YEREMIA 44:3 - Susula Malalaok Hehelu Palak Ma Hehelu Beuk

³ Dede'ak ndia anan da'di nanahu laun-nala lasala-lasingo, de nalosa ala tao-la Au amanasa. Ala fe tutnu-hohotuk ma ala lakaluku-lakatele neu lamatua daebafak fo ala beita sene-do'ok lita fa, boema emi ma emi bei ba'i-kaim manamatem-mala.

YEREMIA 44:3 Referans Kwoze

ULANGAN 29:26

Ala da'di ata neu lamatua daebafak fe'ek fo, ta lalelak-kana fa, te se'kona Manetualain ka'is fo, ala boso sene-do'ok neu lamatua daebafak fe'ek sila-la.

ULANGAN 32:17

Ala tunu-hotu tutunu-hohotuk fe dula dale mangalauk-kala fo Manetualain ta nde ndia fa, neu lamatua daebafak fo, ala ta lalelak-kana fa, lamatua daebafak beuk fo, sila bei-ba'i kain-nala ta bii-lamata'u fas.

ULANGAN 13:6

Metema, emi tolanom, do emi anatoum do anainam, do emi saoina susue-lalaim-ma, do emi tia-laim-mala, no denge-dengek, ala fufu'di-oodok emi, fo sene-do'ok neu lamatua daebafak fe'ek-kala, fo emi beita malalelak-kasa, ma emi bei-ba'i kaim-mala boeo beita lalelak-kasa fa, leoina fo manaleo deka do manaleo lai dook-ka, lamatua daebafak-nala,

DANIAL 9:5

Ami masala-masingo basa so, ami tao tatao-nono'i mangalauk ma tao salak so. Ami la'ban ma la'olena O paletam-ma so, boema ami la'ok sala neme O nakanenetem-mala.

YEREMIA 44:8

Tao le'e de emi tao dede'ak fo ana taon-na Au amanasa? Emi mai de leo nai Masir, fo nusa dea ba'eneu emi ndia, boema emi songo-tango ma fe tutunu-hohotuk neu nusak ndia lamatua daebafan-nala. Ade emi nau tao makalutuk emi aopam-ma fo ela emi nananakaumulu-nakamamaek neme basa leoina manai daebafak ia lala'ena-na, ma emi na'dem-ma nanapakek da'di leo supa-sook do?

NEHEMIA 9:33

O nakeketum-ma ndoos ma matetuk, O huku ami fo masala-masingok; O lilineka mahele, leomae ami henuk no bu'u-ba'ek.

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

RATAPAN 4:13

Tehu dede'ak ndia da'di so nanahu imam-imam ma nabi-la sala-singon. Ala taolisa hataholi sala tak-ka so.

RATAPAN 1:8

Yerusalem tao nanggenggeo aoinan-na mesak-kana nenik tao sala-singo manggenggeok makadotok. Basa hataholi fo makahulun-na fen ha'da-holomata, besak ia, lakadadaek-kana nanahu lita makaholan-na. Ana hoo-nggu'u, nanahu ana mae so.

YEREMIA 22:9

Boema neukose hataholi-la lataa lae, basa sila da'di nanahu ei masapepeko-masandandali neu emi hala-hehelun no Au, fo emi Manetualaim-ma, de emi sene-do'ok ma hule-haladoi neu lamatua daebafa fe'ek-kala.”

YEREMIA 11:17

Au nde apadedeik Israel ma Yehuda, Au, Manetualain Fo Manakoasa. Tehu besak ia Au dudu'a basa soaneu Au eni fe susa-soe neu sila. Sila nde tao aon basa sila-la, nanahu la tao basa mangalauk so, fo nde ala fe tutunu-hohotuk neu Baal-la, de nalosa Au amanasa.”

YEREMIA 7:19

Tehu te'e-te'e, sila lakahehe'dik-ka, ta nde Au fa, tehu sila dei, nalosa ala mae.

YEREMIA 5:29

Tehu, Au, fo Manetualain, neukose hukus, nanahu basa ha'da-tataok sila-la; neukose Au balas leoina ia, tatao-nono'in-nala.

YEREMIA 5:19

Tehu metema, ala latane lae, tao le'e de Au tao basa sila-la soaneus soona, hei Yeremia mafa'da leon, mae sama leo sila la'oela Au nai sila nusa mesan-na, fo da'di ata neu leoina fe'ek-kala lamatua daebafan-nala, leondiak boe, neukose sila da'di ata neu hataholi nusa dea-la, nai nusa fe'ek.”

IBRANI 3:16

Naa, see ka nde hataholi-hataholi, fo namanene Manetualain hala na, boema ala la'ban selu kana? Hataholi sila la nde, basa hataholi fo Musa hela-noles kalua leme dae Masi ra mai hetu?

YESAYA 3:8

Te'e-te'e, Yerusalem tu'da so! Yehuda nakalulutuk so! Nana sila dede'a-kokolan, ma tatao-nono'in lala'en-na la'ban Manetualain ma ala ta sipok koasan-na fa.

YEREMIA 32:30

Neme hataholi Israel ma hataholi Yehuda-la tutui makasososan-na mai-a, ala tao-la Au daleng-nga ta namahoko fa. Ala tao lafo'a Au nasang-nga nenik sila tatao-nono'i mangalaun-nala.

ULANGAN 29:25

Soona, natataan-na nae, ‘Hu kande, ala ta nau sipok, sila bei-ba'i kain-nala Manetualain, hehelu-balataan fa; hehelu-balataak fo, Ana taon ba'eneu sila, nai lelek nos kalua leme Masir mai.

YEREMIA 16:10

Metema o manduku-malosak basa iala neu sila so'on, fafa'kama neukose ala latane lae, tao le'e de au huku-doki sila ba'u-ba'u basa ndia. Neukose sila latane lae salan-na beek ma sila sala-singon-na beek neu au Amak fo sila Manetualain-na.

YEREMIA 29:19

Basa sila-la da'di neus, nanahu ala ta nau tunga Au hala-haituang-nga, fo Au anduku-alosak-kana neu sila tatas esa tunga basa nabi-la ma basa Au atang-ngala. Tehu ala ta nau tao afik neu Au hala-haituang ndia fa.