YEREMIA 2:7 - Susula Malalaok Hehelu Palak Ma Hehelu Beuk

⁷ Au os leo, nusa maoe-maisik-ka neu fo la'a buna-boak, ma basa hata malole lala'en manai naa-la. Tehu ala losa ndia boema, ala tao langgenggeo Au daeng-nga, ma ala tao Au hata-hetong da'di hata esa fo nanamaluak.

YEREMIA 2:7 Referans Kwoze

YEREMIA 16:18

Neukose Au balas sila sala-singon-nala ma tatao-nono'i mangalaun-nala didikuk la'i dua, nanahu sila tao basa manggenggeo-mangganggamuk nai Au nusang dale nenik sosongok-tatangok ba'uk-ka. Sosongok-tatangok sila-la hahae taak-kala sama leo manamates-sa.”

BILANGAN 13:27

Lafa'da Musa lae, “Ami palisak matalolole nusak ndia so, de ami mita daen-na kamasu'ik, ma maoe-maisik, ma ami seu meni ai boak lumanak nde ia, neme naa mai.

YESKIAL 36:17

“Hai hataholi daebafak fo, manasapu-manalalok-konei, lelek hataholi Israel-la, ala leo leme sila nusan-na dalek-ka, ala tao langgenggeon nenik sila tatao-nono'in-nala so. Sila ha'da-tataon ndia manggenggeok sama leo inak fo ana hapu he'di bulak.

YEREMIA 3:9

ma ana ta name'da bibii-mamaek makandondook fa. Ana hohonge, nanahu ana sene-do'ok neu ai ma batu, nalosa nusak ia ana da'di naggenggeo.

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

MIKHA 2:10

Fo'a fo la'o leona; te nai ia ta nee-nee lino-lino so'on. Emi sala-singom neni susa-soe maneni bibii-namata'uk-ka, nai mamanak ia so.

YESKIAL 20:6

Nai lelek ndia, Au soo ae, neukose Au oos kalua leme Masir mai, fo leu leo Au hele fes nusak-ka leu. Nusak ndia kamasu'ik, ma maoe-maisik, dae fo malole nanseli, nai basa daebafak-ka lala'en-na.

NEHEMIA 9:25

O anam-mala langatuu-la kota musu-la dae maoe-maisik, ma uma henuk no su'i-betes. Ala besla-la oedolu-la, ma oemata-la. Osi anggol, ai setun ma ai boa fe'e-fe'ek-kala. Laao nanahu la'a-linu su'di bebe'ik-ka. Lame'da O baba'e-babati malolem lala'en-na.

ULANGAN 21:23

soona ta bole po'ilotak popolak ndia, lona-lona nahele neme dii ndia lain, le'odae katemak esa, te muse natoi-natonon nai faik ndia dalen-na boe. Popolak fo nanalonak nai dii ndia lain-na, neni Manetualain soo-supan fe nusak ndia. Da'di matoi-matono popolak ndia, fo ela emi boso tao manggenggeo, emi MANETUALAIM-ma fe emi nusak-ka.

ULANGAN 6:18

Tao hata fo, tunga Manetualain mata memeten-na, malole ma ndos ma matetuk, soona neukose emi hapu tetu-temak. Dae maoe-maisi fo, Manetualain helu basan neu emi bei-ba'i kaim-mala, neukose ana da'di emi pusakam,

YEREMIA 3:2

So'ba mete leo lain fo leo pupuk-kala lain muu! Mamanak beek-kande, o beita muu sosoa-piao meme ndia fa? Sama leo hataholi Arab-pala lai moo solokaek-ka, leondiak boe, o mangatuuk nai enok-ka su'un-na fo o mahani hataholi fo, ana hii nakaminak susue tou-ta'ek ma ina-anafe'ok. O tao manggenggeo nusak ia, nenik o sosoa-piaom, ma o tatao-nono'i mangalaum-ma

YEREMIA 32:23

Tehu nai lelek ala mai lo nusak ia mai de latona-la boema, ala ta nau tunga O paletam-mala fa, ma ala ta laso'da tunga O nanoli-nafa'dan fa. Basa hata fo O paletak neu sala ala ta tao-no'i esa boen. Hu ndia de O muni fes basa susa-soe iala neu sila.

YEREMIA 32:30

Neme hataholi Israel ma hataholi Yehuda-la tutui makasososan-na mai-a, ala tao-la Au daleng-nga ta namahoko fa. Ala tao lafo'a Au nasang-nga nenik sila tatao-nono'i mangalaun-nala.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

HOSEA 9:3

Hai emi, fo leoina Israel-la lemin, neukose emi ta leo mahele nai dae fo Manetualain fe emi-a fa. Emi muse fali me'um-ma leo Masir meu, ma emi muse mi'a nana'a nananalulik nai Asyur.

ULANGAN 32:9

Tehu Yakob tititi-nonosin ia-la Manetualain heles da'di Ndia nuu Mesan.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

YESAYA 19:25

Manetualain Fo Manakoasa, neukose ba'e-palas, ma nafa'da nae, “Au ba'e-pala emi, hai Masir fo, Au anang-nga, Asyur fo, Au lima tataang-nga, ma Israel, Au anang fo Au helek-ka.”

YESKIAL 20:24

nanahu ala ta taoafik neu Au paletang-ngala, ala la'olena Au hoholo-lalaneng, ala tao langgenggeo fai Sabat-ta, ma ala sene-do'ok lahele neu sila bei-ba'i kain-nala, sene-do'ok neu lamatua daebafak-kala.

YESKIAL 23:35

Manetualain Fo Mademaina, nafa'da nae, “Hu kande o mafandeleheni Au, ma o masadea Au so, de neukose o doi-doso hu kande o nasa sasao-aanam manafo'am-ma, ma o manasosoa-pioam-ma.”