YEREMIA 15:8 - Susula Malalaok Hehelu Palak Ma Hehelu Beuk

⁸ Neukose emi nusam-ma henuk no inafalu, lenaheni solokaek manai tasi-a su'un dede'un-na. Neukose Au taoisa hataholi-la nai fai muli-solun-na dalek de nalosa sila inan-na to'a-taa. Nai fai lele'don-na Au uni fes hataholi manamakak toto'a-tataak-ka esa fo nalosa ala lame'da bii-namata'uk ma ala maletale.

YEREMIA 15:8 Referans Kwoze

YESAYA 3:25

Touk mabe'i-balakaik-kala boeo, neukose mates lai natee-natatik dale.

LUKAS 21:35

Nana Faik ndia neukose ana mai sama leo hihi'ik esa neu basa hataholi manai daebafak ia poi na.

YEREMIA 5:6

Hu ndia de, neukose singa neme nula dale mai, fo taonisas, ma busa fuik-ka neme moo solokaek-ka mai, fo sii-sii lulu'is. Neukose meoasu-la lapanggela, fo ala sanga nana'an-na, nai deka no sila kotan-nala, fo ba'eneu hataholi see, fo ana kalua soona, neukose ala kaa-nan. Basa sila-la ala da'di, nanahu ala tao sala-singok makadotok so, ma lasadea Manetualain la'inono'ik.

YEREMIA 4:16

Ala fe nasanene'dak neu leoinak-kala, ma lafa'da laun Yerusalem-mala, lae musu-a ana mai neme nusa dook mai. Neukose ala eki, eeki musu-a soaneu Yehuda kotan-nala,

YESAYA 3:26

Neukose hataholi-la manato'a-taak, ala kii-makaleleu nai kota lelesuinan-nala, ma neukose kota ndia mesak-kana sama leo ina nanao'du nakaholak-ka de nangatuuk nai dae lain.

YESAYA 4:1

Nai lelek ndia, neukose inak hitu, ala ho'u touk esa, fo lafa'da lae, “Fe ami loak, fo ami manaku mae ami saotoum o, fo ela ami boso lu'a-lepa mamaek, nanahu ami beita ka'bing fa. Ami tunga-sanga aom, ami nana'a-nininum, ma ami papake-ngganggaom.”

YEREMIA 16:3

Neukose Au afa'da neu o la'eneu hata fo neukose ana da'di neu ni'iana-la fo manabongik nai ia ma neu ina anan-nala boe.

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

YEREMIA 22:7

Neukose Au haita hataholi soaneu tao nakalulutuk. Neukose ala leni taka, fo ala lo'o labu diin-na fo mana'ahiik sila-la fo nanataok neme ai kaiyou Libanon. Boema neukose ala tapas leo ha'i dale neu.

RATAPAN 5:3

Musu taonisa ami amam; besak ia, ami inam inafalu, ma ami anamaa.

YESKIAL 22:25

Basa mauli-malangan-nala, sama leo singa kaa-na nana'an-na soona, nangao. Ala taolisa laun-na, ala loso-la hata-heton ma su'i-beten-nala, ma hu kande sila tatao-nono'in de, inak makadotok ala da'di inafalu.

HOSEA 4:5

Lele'do-le'odaen, emi tao salak, leondiak boe, basa nabi la. Hu ndia de, neukose Au tao amopo-amate emi inam Israel.

YEREMIA 6:26

Manetualain nafa'da anan-nala nae, “Pake lafa lapik, fo lololi meu afu dale. Kii makaleleu no dale he'dik, sama leo hataholi-a, ana kii-makaleleu ana kisan-na mamaten-na, nana manatao namopo-namate emi-a, neukose ana sapu-na emi no kaiboik.”