YEREMIA 45:3 - Susula Malalaok Hehelu Palak Ma Hehelu Beuk

³ o masasale dale tao leo bee ia, ‘Ah, te'e-te'e au ia ua-naleng ta! Au dudu'a-aafin-na ma kale'o ba'uk-ka nanseli, te Manetualain tama seluk-kana nenik toto'a-tataak bai. Au sota no hoonggu'uk-ka, Au daleng-nga ta tesa-tama fa!’

YEREMIA 45:3 Referans Kwoze

GALATIA 6:9

Hu ndia de, ita boso pela-malua tao-no'i dede'a malole; nanahu metema ita ta hahae tao-no'i dede'ak sila la fa soona, neu faik esa te, neukose ita ketu-kolu buna-boan.

2 KORINTUS 4:16

Hu ndia de, ta ketu ami namahehena ma fa. Leomae tunga ao paa ka soona, boetai nakalulutuk, tehu tunga samane ka soona, ami nanatao nabebeuk tunga faik.

2 KORINTUS 4:1

Ami ho'u ue-le'dis ia nanahu Manetualain dale malole na. Hu ndia de ta ketu ami namahehena ma fa.

2 TESALONIKA 3:13

Tehu ba'eneu emi soona, emi boso pela-malua tao-no'i tatao-nono'i malole a.

RATAPAN 3:32

Ana fe basa doidosok-ka soona, nanuu dale kasian boe, nanahu Ana sue-lai nahele ita nenik susue-lalain fo too-lanen ta ndia.

RATAPAN 1:22

Taoafik neu basa sila tatao-nono'i mangalaun sila, ma taos sama leo O tao au, nanahu basa sala-singok fo au taon soaneu O. Au ahoo nai doidosok dale, au daleng-nga he'dis-sa ma male-tale.”

RATAPAN 1:13

Nakona ha'i-a neme lalai mai fo na'a losa au daleng dale. Ana lona hihi'ik nai au matang-nga, fo au tu'u u. Boema Ana po'ilotak au mesang-nga doi-doso fai katemak esa dalen-na.

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

YEREMIA 8:18

Au daleng-nga nono'ka bai nanasasa'dak, de he'dis-sa, au dale he'ding-nga, mo'do-akidoon ta.

AMSAL 24:10

Metema ketu o namahehenam-ma nai toto'a-tataak-ka, soona o hataholi tapandoes.

MAZMUR 120:5

Soe ba'eneu au, nanahu au muse aso'da sama-sama o, o; sama-na leo, au leo nai Mesekh, do nai hataholi Kedar-ra tala'da.

MAZMUR 69:3

Au kosik leo oe madema dale u, ta hapu mamanak fo au apadeik fa. Au bolo nai oe madema dale, lii matuaina tao-na au bolo.

MAZMUR 42:7

Nai mamana okak ia, au daleng-nga nakalulutuk, hu ndia de, au afandele neu Manetualain. Au samaneng-nga bolo nai faa dale he'dik dale faa tasi'bu-a sa'e-na au; sama leo Lee Yarden-na oe lili'don-na nggun-na neme Lete Hermon ma Lete Mizar-ra mai.

MAZMUR 27:13

Au amahele, neukose au la'ola'di Manetualain dale malolen-na, nai au maso'dang-nga dalek, nai daebafak ia.

MAZMUR 6:6

Nana nai bolo mamates-sa dalek, ta lafandele O so'on; ta hapu manakoa-kio O nai hataholi manamatek-ka daebafan-na fa.

YEREMIA 45:2

Manetualain fo Israel Manetualain-na hala-kokolan, ma Manetualain nafa'da nae, “Barukh

MAZMUR 6:7

Au sota-mangu nanahu hoo-nggu'uk-ka; tunga-tunga le'odaen-na, au luu oeng-nga faa nakadoe au pepe'ung-nga.