YEREMIA 44:2 - Susula Malalaok Hehelu Palak Ma Hehelu Beuk

² Manetualain Fo Manakoasa, fo Israel Manetualain-na hala-haituan-na nde ia neu sila, “Emi sakasii matam susa-soe fo Au tuni-ndeni neu Yerusalem ma basa kota fe'ek manai Yehuda. De losa besak ia boe kota-kota sila bei nai nakalulutuk-ka dalek de ta hapu hataholi leo fan.

YEREMIA 44:2 Referans Kwoze

YEREMIA 34:22

Neukose Au fes paleta fo ela ala fali ma'is lo kota ia mai, fo ala sapu-lan, ma latona-la, ma ala hotu heni Yehuda kotan-nala neukose Au ao an sama leo mook solokaek-ka fo ta hapu hataholi leo fan. Au, Manetualain, nde manakokolak-ka.”

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

YEREMIA 4:7

Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

ZAKHARIA 1:6

Au anduku-alosak Au paletang-ngala, ma Au hala nasanene'dang-ngala neu emi bei-ba'i kaim, tunga basa nabi-nabi fo Au atang sila-la. Tehu ala ta taoafik-kana fa, nalosa ala muse lu'a-lepa buna-boan. Boema lasasale dale, ma ala manaku lae Au, Manetualain Fo Manakoasa, huku basa sila, nandaa no sala-singon-nala, ma nandaa no Au nakeketung-nga.”

RATAPAN 1:16

Hu ndia de, au luuoeng-nga titi henin, ta hapu hataholi fe au manggatek ma kokoe-nanasik fa. Au leoinang-nga lamopo hata lala'en-na so, nanahu musu-a koasan-na lena.

RATAPAN 1:1

Besak ia, Yerusalem nee-nee lino-linok nanseli, kota fo makahulun-na henuk no makaseek nanseli. Makahulun-na nai leoina-la uluk, tehu besak ia, ana da'di sama leo inafalu so. Makahulun-na kota fo nanakoa-nanakiok nanseli, besak ia, ana da'di ata so.

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

YEREMIA 25:11

Basa nusak ia lala'en-na neukose Au po'ilotak-kana nakalulutuk ma ana da'di nenee-lino-linok. Leoina manai boboa-kaisun-nala neukose ala sene-do'ok neu manek Babel teuk hituhulu dodoon-na.

YEREMIA 7:34

Neukose nusak ia, ana da'di moo tokotiik. Neukose Au tao amopo hala namahoko-seteleek, ma halak manai feta ka'bing-nga, nai kota-kota Yehuda, ma nai eno-enok manai Yerusalem-mala.

YESAYA 24:12

Kota lutu-lutu so, ma lelesuina-nala, hea leu de, lalefu-le'ak.

2RAJA-RAJA 21:13

Neukose Au huku Yerusalem, sama leo Au huku Samaria ma Ahab, fo manek Israel-la, no tititi-nonosin-nala. Neukose, Au sapu balisi Yerusalem, sama leo safe pingak-ka dea-dalen.

YOSUA 23:3

Emi mita basa emi Manetualaim-ma, tao basa hata lala'en-na soaneu basa leoina manai ia-la, hu ka nde emi. Fo manamatatik soaneu emi nde been-na, Manetualain, fo emi Manetualaim-ma, mesak-kana.

ULANGAN 29:2

Musa nadenu basa hataholi Israel-la fo, ala lakabubua, boema nafa'das nae, “Emi mita matam, hata fo Manetualain taon soaneu mane Masir-ra, no basa manapaletan manai nusak ndia lala'en-na so.

IMAMAT 26:43

Tehu, muse usi heni nakahuluk laun manai dae ndia dalek-ka, fo dae ndia louk, fo ela te'e-te'e, dae ndia hapu hahaeaon. Ma Au anang-ngala, muse lakalala'ok basa huhukuk fo Au aketun soaneus, nanahu ala ta nau tunga Au nakaneneteng, ma Au paletang-ngala fa.

KELUARAN 19:4

nae, “Emi mita basa hata fo Au tao-no'in neu hataholi Masir-ra, ma tao leo beek de Au oo emi leo Au mai, nai mamanak ia no koasa matuaina, sama leo manupui kaka'ka no anan-na nai li'dan lain.

IMAMAT 26:31

Au tao akalulutuk emi kotam-mala, fo da'di ai-batu madodouk, Au tao akalulutuk emi mamana sosongo-tatangom, ma Au ta sipok emi tutunu-hohotum-mala fa.

DANIAL 9:12

O nakeketum-ma la'en, sama leo O helu basan neu ami ma neu ami manakoasam-mala. O huku basa Yerusalem nenik huhukuk fo belan-na lena neme kota bee mai boe, nai daebafak ia.

YEREMIA 8:3

Boema hataholi bei maso'dak neme leoina mangalauk ia, fo nanatao tapasasalak leo basa mamanak lala'en-na, neukose ala lahiik mate neme laso'da mai. Au, fo Manetualain nde manakokolak-ka.”