YEREMIA 21:4 - Susula Malalaok Hehelu Palak Ma Hehelu Beuk

⁴ leu lafa'da neu Zedekia lae Manetualain o Israel Manetualain nafa'da nae, “Zedekia, neukose au tao akala o soloda'dun-nala fo ala bei latee-latati la'ban Babel manen no soloda'dun-na. O soloda'dun tee-tafan-nala neukose au tao aodos nai kota tala'da heon.

YEREMIA 21:4 Referans Kwoze

YEREMIA 33:5

palsuma la'i esak-kana la'ban hataholi Babel-la, nanahu dede'ak ndia ka'da Ana taon-na kota ia henuk no hataholi-la popolan-nala fo Au taoisas nai Au nasa-melung-nga dalek soaneu sila. Au ta mete-lakanae kota ia fa, nanahu ala tao-no'i hata fo mangalauk-ka.

YEREMIA 32:5

Makabuin-na neukose ala fua leni Zedekia lo Babel neu, fo leo nai naa losa au hukun. Leomae ana te-tati hataholi Babel-la, tehu ana ta nala fas. Au, Manetualain, nde manakokolak-ka.”

YESAYA 13:4

Mamanene halak-kala lakalupu lai letelepak-ka, sama leo hataholi makadotok nanseli, halan-nala. Mamanene nusak-kala ma leoina fo bei lakabubua, hala nakalupun-nala. Manetualain Fo Manakoasa, palisak solda'du matee-mata'tik-kala.

YESAYA 5:5

Neukose Au tao au osi angol ndia leo iak: Neukose Au ofe heni pa'a fo manaokofeonalan-na, neukose Au tao tu'u papala nanadamak fo, manamasulu-mahapan-nana, Boema, Au po'ilotak bana fuik-kala tao lalutun fo ala heheta-aa'in.

ZAKHARIA 14:2

Neukose Manetualain naloo nakabubua basa leoina-la, fo leu sapu-la Yerusalem. Neukose ala loso-la kota ndia, ala bonga uman-nala ma ala sungu loo inan-nala. Neukose, ala foo leni laun-na seli, leo mamana tu'u-tapak neu, tehu bei ela hataholi-la, ala leo lahele nai kota ndia.

RATAPAN 2:7

Manetualain ta sipok mei tunu-hotun fo malalao-malalafuk-ka fa, Ana la'oela Uman-na; Ana po'ilotak musu-a tao natu'u papala nanadaman-nala. Nai mamanak fo makahulun-na ita sene-do'ok ma tao feta, musu-a eki nanahu lamahoko-setelee.

RATAPAN 2:5

Manetualain da'di sama leo musu; Ana fepa Israel losa ndefa henin. Ana tao nakalulutuk kota musu-la boema uma manek-ka, ma Ana fe soe-a namaba'u nai laun Yehuda dalek.

YEREMIA 39:3

boema latona-la Yerusalem. Boema manek Babel-la mauli-malangan-nala basas mai de leu langatu-la lelesu ina tala'dak-ka. Nai sila dalek hapu Nergal-Sarezer, Samgar Nebo, Sarsekim fo uma manek malanga uma loon-na, Nergal-Sarezer Rabmag ma malanga soloda'du fe'ek-kala.

MATEOS 22:7

Lelek mane ka namanene dede'ak ndia boema namanasa nanseli, de nadenu solda'du nala leu taolisa basa hataholi kanisak sila la lala'ena, boema ala hotu heni hataholi sila la, kota nala.

HOSEA 9:12

Tehu leomae hapu ni'iana-la nanabongik, fo lakaboboin losa namatua boe, neukose Au ho'i alas. Neukose, Au ta po'ilotak esa boen, bisa naso'da fa. Hai leoina Israel-la lemin, metema Au la'oela emi soona, soe ba'eneu emi!”

YEREMIA 52:18

Hata nanafua nenik-kala nde ia; ai kakaik, mei fo mamana afu, bua-lo'a banu anak, mango fo latanee lenik bana tutunu-hohotuk-kala daan-na, mango fo ala tunu-hotu boomenik boema basa bua-lo'a liti fe'ek-kala fo ala tau neu sosongo-tatangok.

YESAYA 10:4

Emi ua-nalem, nde ka'da nanataonisak nai natee-natatik dale, ma nanafook da'di leo hataholi nanafook. Tehu Manetualain bei namanasa, de Ana huku nahele.

YEREMIA 20:4

Manetualain nafa'da aon nae, ‘Neukose Au akadada'dik o teror ba'eneu o ao inam mesak-kana, ma ba'eneu o nono anam-mala. Neukose o mita sila nanataoisak neme sila musun-nala mai. Basa hataholi Yehuda-la neukose Au po'ilotak-kasa nanakoasak neme manek Babel-la; nggelok neme sila mai-a nana fo nenik da'di leo nananakataak-ka nahelek leo Babel neu, ma elak-kala neukose nanataonisak.

YEREMIA 21:3

Boema Manetualain kokolak no au, boema au adenu hataholi fo manahaituak sila-la

YEREMIA 32:3

neme manek Zedekia, nanahu ala du'du lae, au po'a-benga ae, Manetualain nafa'da nae leo ia, “Neukose Au po'ilotak manek Babel-la nangatun-na kota ia,

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

YEREMIA 35:17

Hundia, de Au, Manetualain Fo Manakoasa, fo Israel Manetualain-na, neukose uni fe emi hataholi Yehuda-la ma Yerusalem-mala – basa totoa-tataak fo Au aketu basan soaneu emi, sama leo hata fo Au afa'dak-ka. Au afa'da dede'ak ndia nanahu emi ta nau mamanene, metema Au kokolak o emi, ma emi ta nau mataa fa metema Au alo emi.”

RATAPAN 2:3

Nai nasa-melun fo manapila lo'a-lo'an-na dalek, Ana helu la'di Israel be'i-balakain, Lelek musu nook-ka sapu-na ita, Ana hia fe tutulu-fafalik. Sama leo ha'i pila lo'a-lo'a fo tao nalutu basa hata lala'en-na, leondiak boe, Manetualain manakoasa nasa-melun neu ita basa-basa-tala.

YESKIAL 39:3

Nai ndia, neukose Au fepa kokoun-na, losa tu'dahenin neme lima kiin-na mai, ma Au tao atu'daheni kokou isin-nala neme lima konan-na mai.