YEREMIA 4:14 - Susula Malalaok Hehelu Palak Ma Hehelu Beuk

¹⁴ Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

YEREMIA 4:14 Referans Kwoze

YAKOBIS 4:8

Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!

HATAHOLI 8:22

Hu ndia de tu'u-tapaheni o dudu'a-aafi mangalaum ndia leona, fo moke neu Lamatua ka fo daenga Ana fe do'o do ampon neu o dudu'a-aafi manga laum ndia!

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

1 KORINTUS 3:20

Hapu nanasusulak nae leo ia boe, “Lamatua ka bubuluk basa hataholi manatee teno kala dudu'a-aafin nde bee na dudu'a-aafi sosoa-ndandaa tak.”

ROMA 1:21

Hataholi daebafa ka nalelak Manetualain, tehu hataholi daebafa ka ta nau fe ha'da-holomata neu fan, da'dileo Manetualain, ma ala ta nau loke makasi neu fan. Te hataholi daebafa ka dudu'a-dodoo ka'da dede'a manda'di ta kala; nana dale nala makahatuk so.

LUKAS 11:39

Hu ndia de Lamatua ka nafa'dan nae, “Memak emi hataholi Farisi la, biasa safe balisi ka'da pinga mango dea na, tehu nai emi aoinam dale soona, henuk no naseti-nalaka ka ma mangalau ka.

YEREMIA 13:27

Au ita basa emi tao-no'i dede'ak-dede'ak fo Au ta hii fan. Au ita basa emi tunga lamaua daebafak fe'ek-kala nai pupukuk-kala ma nai tina-osi-la, sama leo hataholi touk-kala lamula hataholi saoinan, do sama leo ndala mane-a asa sasaon-naneu ndala ina. Yerusalem Laun-nala lemin, soe ba'eneu emi! Neukose faihi'da de fo emi matapo'i neme basa mangalauk-kala mai?”

AMSAL 1:22

“Hai, hataholi nggoak-panganaa-la lemin! Emi nau leondiak mahele, losa faihi'da? Faihi'da, besak-ka fain-na losa, soaneu emi hahae makadadaek manatee-tenok-ka, ma tipa nanolik-ka?

MAZMUR 66:18

Metema au nau dudu'a-dodoo mangalauk nai au daleng dale soona, tao leo bee-o, Manetualain ta nau namanene fan.

MATEOS 12:33

“Ai huu na nalole soona, neukose naboa boa malole. Metema ai huu na ta nalole fa soona, neukose boa na boeo ta malole a fa. Ita bubuluk ai esa nalole do ta nalole, neme ai ndia boa na mai.

YESKIAL 18:31

Hahae tao basa tatao-nono'i mangalauk lala'en-na, fo tao mabebeu o dalem-ma, ma o dudu'a-aafim leona. Tao le'e de, emi muse mate?

MAZMUR 119:113

Au sue-lai O hoholo-lalanem, au ta ahiik hataholi fo, ana lilineka neu O, ta no dale katematuan-na fa.

MAZMUR 51:2

ndek lelek Nabi Natan-na kena-ka'i basan, nanahu ana hohonge no Batsyeba.

YEREMIA 2:22

Leomae o madiu oe, fo o pake sabu makadotok nanseli, tehu Au bei ita, o salam-ma tataan-nala boe.

YEREMIA 6:19

Taoafik leon, hai daebafak-konei! Au anang-ngala, ta nau sipok Au nanoling-nga, ma ala ta nau tunga Au fa. Au fe soe-a la'es, fo da'di leo sila dale tutu'un-na, buna-boan.

YEREMIA 17:1

Manetualain nafa'da nae, “Hai leoina Yehuda-la lemin, emi sala-singom-mala nanadoki-dula basak nai emi dalem dale, ma nai basa emi mei tunu-hotun-nala bu'un-nala nenik enge besik fo enge-a matan-na nenik poemata mai.

ZAKHARIA 8:17

Boso tutu'u eno mangalauk neu emi nonoo hataholim-ma. Boso soo-supa pepekok. Au ta hii masapepeko-masandandalik ma ta manatao tunga ndoos ma matetun-na ma naseti-nalakak-ka fa.”

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

YOHANIS 13:9

Boema Simon Petrus nae, “Makanaema leondiak soona, Lamatua ka boso safe ka'da au ei nga mesa kana, tehu au lima nga no au langa nga boe!”