YEREMIA 2:34 - Susula Malalaok Hehelu Palak Ma Hehelu Beuk

³⁴ Ami papake-ngganggaom nanggenggeo, hu kande hataholi nuu taa-hata taak-ka, ma hataholi sala taak-ka, daan-na, ta hu kande nakodaa nanaho'un-nak-ka daan-na fa. Leomae leondiak boe,

YEREMIA 2:34 Referans Kwoze

2RAJA-RAJA 21:16

Fe'ek neme ana taon-na, hataholi Yehuda-la lasala-lasingo neu Manetualain, nenik ala sene-do'ok neu sosongo-tatangok-ka, Manasye boeo, ana taonisa hataholi sala tak makadotok nanseli, nalosa nai Yerusalem, daak-ka faa su'di leo bee neu.

YEREMIA 19:4

Au tao dede'ak ndia nana loina ia la'o ela Au so. Ala tao langgenggengo mamanak ia nenik ala fe tutunu-hohotuk lo lamatua daebafak fe'ek-kala ba'eneu sila, ba'eneu sila bei ba'i-kain-nala, ma ba'eneu manek-manek manai Yehuda. Sila boeo ala tao hataholi sala taak-kala daan-na nai mamanak ia boe.

2RAJA-RAJA 24:4

nakalenak, hu kande basa kanisak fo, ana taon soaneu hataholi sala taak-kala. Manetualain ta nau fe do'o do ampon neu Manasye fa, hu kande tatao-nono'in sila-la.

KELUARAN 22:2

Metema nakodaa esa, namanako-na buas esa, soona ana muse nggati buas fo namanako-nan ndia. Metema, hataholi ndia ta nanuu hata esa boen soona, nase'o hataholi ndia, fo ana da'di ata soaneu nggati buas fo namanako-nan ndia. Metema, namanako-na buas-sa, nalupa sapi, keledei do bi'ilopo, de ala hapu bana sila-la nai hataholi ndia, te bana sila-la bei maso'dak soona, bana esa-na, ana muse nggati bana dua. Metema ho'un-na hataholi nakodaa esa nai uma esa, la'e le'odaek, boema taonisan soona, hataholi manataonisan ndia, ta nasala fa. Tehu, metema manada'dik ndia, ana da'di la'e lele'dok soona, hataholi manataonisak-ka, ana hapu salak.

YESKIAL 24:7

Kanisak-ka, ana da'di nai kota ndia, tehu daan-na, ana ta faa leo dae lain neu fa, te ana faa leo batu mateaina lain neu, nalosa ta bisa nakadofu ketu fan.

YESKIAL 20:31

Nakalenak losa besak ia boe, emi tao manggenggeo emi aoinam-mala nenik, emi bei meni tutunu-hohotuk, ma emi tunu-hotu emi anam-mala, da'di leo tutunu-hohotuk neu sosongo-tatangok-kala. Boema, emi bei mapalani, moke natutu'duk neme Au mai? No Au, Manetualain fo maso'dak-ka na'den-na, neukose Au ta fe emi loak, fo moke natutu'duk neme Au mai fa.

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

YEREMIA 7:31

Ala lapadedeik mei tunu-hotuk esa, nai Bafak Hinom-ma, soaneu ala tunu-hotu anan-nala, da'di leo tutunu-hohotu nanatunuk. Te se'kona, Au beita adenus tao dede'ak ndia fa, nakalenak, au beita dudu'a-dodoo la'e dede'a matak leondiak-ka fa.

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

YESAYA 59:7

Emi tutu'u tatao-nono'i mangalauk nakandondoo henin, de emi mahiik taon no lai-laik. Emi ta bii-mamata'u, soaneu taomisa hataholi sala tak-ka. Emi meu su'di leo bee meu soona, emi la'oela nakalulutuk-ka, ma mamate-momopok-ka nai ndia.

YESAYA 57:5

Emi sene-do'ok neu lamatua daebafak fo, manafe dae-a nalole, nenik emi po'ilotak emi dale hihiim-ma, neni emi aoinam-ma leo emi ai manitum-mala huun-na neu. Emi matoi-matono emi anam-mala, lai bafak manai lee-la, ma nai batu-la lelan-nala.

YESAYA 59:3

Emi masala, nanahu masapepeko-masandandalik-ka, ma emi tao hata, ta tunga ndoos ma matetuk-ka fa, nanahu emi tao-no'i tatao-nono'i laka-nakasetik, ma kanisak-ka.

YEREMIA 2:33

Emi te'e-te'e sanga malelak eno keke'dik soaneu sanga susue tou-ta'ek, ma ina anafe'ok-ka! Ina manasosoa-piaok fo mate basa mamaen-na boeo, ana bei hapu nanoli neme emi mai!

YEREMIA 7:6

Boso boe tuni-ndeni hataholi nusa dea, ni'iana kisa-anamaak ma faluina-la. Boso taomisa hataholi sala taak-ka, nai nusak ia. Boso sene-do'ok neu lamatua daebafak fe'ek-kala, nana dede'ak ndia, neukose tao namopo-namate emi.

RATAPAN 1:9

Manggenggeon-na, nananitak no mangale'dok, tehu ta nafaduli, neukose hata da'di la'eneu aoinan-na fa. Tutu'dan-na ba'un-naseli, tehu ta hapu hataholi esa boen, kokoe-nanasi fan. Boema ana dokodoe susue-lalaik neme Manetualain mai, nanahu musun-nala sengi so.

RATAPAN 4:14

Sama leo hataholi pokek-ka naleu-nalaak nai enok-kala lain, kota Yerusalem-ma mauli-malangan-nala leondiak. Bua papaken-nala langgenggeo nanahu daak-ka nalosa ta hapu hataholi nau koila'e fas.

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

YESKIAL 22:25

Basa mauli-malangan-nala, sama leo singa kaa-na nana'an-na soona, nangao. Ala taolisa laun-na, ala loso-la hata-heton ma su'i-beten-nala, ma hu kande sila tatao-nono'in de, inak makadotok ala da'di inafalu.

KELUARAN 22:1

“See namanako-na sapi do bi'ilopo esa, boema ana do'don do nase'on soona, muse ana nggati sapi ndia nenik sapi lima ma bi'ilopo ndia nenik bi'ilopo haa.

YESKIAL 23:45

Tehu neukose, hataholi ndoos-sala laketu-lala'di hataholi ka'a-fa'di ka duak sila-la, nenik enok hohonge, ma kanisak-ka, nana memak sila lasala so.”