YEREMIA 15:7 - Susula Malalaok Hehelu Palak Ma Hehelu Beuk

⁷ Nai basa kota manai nusak ia neukose Au tu'u-tapa heni emi sama leo ha'de aikak. Leomae emi nde been-na Au anang boe neukose Au tao amate-amopo emi ma emi anam-mala nanahu emi ta nau tao mahii emi so'dam-ma eno-dalan fa.

YEREMIA 15:7 Referans Kwoze

MATEOS 3:12

Ana ho'u ooko a nai liman dale, fo ana da'i-eeko gandu ma losa balisi. Nadai gandum neu kala leo sokan dale neu, tehu gandum nala kala soona, ana hotuhenis nai ha'ipila manamate ta ka dalek.”

YEREMIA 51:2

Neukose Au hele hataholi deak fo neu tao nakalulutuk Babel-la sama leo anin-na fuu neni gandum loon-nala. Nai faik susa-soe ndia neukose ala sapu-la basa mamanak lala'en-na, ma sapu lan balisi.

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YESAYA 41:16

Neukose o da'is, boema anin-na fuu nenis ma sangu-a, tao nalas tonggela. Neukose o mamahoko-setelee, nanahu Au, fo Manetualain, ma nanakoa-nanakiok, nanahu Au, fo Israel Manetualain-na.

YESAYA 9:13

Hu ndia de, ka'da nai faik esa dalen-na mesan, Manetualain huku Israel mauli-malangan ma laun-nala. Ana te'te heni langan-na ma ikon-na de Ana tapa henis.

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

MAZMUR 1:4

Nasafalin-na, hataholi mangalauk-ka: sama leo ha'deuk-ka, fo anin-na fuu nenin.

ZAKHARIA 1:4

Boso sama leo emi bei-ba'i kaim. Makahulun eli, basa nabi-la landuku-lalosak Au hala hehelung-nga neus, fo ela ala boso boe tao seluk tatao-nono'i mangalauk, ma tao sala-singok bai. Tehu ala ta lafaduli ma ala ta nau tunga Au fa.

YESKIAL 24:25

Manetualain nafa'da au nae, “Nah, hataholi daebafak fo, manasapu-manalalok-konei, Au Umang fo matea-mahelek ndia, fo ana tao-na sila dalen-nala lamatua ma lamahoko, ma ala meten fo leu donge-daman no dale namahokok-ka, neukose Au ho'i-an neme sila mai. Boema, neukose Au ho'i-a sila anan-nala boe.

ULANGAN 28:41

Neukose emi hapu anatouk ma ana inak, tehu musu-a ana fo nenis, da'di leo hataholi nanafook, nalosa mopo emi anam-mala.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

YEREMIA 9:21

Mamates-sa, ana masok tunga jendela, de ana tola nakandoo leo uma manek-ka neu so; ana kaa-na ni'iana-la lai enok lain, boema hataholi muli-soluk-kala, lai mook-ka.

ULANGAN 28:32

Neukose ala fe heni, emi anam-mala leo hataholi nusa dea-la, nai emi matam, fo ala taos da'di ata. Tunga faik, emi mata-ma nakete, nana emi sanga emi anam-mala, tehu manada'di tak, nana neukose ala ta fali so'on.

ULANGAN 28:18

Sosoo-susupak ba'eneu emi, nalosa emi anam ka'da lumanak, emi dae-oem, buna boan ka'da faaanak, boema emi sapim ma emi bi'ihii-bi'ilopom boeo, ka'da lumanak.

YESKIAL 36:12

Neukose Au o falik Au anang Israel, fo ala leo seluk sila nusan-na. Neukose dae ndia, ana da'di sila nuu mesan, fo dae ndia ana fes buna-boak tataas esa, nalosa ta mate anan-nala no la'as-sa so'on.’

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.