YEREMIA 23:11 - Susula Malalaok Hehelu Palak Ma Hehelu Beuk

¹¹ Manetualain nafa'da nae, “Nabi-la ma imam-mala ta nau lamahele Au fa. Boema Au hapu as ala tao mangalauk nai Au umang-nga.

YEREMIA 23:11 Referans Kwoze

ZEFANYA 3:4

Nabin-nala, ta taoafik neu bela-ba'un-nala no malole, ma ta lamahele fas; basa imam-mala, tao langgenggeo hata fo nanafe hehelik neu Manetualain ma ala puputa-papaik Manetualain hoholo-lalanen-nala, fo ala hapu nanalak.

YEREMIA 6:13

Sila basa-basas, matua ana, ala sanga nanalak nenik eno ke'di-ndiuk. Nakalenak nabi ma imam boe, tipu-dai hataholi.

YESKIAL 23:39

Nai faik fo, ala taolisa Au anang-ngala, ma ala tunu-hotu fes neu sosongo-tatangok-kala, hataholi ka'a-fa'di ka duak sila-la, ala mai leo Au Umang-nga mai, de ala tao langgenggeon!

YEREMIA 32:34

Nakalenak uma fo ala taolak soaneu mamana huhule-haladoik neu Au-a, ala tao langgenggeon nenik ala pe'da sila sosongo-tatangon fo manamaluak nai mamanak ndia.

YESKIAL 8:16

Boema, noo au leo Manetualain Uman-na, so'dan manai dalek-ka. Nai deka no lelesu masok leo kama malalao-malalafuk-ka neu, fo nai mei tunu-hotuk-ka no mangalolok-ka tala'da, hapu hataholi duahulu lima lai ndia. Langatuuk lasadea kama malalao-malalafuk-ka, de lasale leo dulu leu, fo ala sene-do'ok neu le'do-a.

YEREMIA 11:15

Manetualain nafa'da nae, “Au anang-ngala fo Au sue-laik-ka ala tao basa eno-dalak, fo mangalauk so. De sila ta lanuu hak lai Au umang-nga fa. Sila leuik-ka lae, hu ka nde no tao hehelu-balatak-ka, ma hu ka nde no tutunu-hohotuk bana-manu, de neukose sila hapu binga. Ta'da-la mamate-mamopok-ka. Ade hu ka nde no enok ndia de sila bisa lamahoko?

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

YEREMIA 7:30

Hataholi Yehuda-la, tao basa tatao-nono'i mangalauk so. Sila sosongo-tatangon fo, Au ta ahiik sila-la, ala pe'das lai Au Umang dale, nalosa Au Umang-nga nanggenggeo.

2TAWARIKH 36:14

Fe'ek neme ndia mai, Manetualain Uman fo Manetualain mesak-kana nde taon da'di Uma hehelik ba'eneun-na, mauli-malangan Yehuda-la, imam-imam-mala, ma laun-nala taon langgenggeon, nanahu ala tunga sene-do'ok neu sosongo-tatangok, ma ala tunga leoina manai sila titia-tatain-nala, maso'da masala-masingo-nala.

YESKIAL 8:11

Leoina Israel-la, mauli-malangan ka hituhulun-nala lai ndia, ma Yaazanya, fo Safan anan-na, nai dalek boe. Sila esan-na, ana ho'u mamana tutunu boomenik esa, de boomenik-ka masu-masu.

YESKIAL 7:20

Makahulun-na, dalen-nala lamatua neu sila poemata mana'a hiin-na, tehu ala ho'i-lan de, ala taon neu dodoki-dudula sosongo-tatangok nanamaluak-ka, de Manetualain tao-na sila hata-heton sila-la, da'di hata esa fo, neni bibii-namata'u matuaina.

YEREMIA 23:15

Manetualain Fo Manakoasa nafa'da nae, “Neukose Au fe basa nabi-nabi manai Yerusalem-mala sesele-bubu'u makaheduk soaneu nana'an-nala ma laso soaneu nininun-nala, nanahu ala tao-la hataholi-hataholi manamai nusak-ka lala'en-na ala ta fe ha'da-holomata mai Au fa.”

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

2TAWARIKH 33:7

Ana pe'da dodoki-dudulak sosongo-tatangok leo Manetualain Uman dale neu, te se'kona la'eneu mamanak ndia, Manetualain nafa'da basa neu Dauk ma anamanen Salomo nae, “Au Umang manai Yerusalem ia, fo Au hele basan neme Israel leo kasanahulu dua-nala nusa-na mai so, nde bee na ana da'di mamanak fo Au aketun da'di leo mamanak makaluku-makatele neu Au losa dodoon-na.

2TAWARIKH 33:5

Ana napadedeik mei tunu-hotuk soaneu sene-do'ok neu nduuk-kala nai Manetualain Uman ndia uma so'dak-kadua-nala.

YEREMIA 50:6

Au anang-ngala sama leo bi'ilopo manapo'ilotak, fo ala latofa-lasalak nai lete pe'dak-kala hu ka nde manafoo tak, ala laputak leme letek esa leo letek fe'ek leu, ma ala tabubuluk sila uman-na nai be.

RATAPAN 2:20

Manetualain, mete ma taoafik leon neu sila fo O fepa-li'uk sila-la! Ade O tao hai nggelok leondiak so do beik? Ina na'a seluk ana bongi susuen-na, imam ma nabi-la nanatao nisak nai O Uma malalao-malalafum dale.

EZRA 10:18

Hataholi manasao inak neme nusa dea mai-a, susulan-na nde ia: Basa Imam-mala, nanasulak no teidale-bobongin-nala: Teidale-bobongik Yesua no tolanoon-nala, Yozadak anan-nala: Maaseya, Eliezer, Yarib ma Gedalya

YESKIAL 44:10

Manetualain nafa'da au nae, “Neukose, Au huku hataholi Lewi-la, sama-sama loo hataholi Israel fe'ek fo, manala'oela Au, ma manasene-do'ok neu sosongo-tatangok-kala.

ZEFANYA 3:3

Kota ndia hataholi matua-mademan-nala, sama-na leo singa, fo ala nggasi beau. Manamaketu-mala'din-nala, sama-na leo busa fui kamala'ak-ka. Ala tenepeta lanseli, nalosa ta la'a ela paa dui esa boen, soaneu balahaa fa.