YEREMIA 15:11 - Susula Malalaok Hehelu Palak Ma Hehelu Beuk

¹¹ Manetualain, metema tete'ek au ta tao-no'i bela-ba'ung no malole fa, ma au ta sala'e musu-a nai O matam-ma fa nai lelek ala hapu toto'a-tataak-ka ma susa-soe fa soona, nemena fo hataholi sila-la supa-son te'e-te'e ana da'di. (

YEREMIA 15:11 Referans Kwoze

AMSAL 16:7

Metema o mandaa moo Manetualain dalen-na soona, Ana tao o musum-mala da'di tia-laik.

MAZMUR 106:46

Ana fe basa hataholi fo, manafoo nenis-sala, sue-lais.

YEREMIA 37:3

Manek Zedekia nadenu Yukhal fo Selemya anan-na, ma Imam Zefanya fo Maaseya anan-na soaneu noke au hule-haladoi neu Amak Manetualain soaneu leoina paluk-ka.

PENGKHOTBAH 8:12

Leomae hataholi masala-masingok esa, ana tao tatao-nono'i mangalauk natun esa, tehu naso'da nahele, nakalenak teun-na manalu. Hataholi-la lafa'da lae, see tunga Manetualain soona, tao leo bee-o, so'dan-na mu'da-mu'dak mesan.

YEREMIA 42:2

lo au-a mai de lafa'da lae, “Ama, samaleo Ama mita matan, ami ia makahulun-na ba'uk-ka te besak ia ela ka'da lumuanak so. Ami dokodoe Ama hule-haladoi soaneu ami, neu Amak Manetualain fo sene-do'ok-ka. Hule-haladoi fe ami fo be elak iala,

YEREMIA 21:2

“Moke natutu'duk neme Manetualain soaneu ita, nana Nebukadnezar fo Babel manen mo soloda'dun-nala sanga sapu ita kotan. Fafa'kama neukose Manetualain tao manada'di beuk soaneu ita, fo ana laka-nakaseti. Nebukadnezar le'a heok ndia soloda'dun-na.”

AMSAL 21:1

Sama leo Manetualain ito-ato lee oen-na, fo ela ana faa tunga dale hihiin-na, leondiak boe, Ana hela-nole manek-ka dudu'a-aafin

MAZMUR 138:3

Lelek, au aloo bou-bou neu O, O mataa O matetea-mahehele au daleng-nga, nalosa au apalani.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YEREMIA 37:17

Makabuin-na boema manek Zedekia nadenu hataholi no au u ata nai uma manek-ka. Nai ndia no nafufunik ana natane neu au, ade hapu hala-haituak neme Manetualain mai. Au ata ae “Hapu.” Boema au tama seluk ae neukose “Ama Manek nanafek lo manek Babel-la.”

YEREMIA 38:14

La'e fai fe'ek esa boema manek Zedekia nadenu hataholi mai nala au, fo au u atan nai lelesu ina katelu-a nai Manetualain Uman. Ana nafa'da au nae, “Au nau atane neu o, de o muse matan no mangale'dok. Boso mafuni hata esa boen.”