YEREMIA 3:25 - Susula Malalaok Hehelu Palak Ma Hehelu Beuk

²⁵ Da'di, nemen-na fo, ami lu'a-lepa bibii-mamaek, ma nemen-na fo, ami da'di matasi'da-matasaek. Nana, ami ma ami bei-ba'i kaim-mala, masala-masingo basa neu ami Amam Manetualain so, ma ami ta tunga mita paletan-na fa.”

YEREMIA 3:25 Referans Kwoze

YEREMIA 22:21

Au kokolak basa neu emi nai lelek emi so'da molen-na malole, tehu emi ta nau mamanene. Memak emi ha'da tataom neme makahulun eli mai losa besak ia leondiak; beita la'i esa fo emi tunga Au paletang-nga fa.

YEREMIA 2:26

Manetualain nafa'da nae, “Sama leo nakodaa name'da mamaek, nai lelek ho'u-lan, leondiak boe, emi basa-basam-mala neukose mame'da mamaek, hai hataholi Israel-la, emi manem-mala, emi manaho'u paletam-mala, emi imam-mala ma emi nabim-mala lemin!

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!

DANIAL 12:2

Hataholi manamate basak sila-la ba'uk-ka, neukose laso'da falik; neukose nggelok hapu so'da manaketu basa taak-ka, ma neukose nggelok bai soona, nananakadadaek ma ala hapu toto'a-sosota matuaina fo manaketu basa taak-ka boe.

YESKIAL 36:32

Hai leoina Israel-la lemin, mafandendelek leona, te Au tao basa sila-la, ta hu kande emi fa. Emi muse mame'da bibii-mamaek, ma nananakadadaek, hu kande emi ha'da-tataom-ma. Au, Manetualain Fo Mademaina, nde manakokolak-ka.’ ”

YESKIAL 7:18

Neukose, ala pake si'di kalong, ma neukose basa aon-na lala'en-na, dele ngge'be-ngge'be. Neukose nggeu dilak langan-nala, ma lakamamaek-kasa.

RATAPAN 5:16

Ami dale namatutuam-ma taak-kana so, ami hapu soe hu kande ami masala-masingo so.

RATAPAN 5:7

Ami bei-ba'i kaim-mala lasala-lasingo, besak ia, taak-kasa so; tehu ami muse doi-doso, nanahu sila sala-singon-nala.

YEREMIA 6:26

Manetualain nafa'da anan-nala nae, “Pake lafa lapik, fo lololi meu afu dale. Kii makaleleu no dale he'dik, sama leo hataholi-a, ana kii-makaleleu ana kisan-na mamaten-na, nana manatao namopo-namate emi-a, neukose ana sapu-na emi no kaiboik.”

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 2:17

O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

YESAYA 50:11

Hai emi fo, nau tao soe hataholi fe'ek, neukose emi nanatao namate-namopok, hu kande emi dale tutu'u mesam-ma. Manetualain nde tao manada'dik ndia, neukose emi nanafepa-li'uk nenik fefepa-lili'u mabela.

YESAYA 48:8

Au bubuluk, o ta mamahele fa, neme makahulun-na mai, o nananita-nalelak da'di leo manamalelesik. Hu ndia de, o ta bubuluk-kana fa, o ta mamanene dede'ak de'ek esa boen.

AMSAL 5:13

Au ta nau amanene au meseng-ngala fa, ma au tan au tunga fas.

MAZMUR 109:29

Nemen-na fo, hataholi manakalaak au-a, nakamumulu-nakamamaek-ka, poti-nalas, ma bibii-mamaek-ka nalu'e-nalas sama leo ba'du manalua.

MAZMUR 106:7

Lelek ami bei-ba'i kaim-mala leme Masir-ra, ala ta lalelak fa; ala ta lalelak O tatao-nono'i matuainam-ma, sosoa-ndandaan fa. Ala lafandele heni, O susue-lalaim fo, manasasi kao-kaok-ka, ma ala la'ban Manetualain Fo Mademaina paletan-na, nai deka no Tasi Gelagah.

HAKIM-HAKIM 2:2

Hu ndia de, emi ta bole tao hehelu-balataak esa boen, moo nusak ia laun-nala fa. Emi muse tao matu'u mei tunu-hotun-nala.’ Tehu, emi ta tao hata fo Au paleta basan ndia fa. Nakalenak emi tao hata, fo Au ta paletan neu emi fa!

MAZMUR 106:6

Ami masala-masingo basa, sama leo ami bei-ba'i kaim-mala so; ami tao basa tatao-nono'i mangalauk, ma malelesi so.

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YEREMIA 8:14

Manetualain anan-nala bekola lae, “Tao le'e de, ita ta tao hata-hata fa? Mai fo, basa-basa tala, talai leo nusa fe'ek, fo kotan-nala makota musuk, nemen-na ata mate nai naa. Ita Amam Manetualain naketu basa, nae muse mopo-mate ita. Ana fe basa ita laso, fo ita tinu, nana ita tasala-tasingo neun.

YEREMIA 14:7

Au anang-ngala lalo bebou lae, ‘Manetualain, leomae ami sala-singom-mala tuni-ndeni ami tehu tulu-fali ami sama leo O hala-hehelum-ma. Ami la'o ela O do'e-do'e; Tete'ek-ka, ami masala-masingo neu O.

YEREMIA 14:20

Manetualain, ka'da ami masala-masingo basa neu O. Ami manaku aom ami sala-singom-mala ma ami bei-ba'ikaim-mala sala-singon-nala.

YEREMIA 20:18

Tao le'e de au muse nanabongik? Ka'da soaneu toto'ak-tataak-ka do? Ma fo ela au so'dang-nga mopo nakandondok-kana nai mamaek-ka dalek do?

YEREMIA 31:19

Ami masadea O, tehu ami masasale-dale tatao-nono'ik ndia. Nai lelek O huku-doki ami-a, ami matete'a langa nanahu dale he'dik-ka. Ami mae de ami da'di nananakamumulu-nakamamaek, nanahu ami masala-masingo basa nai lelek ami bei muli solu.’

YESKIAL 2:3

“Hai, hataholi daebafak manasapu-lalok-konei, Au adenu o muu leo hataholi Israel fo, manalena-la'ban neu Au-a. Hataholi sila-la, malenalanga-masabasook-kala, sama leo sila bei-ba'i kain-nala boe.

AMSAL 13:18

Hataholi fo, ana ta nau nanoli fan-na, ana da'di nuu-taa hata-taak ma nananakadadaek; tehu hataholi fo, ana taoafik neu nanoli-nafa'dak-ka, neukose nanafe ha'da-holomata.

YEREMIA 7:19

Tehu te'e-te'e, sila lakahehe'dik-ka, ta nde Au fa, tehu sila dei, nalosa ala mae.

YEREMIA 9:18

Hataholi Yehuda-la lafa'da lae, “Madenus, fo no lai-laik lakamee fe emi basa-basam-mala nakamee fafaluk, fo ela luuoe-a ana faa, fo nakadoe ita nasebu'un-na.”

YEREMIA 11:13

Hataholi Yehuda-la lamatua daebafan-nala ba'u nanseli, de'u sila kotan-nala boe. Yerusalem laun-ala lapadedeik mei tunu-hotuk de'u enok-enok manai Yerusalem kotan-nala, soaneu fe tutunu-hohotuk neu lamatua daebafak Baal-la.

YEREMIA 12:13

Au anang-ngala sele-nggali gandum, tehu ala ketu-kolu dila-nggauk. Ala puselaipana no ue osak, tehu buna-boan ta. Au amanasa anseli os de nalosa ala ta ketu-kolu fa.”

YESKIAL 44:13

Sila ta bole lalalau-laoono seluk Au, da'di leo imam, do ala koila'e hata fo, malalao-malalafuk ba'eneu Au, do ala masok leo Mamanak Fo Malalao-malalafuk nanseli-a, dalek leu fa. Sila tao, tatao-nono'i manggenggeok-ka, huhukun-na nde ndia.

HOSEA 9:10

Manetualain nafa'da nae, “Lelek Au hapu Israel makasososan-na, Au amahoko sama leo hataholi-a hapu angol boak-ka nai moo solokaek-ka. Lelek Au ita emi bei-ba'i kaim makasososan-na, Au amahoko, sama leo hataholi-a nita kaa boa makasososak-ka. Tehu, lelek leu leo Letek Peor-ra leu, ala mulai sene-do'ok neu Baal-la, nalosa ala da'di langgenggeo, sama leo lamatua daebafak fo ala sue-lain ndia.

ZEFANYA 1:17

Manetualain nafa'da nae, “Neukose, Au fe susa-soe ba'uk-ka, leo hataholi daebafak-ka neu, nalosa lafangganggao, sama leo hataholi pokek-ka. Lasala-lasingo neu Au so, de besak ia, neukose daan-nala faa sama leo oe-a, ma popolan-nala laboo lai dae lain.”