YEREMIA 1:7 - Susula Malalaok Hehelu Palak Ma Hehelu Beuk

⁷ Tehu Manetualain nataa nae, “Boso mafa'da mae, o bei muli-soluk manseli. Metema, Au adenu o muu leo su'di see muu soona, o muse muu, ma Au adenu o mafa'da basa hata lala'en-na, o muse manduku-malosak-kana neus.

YEREMIA 1:7 Referans Kwoze

BILANGAN 22:20

Le'odaek ndia, Manetualain mai, de nafa'da Bileam nae, “Hataholi sila-la ala mai, fo loke o, muu sama-sama moos. Da'di, maheheleaom, fo muu leona. Tehu, ana fe o ta beek soona, taok-ka'da ndia.”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

YESKIAL 3:27

Mahani te, metema Au kokolak seluk o o, fo Au fe falik o be'i-balakaim, fo o hapu kokolak seluk soona, o muse manduku-malosak hata fo Au, Manetualain Fo Mademaina, afa'dan neu leoina ndia. Neukose, sila nggelok lamanene, tehu nggelok soona ta, nanahu memak sila, leoina malenalanga-masabasook.”

2TAWARIKH 18:13

Tehu Mikha nataa nae, “No Manetualain fo maso'dak-ka na'den-na, au nau afa'da ka'da hata fo Manetualain nafa'dan neu au!”

1RAJA-RAJA 22:14

Tehu Mikha nataa nae, “No Manetualain fo maso'dak-ka na'de na, neukose au afa'da ka'da hata fo Manetualain nafa'dan neu au!”

BILANGAN 22:38

Bileam nataa nae, “Nah, besak ia, au mai so. Tehu, au ta anuu haak afa'da hata esa boen, te ka'da Manetualain nde nadenu au afa'dan-nana.”

HATAHOLI 20:27

Beita la'iesa fo au alai la'oela au bela-ba'ung boen, soaneu au afa'da mangalele'do emi, Manetualain dale tutu'un lala'ena fa.

1RAJA-RAJA 3:7

Ou Amak, fo au Manetualaing-nga, O so'u au da'di manek nggati au amang, leomae au bei muli-soluk nanseli, ma au ta bubuluk eno na tao leo beek fo au akalala'ok paleta fa.

YEREMIA 7:27

Basa boema Manetualain nafa'da nae, “Hu ndia de, hei Yeremia, leomae o mafa'da basa sila-la neu Au anang-ngala boeo, neukose ala ta taoafik neu o dede'a-kokolam fa. Leomae o maloos boeo, neukose ala ta lataa fa.

YESKIAL 2:7

Manduku-malosak Au hala hehelung lala'en-na neus, su'di ala nau lamanene do ta. Mafandendelek te, hataholi sila-la, malenalanga-masabasook-kala.

AMOS 7:15

Tehu Manetualain naloo au neme au tatao-nono'ing dalek mai, de nadenu au anduku-alosak hala hehelun-na neu hataholi Israel-la.

KELUARAN 6:29

Tehu, Musa nataa nae, “Manetualain, O bubuluk, mae au ta kokolak alelak fa. Masa bole, manek-ka nau namanene au?”

YEREMIA 26:2

Manetualain nafa'da neu au nae, “Mu mapadeik neu Au umang-nga so'dan-na, fo kokolak mo Yehuda laun fo manamai hule-haladoi manai ndia. Manduku-malosak neu sila basa hata fo Au paletak-ka neu o-a, soaneu mafa'dan neu sila. Boso mafa'da kulang esa boen.

YEREMIA 43:1

Manetualain fo Israel Manetualain-na hala haituan-na fo au muse anduku-alosak-kana neu laun-nala ndia, au anduku-alosak la'iesak-kana so.

YUNUS 3:2

Nae, “Muu leo Niniwe, fo kota matua ndia, fo manduku-malosak neu laun-nala, hala heheluk fo Au fen neu o.”