YEREMIA 23:9 - Susula Malalaok Hehelu Palak Ma Hehelu Beuk

⁹ Au hala haituang-nga nde ia la'eneu nabi-la; Au daleng-nga nakalulutuk ma au ndele nggebe-nggebe. Nanahu Manetualain ma hala kokolan fo malalao-malalafuk-ka, taon-na au sama leo hataholi manamafuk fo mananinu angol ba'uk.

YEREMIA 23:9 Referans Kwoze

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

DANIAL 8:27

Basa boema, au ame'da au aong-nga male, boema au amahe'di faik de'ubee dalen-na. Basa ndia boema, au fo'a de au tao-no'i seluk au bela-ba'ung soaneu manek-ka. Tehu au hela-hae no dudu'a-dodoo ninitak sila-la, tehu au ta alak sosoa-ndandaan fa.

RATAPAN 3:15

Ana fe au ka'da makahe'duk fo da'di au nana'a-nininung.

YESAYA 51:21

Mamanene leon, hai hataholi fo, nanatuni-ndenik-kala, ma hataholi manala'ok laleu-lilok, sama leo hataholi manamafuk-kala lemin!

MAZMUR 60:3

O tipa ami, ou Manetualain, ma O po'ilotak ami kala. O mamanasa ami, de besak ia, tao mabebeu ami.

ROMA 7:9

Makahulu na au ta aso'da o agama hoholo-lalanen fa. Tehu lelek fo agama hoholo-lalanen ana da'di boema, sala-singo ka mulai naso'da falik,

YESKIAL 9:6

Taomisa la'iesak touk-kala, inak-kala, lasik ma mulik, inalasik, toulasik ma ni'iana Tehu hataholi manapake ta'du-tana nai dedein-na, boso koila'e esa boen. Mulain neme ia mai leona, neme Au Umang ia mai.” Boema, ala mulai lakalala'ok sila bela-ba'un, nenik ala taolisa basa mauli-malangan fo, manamapadeik manai Manetualain Uman-na.

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

YEREMIA 9:1

Malole lenak, au langang-nga sama leo oedolu, fo oe henun, ma au matang-nga da'di oelolok, fo ana faa nakandoo! Boema au kii lele'do-le'odaen, kii-makaleleu hataholi fo, ami leoina esa, de musu nok-ka taonisas.

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YESAYA 29:9

Dodoo doak ma nggenge makandoo leona, ma masusungu mata, sama leo hataholi pokek-ka! Da'di manamafuk leona, tehu, ta hu kande minu angol fa. La'ok maleu-lilok leona, tehu, ta hu kande minu ala fa.

YESAYA 28:1

Soe ba'eneu kota fo, basa manamafuk Israel-la dalen-nala lamatua neun! Lole-napun hii-hii nae mopon, sama leo bunga fo, ana male nai sila langan lain. Soe ba'eneu kota mademaina, nai pupukuk lain, nai bafak malolek-ka tala'da, henuk no maninu angol fo, langan-nala he'dis-sa so

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

MAZMUR 69:20

O bubuluk, au nananakadadaek nanseli, nananakamumulu-nakamamaek ma nananakamuu-nakadauk, O mita la'iesak au musung-ngala.

YEREMIA 8:18

Au daleng-nga nono'ka bai nanasasa'dak, de he'dis-sa, au dale he'ding-nga, mo'do-akidoon ta.

YEREMIA 20:9

Tehu au afa'da nai au daleng dale ae, “Nemena fo ka'da au asanggango heni Manetualain, au ta nau kokolak unik ndia na'den-na fa,” boema O hala-hehelum-ma nono'kabai ha'i-a pila lo'a-lo'a nai au dale bobongon anang-nga. Au akatatakak so'bak-kana, te sekona au ta akatatakak ala fa.

YEREMIA 36:16

Ana lees basa boema sila esa nasale esa no dale tapandoes, boema lafa'da Barukh lae, “Ami muse mafa'da dede'ak ia neu manek-ka.”

YESKIAL 13:3

Manetualain Fo Mademaina nafa'da nae, “Soe ba'eneu nabi-nabi nggoak sila-la! Ala tunga sila dale nakababalen-na, te ala ta lita ninitak esa boen.