nakadadaen-na.

MAZMUR 55:19

Ana soi-tefa-na au neme musu mamain-na, fo beenongo mai la'ban au.

YEREMIA 51:34

Yerusalem nakalulutuk ma manek Babel-la na'a henis; ana fe kota ndia louk sama leo boto louk-ka boe. Sama leo bana matuaina esa ana ko'do Yerusalem ma nadai tein-na nenik basa hata neulauk fo manai kota ndia, boema ana tapa heni lenan-nala.

YESAYA 25:6

Manetualain Fo Manakoasa, neukose Ana sadia feta soaneu basa leoina manai daebafak-ka, nai Pupuku Sion-na. Neukose Ana sadia nana'ak fo, mala'da hiik nanseli, ma angol nanahehelek.

AMSAL 1:32

Hataholi fo malelan-na ta dai fa, neukose maten, ma hataholi dudu'a-aafi taak-ka, neukose nakalulutuk, nanahu ana ta taoafik neu fa.

NAHUM 2:10

Niniwe lutu-lutu so, ana da'di mamana nees ma na'u-aiana, ta moli nai ndia so'on. Hu kande, bibii-namata'uk-ka de laun-na dalen-nala makasufu. Lungulangak-ka nakamate ma dele ngge'be-ngge'be. Basa hataholi-la mata panan-nala befula.

YEREMIA 22:21

Au kokolak basa neu emi nai lelek emi so'da molen-na malole, tehu emi ta nau mamanene. Memak emi ha'da tataom neme makahulun eli mai losa besak ia leondiak; beita la'i esa fo emi tunga Au paletang-nga fa.

YEREMIA 48:12

Tehu, neukose fain-na nde ia so Au adenu fo ela Moab nanadi'ak sama leo angol-la, fo mamanan-na louk ma nanatao naba'ek.