YEREMIA 17:1 - Susula Malalaok Hehelu Palak Ma Hehelu Beuk

¹ Manetualain nafa'da nae, “Hai leoina Yehuda-la lemin, emi sala-singom-mala nanadoki-dula basak nai emi dalem dale, ma nai basa emi mei tunu-hotun-nala bu'un-nala nenik enge besik fo enge-a matan-na nenik poemata mai.

YEREMIA 17:1 Referans Kwoze

AMSAL 3:3

Ela leo been-na, o mamahele mahele, ma lilineka neu Manetualain ma o nonoo hataholim-ma. Mafandendelek basa sila-la, fo pe'dan nai o dalem dale,

2 KORINTUS 3:3

Sila nde lita lae emi malupa susulak fo Kristus nde sula kana, fo Ana haituan tunga ami. Susulak ndia ta nanasulak ninik tinta fa, te nanasulak ninik Manetualain Dula Dalen fo maso'da ka; boeo ta sula kana nai batu lei lain fa, te nanasulak nai hataholi daebafa ka dale na.

AMSAL 7:3

Mafandendelek mahele basa au nanoling-ngala, ma pe'da basas lai o dalem dale.

IMAMAT 4:25

Imam-ma muse dope limaku'un-na leo bana ndia daan dale neu, fo ana losen neu mei tunu-hotuk-ka susulan-nala nai mei bu'un haas, ma ana pisi daak fo bei elak-ka leo mei tunu-hotuk-ka sosolon dale neu.

HOSEA 12:11

Au kokolak basa o nabi la so, ma Au fes ninitak ba'uk-ka. Tunga nabi sila-la, nde Au afa'da Au dale tutu'ung-nga neu emi, fo Au anang-ngala,

YESAYA 49:16

Yerusalem, Au afandele o tataas esa; Au dokik o nadem-ma, nai au limadaleng-nga.

YEREMIA 2:22

Leomae o madiu oe, fo o pake sabu makadotok nanseli, tehu Au bei ita, o salam-ma tataan-nala boe.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

HOSEA 7:2

Ala ta hapu dudu'a-lan nai dudu'a-aafin-nala dalek, lae neukose Au afandele-a basa sila tatao-nono'i mangalaun sila-la fa. Tehu sala-singon-nala lakahapi-lalas, nalosa Au itas no mangale'dok.”

ZAKHARIA 7:12

Latea dalen-nala, nalosa natea sama leo batu-a. Au amanasa anseli, nanahu ala ta nau tunga nanolik fo Au fen tunga nabi makahuluk-kala fa.

YEREMIA 11:13

Hataholi Yehuda-la lamatua daebafan-nala ba'u nanseli, de'u sila kotan-nala boe. Yerusalem laun-ala lapadedeik mei tunu-hotuk de'u enok-enok manai Yerusalem kotan-nala, soaneu fe tutunu-hohotuk neu lamatua daebafak Baal-la.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

HOSEA 8:11

Hataholi Israel-la, boetai lafofo'a mei tunu-hotuk ba'uk-ka, soaneu lose heni sala-singok-ka, tehu boetai hapu mamanak ba'uk-ka, soaneu tao sala-singok!