YEREMIA 26:16 - Susula Malalaok Hehelu Palak Ma Hehelu Beuk

¹⁶ Boema basa malanga manapaletak-kala ma laun-nala lafa'da neu imam-mala ma nabi sila-la lae, “Hataholi ia kokolak pake ita Aman Manetualain na'den-na; de ta nanda huku nisa fan.”

YEREMIA 26:16 Referans Kwoze

HATAHOLI 23:29

Boema ala palisak dede'a na te se'ko na ana ta tao salak hata esa boen fo nadaa huku lisan do taon leo bui dale neu fa. Ala kalaa kana ka'da ana la'olena sila agama na hoholo-lalanen.

HATAHOLI 23:9

Boema tasi'bu matuaina da'di leona. Hataholi Farisi la mese agaman de'ubee ala fo'a lapadeik de ala la'ban lini mamate-momopon lae, “Tunga ami hahapu ma hataholi ia salan ta faanak boen! Memak fafa'ka ma hapu dula dalek do ata nusa so'dak nde kokolak fen nana!”

HATAHOLI 25:25

Tehu au ta hapu hataholi ia tao salak hata esa boen fo nandaa huku nisa fan. Ma hu ka nde noke aon fo Kese la mana maketu-mala'di nala nde laketu dede'a na de aketu basa, haituan leo Kese la neu.

YEREMIA 36:19

“O mo Yeremia muse mafuni. Boso fe hataholi bubuluk emi mamana nafunim ndia,” ala lafa'da lae leondia.

LUKAS 23:47

Lelek malanga solda'du matuaina nita basa hata fo ana da'di ndia boema, ana koa-kio Manetualain. Boema nafa'da nae, “Tete'e ka, Hataholi ia salan ta!”

LUKAS 23:41

Ka'da ita dua huhuku na, memak nandaa no ita tatao-nono'in. Tehu Hataholi ia salan ta makandondook!”

MATEOS 27:54

Malanga solda'du a no solda'du mana manea Yesu sa, ala bii lanseli, nai lelek lita daebafa ka nanggengo ma basa manda'dik sila la. Boema lae, “Tete'e ka Hataholi ia, Manetualain Anan!”

YEREMIA 26:11

Basa imam-mala, ma nabi-la lafa'da neu malangan sila-la, ma neu laun-nala nae, “Hataholi ia nad nanahuku nisak nanahu ana kalua hala-kokolak fo la'ban ita kotan ia. Emi mamanene matam so.”

AMSAL 16:7

Metema o mandaa moo Manetualain dalen-na soona, Ana tao o musum-mala da'di tia-laik.

ESTER 4:14

Tao leo bee-o, neukose hataholi Yahudi-la tulu-falis nenik enok matak leo beek-ka boe, fo nalosa laso'da. Tehu metema, o ka'da denge-denge mahele nai manada'dik leo ia-ka dalek soona, neukose mate o boe, fo neukose, mopo o amam teidalen-na tutuin-na. See bubuluk, fafa'kama hu kande no enok ia, de o nanahele basak da'di ina manek so!”

YEREMIA 34:10

Basa laun-nala ma basa manaho'u paleta-la, fo ala tao basa nakeketuk soaneu soi po'i sila atan-nala ma ala ta tao da'dik ata seluk so'on, te ala po'i sila ata-nala te'e-te'e ndia so.

YEREMIA 37:15

Lamanasa lanseli neu au, de ala paleta fo ela au nanafepa-li'uk ma nanakenak nai Yonatan Uman, fo manasula-sulan-na. Uman ndia ala taon da'di kaman-na bai.

MAZMUR 94:16

See nasala'e au, neme hataholi malelesik-ka mai? See nook au, fo la'ban hataholi manatao tatao-nono'i mangalauk-ka?