YEREMIA 4:11 - Susula Malalaok Hehelu Palak Ma Hehelu Beuk

¹¹ Neukose fain-na losa, fo hataholi Yehuda-la, ma laun Yerusalem-mala hapu halak, nae ani mato'bik-ka ana mai neme moo solokaek-ka mai, fo nasale leo ita mai. Anin ndia, ta anin biasa, fo ana fuu neni ka'da ha'deuk-ka mesan-na fa,

YEREMIA 4:11 Referans Kwoze

HOSEA 13:15

Leomae Israel tetu-temak sama leo na'u manaeloakak-ka, tehu neukose Au haitua ani timu mato'bik-ka mai neme moo solokaek-ka mai. Neukose anin ndia, ana tao nama'da basa oemata lala'en-na, ma oedolu-la, nalosa basa hata kabelik lala'en-na mopok-kasa.

YESKIAL 17:10

Memak, okan-nala latea so, tehu ana bisa moli nakandoo, boema namade'u do ta? Metema ani timu-a fuu la'en soona, neukose ana male do ta? Neukose namatuu neme mamana seselen-na do ta?”

LUKAS 3:17

Ana ho'u ooko nai liman dale, soaneu ana da'i-lelee gandu ma losa balisi. Gandu ma neukose nanatao nakabubuak nai soka dale, tehu neukose Ana hotuheni u nala nai ha'i manamate ta ka dalek!”

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

HOSEA 13:3

Hu ndia de, neukose hataholi sila-la sapu-lalo, sama leo ko'dendenuk-ka do dinis-sa nai fafai anan-na. Neukose, sila sama leo anin-na fuu gandum aik-ka afun-na, nai mamana fefepa gandum ma, ma sama leo ha'imasuk fo ana kalua neme pipa dale mai.

YESKIAL 19:12

Tehu hataholi ba'unasa-la, ala fe'ahenin, basa boema, ala tapan neu dae lain. Ani timu-a ana mai, boema ana tao-na boa momo'don-nala, lamatuu. La'di ndanan-nala, de lamatuu, boema ala hotuhenin.

RATAPAN 4:6

Au anang-ngala nanahuku basak so belan-na lena heni laun Sodom fo ka'da nai hatematak esa mesak-kana nakalulutuk neme Manetualain liman-na mai, te ta nenik hataholi daebafak-ka nakeketun-na fa.

RATAPAN 4:3

Te busa fui ina nasu'u anan-na, tehu Au anang-ngala ta lalelak susue-lalaik, sama leo manupui onta nai mook-ka.

RATAPAN 3:48

Au luuoeng-nga faa, sama leo lee-a nanahu au leoinang-nga nakalulutuk so.

RATAPAN 2:11

Au matang-nga peta, nanahu ta hahae kikiik-ka fa, au samaneng-nga doi-doso nanseli. Au daleng-nga nakalulutuk mete leoina tutu'dan-na; mete ni'iana-la boema ni'iana manasu'uk-kala sapala'o nai kota enon-nala.

YEREMIA 23:19

Manetualain nasa-melun nonokabai ani sangu-a fo manasa ina fo ana tuni-ndeni hataholi-hataholi mangalauk-ka.

YEREMIA 14:17

Manetualain nadenu au afa'da au dale he'ding-nga neu ndia anan-nala. Muse au afa'da ae leoia, “Memena fo au kii ta pake tata'da fa, lele'do le'dodaen lu'u oe-la titi-beboto Nana au leoinang bisu matua ma ala doidoso lanseli.

YEREMIA 9:7

Hu ndia de Manetualain Fo Manakoasan-nafa'da nae, “Neukose Au fola Au anang-ngala sama leo liti-a, fo ela ala boso da'di nanasese'do-babalik. Au hapu tao seluk beek soaneu Au anang fo, manatao tatao-nono'i mangalauk-ka so

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

YEREMIA 8:19

Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

YESAYA 41:16

Neukose o da'is, boema anin-na fuu nenis ma sangu-a, tao nalas tonggela. Neukose o mamahoko-setelee, nanahu Au, fo Manetualain, ma nanakoa-nanakiok, nanahu Au, fo Israel Manetualain-na.

YESAYA 27:8

Manetualain huku anan-nala nenik Ana tapas leo nusa dea leu. Ana usihenis nenik ani mangalauk-ka, neme dulu mai.

YESAYA 22:4

Boso taoafik neu au; nemen-na fo au kii-makaleleu, au leoinang manamate basak-kala so. Boso so'ba kokoe-nanasi au.

RATAPAN 4:10

Soe ndia ba'un-na seli, de ana tuni la'e Au anang-ngala nalosa ina-ina fo dale mangana'uk ala nasu anan-nala fo la'a.

MAZMUR 11:6

Ana huku hataholi mangalauk-ka, nenik susa-soe, nenik ha'i, nenik belerang ma anin fo, manatao naputuk-ka.

YEREMIA 4:12

tehu anin mabe'i-balakaik, fo no Manetualain mesak-kana paletan-na, de ana mai, fo naketu anan-nala huhukun-na.

YEREMIA 13:24

Neukose Au tao tapasasala emi, sama leo anin-na fu dae sopuk-ka neme moo solokaek-kamai.

HABAKUK 1:6

Leoina Babel fo makaa-makisuk ndia, neukose Au taon da'di leoina manakoasa. Ala kalua lakadadalak leme nusan-na mai, fo ala la'ok okofefeo basa daebafak-ka, soaneu ala paleta leoina fe'ek-kala.

HABAKUK 1:11

Boema, hataholi fo ala koao-ndaeao lenik be'i-balakain sila-la, ala la'o no lalaik sama leo anin-na.”

HOSEA 4:19

Hu ndia de, neukose ala sapu-lalo, sama leo anin-na fuu nenis. Neukose ala hapu mamaek, hu kande tutunu-hohotuk fo ala tunu-hotun neu lamatua daebafak-kala.