YEREMIA 4:4 - Susula Malalaok Hehelu Palak Ma Hehelu Beuk

⁴ Hei laun Yehuda ma laun Yerusalem-mala lemin! Ho'u mahele emi hehelu-balataam moo Au, fo emi Manetualaim-ma, ma fe hehelik o aoinam-ma neu Au. Metema ta, soona neukose Au nasa-melung ana lua ponu-ponu fo nana'a, sama leo ha'i-a, fo su'di see boe, ana ta hapu taonisa fan. Neukose basa sila-la, tuni-la emi, nanahu emi tatao-nono'i mangalaum-mala.”

YEREMIA 4:4 Referans Kwoze

ULANGAN 10:16

Da'di, mulai neme hatematak ia mai, emi muse tunga neu Manetualain ma boso boe malangabatu seluk bai.

KOLOSE 2:11

Hu ka nde emi da'di esa mo Kristus de, emi nanasunat, tehu ta nanasunat ninik sunat fo hataholi daebafa ka tao ka fa, te neme sunat fo Kristus tao ka. Kristus fo manase'i po'i emi neme ha'da-tatao masala-masingo ka koasa na mai.

ULANGAN 30:6

Neukose Ana tao nabebeu emi dalem-ma, nalosa emi sue-lai emi Manetualaim-ma no emi dalek-katematuam-ma, ma emi leo mahele meme nusak ndia.

AMOS 5:6

Fali leo Manetualain Manakoasa mai leona, soona neukose emi maso'da. Metema emi ta fali fa soona, neukose Ana mai sama leo ha'i masalolo'dek-ka, fo ana hotu heni basa hataholi Israel-la. Ta hapu hataholi esa boen nai Betel bisa taonisa ha'i ndia fa.

ZEFANYA 2:2

beidai emi beita male-tale ma mamatuu-tongo sama leo bunga! Mameme'dak leona, beidai Manetualain, fai nasa-melun beita losa fa, fo Manetualain nasa-melun mana pila lo'a-lo'an ndia, la'e emi.

YESKIAL 20:33

“No Au, Manetualain fo maso'dak-ka na'den-na, Au fe emi nasanene'dak, ae hu kande Au nasa-melung, de neukose Au paleta emi no balakaik, nalosa emi hapu mame'da mita Au koasang-nga. Neukose, Au tao akabubua emi, fo Au o falik emi neme nusa-nusak fo nai bee, emi nanatao tapasasalak-ka.

YESKIAL 24:13

Hai Yerusalem, o tatao-nono'i ha'da hataholi taa-ma, tao nanggenggeo o aoinam-ma. Au so'ba, tao balisi o, tehu sosoa-ndandaan ta, nana o manggenggeok mahele. Neukose, o ta balisi seluk so'on, losa Au kalua Au nasa-melung neu o.

RATAPAN 4:11

Manetualain nasa-melun fo'a, de Ana hotu heni kota Sion-na, losa ta hapu sesee-bobolon fa.

YESKIAL 24:8

Au po'ilotak daak ndia neme ndia, nalosa hapu nananitak, fo noke babalak.”

YESKIAL 16:38

Neukose Au huku o, nanahu hohonge-a, ma o tao kanisak sila-la. Neukose Au hukuisa o, nai Au nasa-melung-nga dalek.

YESKIAL 8:18

Neukose, ala lame'da lita, Au nasa-melung matuainang-nga! Neukose, Au ta fes do'o do ampon fa. Leomae ala nggasi, fo besak-ka ala hule-haladoi neu Au boe, Au ta nau amanene sila hule-haladoin ndia fa.”

YESKIAL 6:12

Neukose, sila basa-basas lame'da lita Au nasa-melung nininin-na. Hataholi manai mamana dook-kala, fonde mamana tu'u-tapak, neukose ala tu'u he'dis, boema mates; hataholi manadekak-kala, neukose ala mate nai natee-natatik dale, ma bei elak-kala, neukose mates hu kande la'a-ndoes-sa.

YEREMIA 36:7

Fafa'kama no enok ndia, fo ala hule-haladoi neu Manetualain, ma ala tuka tei-sale dale neme sila tatao-nono'i mangalaun-nala mai. Manetualain namanasa nanseli nos, de ana fepa-li'us.”

YEREMIA 23:19

Manetualain nasa-melun nonokabai ani sangu-a fo manasa ina fo ana tuni-ndeni hataholi-hataholi mangalauk-ka.

YEREMIA 21:5

Neukose Au de tee-tati emi-a nenik basa au be'i balakai, ma nenik nasa-meluk fo manalu'a pon-ponung-nga.

YESAYA 51:17

Fo'a leon, hai Yerusalem, fo'a leona! Huhukuk fo Manetualain naketun, nanahu nasa-melun-na, au akalala'ok-kana, losa basan so.

IMAMAT 26:28

soona neukose Au anoli emi no nasak, ma Au huku emi la'i hitu, fo belan-na lena neme huhukuk makahuluk-kala mai.

YESKIAL 21:17

Neukose, Au totoko Au limang-nga boe, boema neukose Au nasa-melung ana tenak. Au, Manetualain nde manakokolak-ka.”

YESKIAL 18:31

Hahae tao basa tatao-nono'i mangalauk lala'en-na, fo tao mabebeu o dalem-ma, ma o dudu'a-aafim leona. Tao le'e de, emi muse mate?

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.

ROMA 2:25

Metema tolanoo kala tunga agama Yahudi hoholo-lalanen soona, tolanoo kala sunat ndia masosoa-ndandaak boe. Tehu metema tolanoo kala ta tao matetu hoholo-lalanek sila la fa soona, ta pake tolanoo kala sunat ndia makandondook fa.

IMAMAT 26:41

nalosa Au ho'i nakeketuk, soaneu la'ban-nasa, ma Au usi henis leo mamana okak dale, nai sila musun-nala nusan. Mate'en-na, metema emi tititi-nonosim tunga, boema nanahuku basak hu kande sila sala-singon, ma malena langan-nala soona,

YESAYA 10:17

Manetualain fo Malalao-malalafuk, fo Israel Masa'an-na, neukose Ana da'di sama leo ha'i pilak-ka, fo na'a heni basa hata lala'en-na ka'da nai faik esa dalen-na, nakalenak basa la'iesak makatema dila-nggauk-kala.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YEREMIA 9:25

Manetualain nafa'da nae, “Neukose losa fain-na Au huku hataholi Masir, Yehuda, Edom, Amon, Moab, ma laun lete lepak fo mananggute keke'u langa doon-na. Sila basa-basas nanasunat sama leo hataholi Israel, tehu leomae sila do leoina Israel-la ha'da tataon-na sama leo hataholi fo nanasunat taak-ka, hu ka nde sila ta tunga hehelu-balatak fo nakasasamak no sunat ndia.”

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

YESKIAL 44:7

Ala tao langgenggeo Au Umang-nga so, nana ala tunu-hotu fe Au, tutunu-hohotuk minan-na, ma daan-na, ma ala fe loak neu hataholi nusa dea fo, nanasunat beitak-kala, ma ala ta nau tunga neu Au fa, ala bole masok leo dalek leu. No sila tatao-nono'in fo, nanamaluak ndia de, ala la'olena Au hehelu-balataang no sila so.

2TAWARIKH 34:25

Sila la'oela Au so, de ala fe tutunu-hohotuk neu lamatua fe'ek-kala. Basa hata fo ala tao-no'ik-kala, tao nafo'a Au nasa-melung. Au amanasa Yerusalem, de Au nasa-melung ta bisa tenak fa.

YEREMIA 15:14

Neukose au tao-a sila da'di ata neu sila musun-nala nai nusa dea fo ala ta lalelak-kasa fa, nana au nasa-melung lua ponu-ponu sama leo ha'i-a pila lo'a-lo'a ma ta hapu nakamate fa.”