YEREMIA 2:5 - Susula Malalaok Hehelu Palak Ma Hehelu Beuk

⁵ Manetualain nafa'da nae, “O bei-ba'i kaim-mala, hapu sala beek nai Au-a, nalosa ala ke'di-ndiu Au? Ala usi ka'da sosongo-tatangok eli taak-ka de mate'en-na, lakadadaek seluk aoinan-nala.

YEREMIA 2:5 Referans Kwoze

2RAJA-RAJA 17:15

Israel ma Yehuda, ta nau tunga Manetualain paletan-nala, ma ta lilineka neu hehelu-balataak, fo Ana tao basan no sila bei-ba'ikain-nala fa. Ala ta taoafik neu kekena-kaka'in fa, tehu ala songo neu sosongo-tatangok, sosoa-ndandaa taak-ka, nalosa sila boeo, da'di sosoa-ndandaa taak. Ala tunga leoina manai sila boboan kaisun-nala, ei tata'bun-na, leomae Manetualain kena-ka'i basan so.

ROMA 1:21

Hataholi daebafa ka nalelak Manetualain, tehu hataholi daebafa ka ta nau fe ha'da-holomata neu fan, da'dileo Manetualain, ma ala ta nau loke makasi neu fan. Te hataholi daebafa ka dudu'a-dodoo ka'da dede'a manda'di ta kala; nana dale nala makahatuk so.

YUNUS 2:8

Manasongo-tangok sosoa-ndandaa taak-kala, la'oela O, de ala ta lilineka so'on.

MAZMUR 115:8

Ela leo bee-na, hataholi manataok-kala, ua-nalen-nala leondiak ma basa hataholi fo, lamahele neun.

YESAYA 44:9

Hataholi manatao dodoki-dudula sosongo-tatangok ndia, sosoa-ndandaan ta, ma lamatua daebafak fo ala sene-do'ok sila-la, sosoa-ndandaan ta. Hataholi manasene-do'ok neu dodoki-dudulak sila-la, pokek ma ala ta bubuluk hata esa boen, hu ndia de, neukose ala hapu mamaek.

SEMUEL SUSULAK-KA ESAN-NA 12:21

Boso tunga lamatua daebafak-kala, fo ala ta hapu tulu-fali emi ma soi-tefa emi fa, nanahu tunga ndoon-na, lamatua daebafak ta.

ULANGAN 32:21

Ala tao-la au ta ahiik hata fo, Manetualain ta nde ndia fa, ma Au amanasa sila dodoki-dudula sosongo-tatangon. Boema Au tao-a, Au anang-ngala ta lahiik hataholi fo, leoina ta ndia fa, ma Au amanasa leoina nggoak-ka.

HATAHOLI 14:15

“Wei, te tao le'e de emi tao tataos ia? Ami ia hataholi daebafak sama leo emi boe! Ami nai ia nana, ami tui-benga Hala Malole ndia neu emi, fo ela emi tu'u-tapaheni emi tatao-nono'i sosoa-ndandaa tak ia, fo mai leo Manetualain fo maso'dak, ma mana makadada'dik lalai ma daebafa ka, boema tasi no oe isin lala'ena.

YEREMIA 2:31

Hai hataholi Israel-la lemin, mamanene Au hala-kokolang ia-la. Ade Au da'di hai moo solokaek ba'eneu emi, do sama leo dae fo makahatu kiu-kiuina so do beik? Tehu tao le'e de, emi mafa'da, mae emi nau maso'da no aoloak, ma ta nau fali seluk leo Au mai fa?

MATEOS 15:8

‘Manetualain nafa'da nae leo ia: Hataholi sila ka'da lakaluku-laktele neu Au, ninik ka'da hala-kokola nala, tehu dale nala doo ka neme Au mai.

YESKIAL 11:15

“Hai hataholi daebafak fo, manasapu-manalalok-konei, laun Yerusalem-ma, ala kokolak o moo o nonoom fo, manai mamana tu'u-tapak. Lafa'da lae, ‘Hataholi nanatu'u-tapak sila-la, dook-ka leme uma mamasok manai Yerusalem-ma mai. Manetualain fe dae Israel-la, leo ita mai so.’

YEREMIA 14:22

Leoinam-mala sosong-tatangon-nala ta hapu lakona u'dan leo daebafak-ka mai fa. Lalai-a boeo ta bisa po'a u'dan nenik koasan-na mesak-kana fa. Ka'da O nde ami mamahenak-ka. O nde tao basa sila-la ala da'di.

YEREMIA 12:2

O sele-tanis sama leo bubu'u-palusa, boema ala lahu-laoka, de ala moli ma labuna-laboa. Ala kokolak soona, ka'da malole-malole mesa-mesan, la'eneu O aoinam-ma, tehu nai dalen-nala dalek soona, tunga ndon-na ala ta mete-lakanae O fa.

YEREMIA 10:8

Sila basa-basas nggoa-panganaa nana lamatua daebafan-na ka'da ai tuk mesak-kana, ma ta hapu nanoli hata neulauk fa.

YESAYA 29:13

Manetualain nafa'da nae, “Hataholi sila-la, sene-do'ok neu Au, ka'da nenik hala-kokolak, tehu dalen-nala dook-ka neme Au mai. Sila agaman-na, ka'da nakanenetek hataholi daebafak, fo nanalees ta pake mete susulak fa.

YESAYA 46:12

Hai hataholi manakoao-ndaeaok-kala lemin, emi fo manadodoo mae sesengik-ka, bei nai dook-ka.

YEREMIA 2:4

Mamanene Manetualain hala hehelun-na, hai emi fo, Yakob tititi-nonosin, ma leo-leo Israel-la lemin!

YEREMIA 8:19

Mamanene! Te nai nusak-ka lala'en-na nadodolo, au leoinang kii ma lakadii-lakau no latane lae, “Ade Manetualain ta nai Sion so'on do? Manen-na, besak ia nai bee so?” Manetualain, fo sila manen-na nataa nae, “Tao le'e de, o sene-do'ok neu lamatua daebafak-kala, fo sosoa-ndandaan ta makandondook ndia fa? Tao le'e de, o tao makahehe'dik Au daleng-nga, nenik sene-do'ok neu sosongo-tatangok-kala?”

YESKIAL 14:5

Basa sosongo-tatangok sila-la, ala tao-la Au anang-ngala, dook-ka leme Au mai, tehu sa'di leo been-na, no Au natataang ndia de, Au anang-ngala fali ma'is leo Au mai.’