YEREMIA 22:3 - Susula Malalaok Hehelu Palak Ma Hehelu Beuk

³ “Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

YEREMIA 22:3 Referans Kwoze

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

YAKOBIS 1:27

Nana tunga Amak Manetualain mata memetena soona, hataholi mana tao tunga agama hoholo-lalanen no matetu-mandaa ka nde: tulu-fali kisa ana maa kala, falu ina mana doi doso kala, ma nanea ao ina na, fo daenga ha'da-tatao daebafa ka, boso tao nalutu namahehele na.

YESKIAL 22:7

Nai o laum-ma dalek, ta hapu hataholi esa boen fo, ana fe ha'da-holomata neu ina-aman fa. O ke'di-ndiu hataholi nusa dea-la, ma o ho'i nanalak, nai faluina anamaak-kala fai susan-na dalek.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

YOEL 3:19

Neukose Masir da'di moo solokaek, fo na'u-aiana ta moli fan, ma hataholi ta leo Edom fa, de ana da'di nusa nees. Nana sila latee-lata'ti loo hataholi Yehuda-la so, ma ala taolisa nusa sala tak-ka laun-nala.

YEREMIA 9:24

Se nau namatutua-namadema aon-na la'eneu hata esa, soona muse dalen-na namatua nae ana nalelak ma bubuluk Au; nae ana bubuluk Au manasue-laik losa dodoon-na ma Au tao atetu huhukuk-ka ma ndoos ma matetuk-ka nai daebafak. Basa sila-la tao namahoko Au daleng-nga. Au, Manetualain, fo manakokolak-ka.”

YEREMIA 5:28

boema laao, ma so'dan-nala tetu-temak. Sila tatao-nono'i mangalaun-na, too-lanen ta. Ala ta tao ndoos ma matetuk, nai ni'iana kisa-anamaak-kala dede'an dale fa, ma ta lasala'e hataholi nanatuni-ndenik-kala, haak-ka fa.

YESAYA 1:23

Basa o mauli-malangam-mala manala'ban paleta, ma ala da'di nakodaa-la lima-ein; ala hii ka'da sipo bua palsen, ma tali-doi sosolo dalek. Ala ta nau lasala'e anamaak-kala nai manakee-manafula matan fa; ala ta nau lamanene faluina-la, hala kalaan-nala fa.

AMSAL 23:10

Boso lali heok dae too pusaka, do kisa-anamaak dae toon-na.

MAZMUR 68:5

Makamee ba'eneu Manetualain, ma koa-kio na'den-na, Sadia eno okofoo ba'eneu Ndia fo, manasa'e ko'as-sa. Na'den-na Manetualain – mamahoko nai matan-na leona!

2RAJA-RAJA 24:4

nakalenak, hu kande basa kanisak fo, ana taon soaneu hataholi sala taak-kala. Manetualain ta nau fe do'o do ampon neu Manasye fa, hu kande tatao-nono'in sila-la.

ULANGAN 24:7

Metema, hataholi esa, namanako neok neni leoinan esa, fo ana taon da'di ata, do nase'ohenin soona, muse hukunisa hataholi ndia. No enok ndia, emi tao mamopo tatao-nono'i mangalauk ndia.

YEREMIA 26:16

Boema basa malanga manapaletak-kala ma laun-nala lafa'da neu imam-mala ma nabi sila-la lae, “Hataholi ia kokolak pake ita Aman Manetualain na'den-na; de ta nanda huku nisa fan.”

MAZMUR 94:21

Ala lalahalak, fo la'ban hataholi manatao tunga ndoon-na, ma ala hukulisa hataholi fo sala tak-ka.

MAZMUR 94:6

Ala taolisa faluina anamaak-kala, ma ala tuni-ndeni hataholi nusa dea fo, manaleo nai nusak ia.

AYUB 24:9

Hataholi mangalauk-ka ana tao ni'iana ina-ama taak-ka, da'di ndia atan, ma anaho'i-na hataholi nuu-taa hata-taak fo, nahuta neun-na, ana bongi beun-nala.

AYUB 22:9

Ta ka'da, o ta tulu-fali inafalu-la fa, te o tuni-ndeni kisa-anamaak-kala boe.

2 SEMUEL 23:3

Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu Manetualain,

ULANGAN 27:19

‘Nanasoo-supak ba'eneu hataholi fo, ana natona-na hataholi nusa dea, faluina anamaak hak-ka.’ Hataholi Israel-la lataa lae, ‘Tete'ek-ka!’ ‘Amin!’

ULANGAN 25:1

Metema, tou Israel dua, leu leo uman naketu-nala'dik-ka leu, fo ala kalaak dede'ak esa, boema manakee-manafula laketun, esa ta nasala fa, ma esa nasala.

ULANGAN 10:18

Ana nasala'e faluina anamaak-kala haak-ka, fo ela taos tunga ndoos ma matetuk. Ana sue-lai hataholi nusa dea fo, manaleo sama-sama loo ita leoinan-nala, ma Ana fes nana'a-nininuk ma papake-ngganggaok.

IMAMAT 19:15

Metema, emi maketu-mala'di soona, maketu-mala'di tunga matetun-na; boso mook hataholi nuu-taa hata-taak-ka, ma boso bii-mamata'u neu hataholi kamasu'i-makabetek-ka.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

KELUARAN 22:22

Boso tao su'di bebe'ik-ka neu faluina do anamaak.

MATEOS 23:23

Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi ho'i ma bumbu dala dae, adas makeek, jintan baba'ek esa neme baba'ek sanahulu mai fo emi fen leo Manetualain neu. Te se'ko na dede'a mabeli ina la nai agama hoholo-lalane nala dalek, fo sama na leo: maketu-mala'di tunga ndo na, dale manasue-lai ka ma lilineka ka, emi ta taoafik neu fas. Te se'ko na dede'ak sila nde muse emi tao-noin no boso mafandele heni dede'a fe'e kala boe.

KELUARAN 22:21

Boso tuni-ndeni, do ta tao tunga ndoos ma matetuk soaneu hataholi manamai-a; mafandendelek te makahulun-na, emi hataholi manamai nai Masir boe.

YESAYA 58:6

Au ahiik okaaok-ka, nde ia: Se'iheni, lange tuni-ndenik-ka, ma lulu'a-lelepa ta ndoos ma matetuk-ka, ma soi-po'i hataholi fo nanatuni-ndenik-kala.

YESAYA 58:7

Baba'e emi nana'a-neninum neu hataholi kamala'ak-kala, sipok hataholi uma tak-kala nai emi umam. Fe hataholi makaholak-kala, bua papakek, ma boso tipa emi tolanom fo, ana paluu tutulu-fafalik.

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

YEREMIA 19:4

Au tao dede'ak ndia nana loina ia la'o ela Au so. Ala tao langgenggengo mamanak ia nenik ala fe tutunu-hohotuk lo lamatua daebafak fe'ek-kala ba'eneu sila, ba'eneu sila bei ba'i-kain-nala, ma ba'eneu manek-manek manai Yehuda. Sila boeo ala tao hataholi sala taak-kala daan-na nai mamanak ia boe.

RATAPAN 3:36

nanahu ala puta-paik ndoos ma matetuk-ka soona, tao leo bee-o Manetualain bubuluk ma Ana taoafik-kana.

YESKIAL 18:12

Ana hii ke'di-ndiu, hataholi nuu taa-hata taak-ka, namanako, ana besila-na, hataholi mahutak-kala bua pepe'dan soaneu hutan-nala. Neu leo hataholi dinitiu-la uma sosongon-na, ma ana sene-do'ok neu sosongo-tatangok fo nanamaluak-kala.

YESKIAL 45:9

Manetualain Fo Mademaina, nafa'da nae, “Hai manakoasa Israel-la lemin, emi sala-singom-mala dai so. Hahae tuni-ndeni laun-na leona. Tao-no'i hata fo, ndoos ma tunga matetun-na. Boso boe usiheni Au anang-ngala, leme sila daen dale mai. Au, Manetualain Fo Mademaina, fe paleta ndia neu emi.

AMOS 5:24

Malole lenak sanga enok, fo daenga eno ndoos ma matetuk-ka, ana faa sama leo oe-a, ma tatao-nono'ik fo tunga ndoon-na, ana faa sama leo lee manama'da taak-ka.

ULANGAN 24:17

Boso losom-ma, hataholi nusa dea, ma anamaak-kala hak-ka, ma boso ho'i-ma, inafalu esa bua papaken-na, da'di neu bua nape'dak esa.

MAZMUR 82:4

Soi-po'i hataholi tapandoes-sa, ma hataholi fo manatulu-manafalin ta soi-tefa-malas leme hataholi mangalauk-ka liman mai.

YESKIAL 18:7

Ana beita tipu-dai nita, do namanako fa. Ana fe falik hataholi mahutak-kala, bua pepe'dan soaneu hutan-nala. Ana fe hataholi kamala'ak-kala la'a, ma ana fe hataholi ba'du tak-kala, bua papakek.

AMOS 5:15

Makamuu-makadau mangalauk-ka, ma sue-lai malole-a, ma tao matetu eno ndos ma matetuk-ka. Fafa'ka ma Manetualain neukose Ana sue-lai bei ela leoina Israel-la hataholin-nala.