YEREMIA 3:23 - Susula Malalaok Hehelu Palak Ma Hehelu Beuk

²³ Palsuma la'iesak-kana, ami sama-sama meu sene-do'ok neu sosongo-tatangok, nai letek-kala poin-na! Tutulu-fafalik soaneu Israel, ana mai ka'da neme ami Amam Manetualain mai.

YEREMIA 3:23 Referans Kwoze

MAZMUR 3:8

Ou au Manetualain soi-tefa-mala au leona, huku ma to-ma basa au musung-ngala, da'di lu'u eik.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YOHANIS 4:22

Ba'eneu emi hataholi Samaria la soona, emi sene-do'ok meu hata fo emi ta malela kana fa, tehu ba'eneu ami hataholi Yahudi a soona, ami sene-do'ok neu Ndia fo ami malela kana, nanahu so'da-mole ka da'di neme hataholi Yahudi a mai.

HOSEA 1:7

Tehu neukose, Au sue-lai leoina Yehuda. Au Manetualain, fo sila Manetualain-na, neukose soi-tefa alas, tehu ta nenik natee-natatik, boeo ta nenik tafaina do kokouk do manasa'e ndala-la fa.”

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

YEREMIA 17:14

Manetualain, tao mahai au dei, soona neukose auda'di so'da-la'dak. Soi-tefa mala au dei, soona neukose au hapu so'dak. Ka'da O mesam-ma fo au koa-kiok-ka!

YEREMIA 14:8

Te'e-te'e O nde been-na Israel namahehenan-na, fo ana soi-tefan-na neme susa-soe mai. Tehu tao le'e de O sama leo hataholi nusa dea nai ami nusang dale, sama leo fui-a fo kada ana singo le'odaek esa, fo basa soona ana la'o.

YEREMIA 3:6

Nai tepo lelek Mane Yosia paleta, Manetualain nafa'da au nae leo ia, “O mita basa hata fo Israel, inak fo ta manalilinekak ndia, tao-no'ik-ka so do beik? An la'oela Au, de ana sosoa-piao nai pupuku mademaina-la esa-esak lain, ma nai ai huu matuaina-la, esa-esak huun-na.

YESAYA 63:16

Ade, O ta nde ami Amam fa do? Abraham ma Yakob, ta lalelak ami fa. Tehu O, ou Manetualain, O nde been-na, ami Amam, ami Manasoi-manatefam, neme makahulun eli mai.

YESAYA 63:1

“See hataholi ndia, fo manamaik neme Bozra nai Edom-ma? ba'dun-na pilas, bua papaken-na nahaa; ana la'ok no be'i-balakaik matuaina.” “Au nde Manetualain fo, nanuu be'i-balakaik, soaneu soi-tefa, ma Au mai, uni hala sesengik.”

YESAYA 45:20

Manetualain nafa'da nae, “Makabubua, fo mai sama-sama, hai emi basa-basam fo, maladeak neme leoinak-kala tala'da mai! Hataholi fo, ala ho'i leni ai nanadoki-dulak-ka, fo ala la'ok benongo okofeo nggolok-ka, ma hataholi manahule-haladoi neu lamatua daebafak-kala, fo ta hapu soi-tefa-nala fas-sala, hataholi nggoak-kala.

YESAYA 45:17

Tehu Manetualain soi-tefa-na Israel; so'da-molen-nala, neukose nakatatakak. Neukose emi ta nananakamamaek ma nananakadadaek losa dodoon-na fa.’ ”

YESAYA 45:15

Manetualain fo, manasoi-tefa Israel-la, nde been-na Manetualain fo, nafuni aoinan-na.

YESAYA 44:9

Hataholi manatao dodoki-dudula sosongo-tatangok ndia, sosoa-ndandaan ta, ma lamatua daebafak fo ala sene-do'ok sila-la, sosoa-ndandaan ta. Hataholi manasene-do'ok neu dodoki-dudulak sila-la, pokek ma ala ta bubuluk hata esa boen, hu ndia de, neukose ala hapu mamaek.

YESAYA 43:11

Au mesang-nga nde, Manetualain, fe'ek neme Au mai, ta hapu manasoi-manatefa fa.

MAZMUR 62:7

Ka'da Ndia nde nasulu-nahapa, ma soi-tefa au; Au manasoi-manatefang nde Ndia, de au ta anggengo fa.

AMSAL 21:31

Leomae, sadia ndala musu soaneu natee-natatik-ka boeo, manamaketu sesengik-ka nde been-na, Manetualain dei.

YEREMIA 17:2

Emi hataholim-mala hule-haladoi neu mei tunu-hotuk sosongo-tatangok-kala ma di sosongok-tatangok-kala nananapadedeik soaneu ina manek nituk Asyeranai basa ai huk-ka fo ndana manaeefek-kala, fo nai pupukuk-kala poin,

YEREMIA 31:7

Manetualain nafa'da nae, “Makamee no namahoko-setelek ba'eneu Israel, fo Au anang-ngala – leoina fo makasososak nai basa leoina lala'en-nan-na. Makame-makame kokoa-kikiok ma tui-benga mae: ‘Manetualain soi-po'i hataholin fo bei elak-kala neme anan-nala mai.’

YESAYA 10:20

Neukose fain-na losa, fo bei ela leoina Israel-la hataholin maso'dak-kala, ala ta lamahena seluk neu leoina manakoasa, fo isabain-na ana tao namopo-namate sila, tehu lamahena neu Manetualain fo Israel Manetualain malalao-malalafun-na.