YEREMIA 1:18 - Susula Malalaok Hehelu Palak Ma Hehelu Beuk

^18-19 Mamanene te, neukose nusak ia, laun-nala la'ban o, fo nde Yehuda manen-nala, basa manaho'u paleta-la, basa imam-mala, ma laun-nala. Tehu faik ia, Au fe o be'i-balakaik, soaneu la'ban-nasa. Neukose o da'di sama leo kota fo, nanuu kota musu, sama leo dii besi, ma papala nanadama liti. Neukose ala ta hapu sengi o fa, nana neukose Au o o, ma Au asulu-ahapa o. Au, fo Manetualain nde manakokolak-ka.”

YEREMIA 1:18 Referans Kwoze

YESAYA 50:7

Nana Manetualain tulu-fali au, de au ta nananakamamaek fa. Au tao akatetesak au daleng-nga fo ela nahele; Au bubuluk mae au ta nakamamaek fa.

YEREMIA 15:20

Neukose Au tao o da'di lutu batu mahelek soaneu sila. Neukose ala latee-latati lo o tehu neukose ala ta hapu tao lakala o fa. Neukose Au ook o, ma asulu-ahapa ma soi-tefa ala o.

YEREMIA 6:27

Boema Manetualain nafa'da Yeremia nae, “Fola Au anang-ngala, sama leo o fola liti-a. Palisak matalolole heheo-hihilun-nala!

YEREMIA 37:7

afa'da ae leo ia neu manek Zedekia hataholin nadedenun-na: “Mafa'da neu Zedekia, mae, ‘Soloda'du Masir-rala fo ala bei bela'o mai lo ia mai fo soaneu tulu-fali o, te neukose ala fali fo le'us.

YEREMIA 42:22

Hundia de, mafandendelek leona te: nai nusak fo emi mahiik leo mahele ndia, neukose emi mate nai natee-natatik-ka dalek, ado hukande la'a-ndoes-sa do he'di-laus matuaina.”

YEREMIA 34:3

Neukose o ta mala deak fa, te nanaho'u nak de nanafek leo ndia neu. Neukose o motongo mon de o kokolak matan mon, boema neukose leni o leu Babel.

YEREMIA 21:4

leu lafa'da neu Zedekia lae Manetualain o Israel Manetualain nafa'da nae, “Zedekia, neukose au tao akala o soloda'dun-nala fo ala bei latee-latati la'ban Babel manen no soloda'dun-na. O soloda'dun tee-tafan-nala neukose au tao aodos nai kota tala'da heon.

YOHANIS 1:42

Boema Anderias no Simon leu leo Yesus leu. Yesus mete tetee Simon boema nafa'dan nae, “O Simon, Yona anan. Neukose loke o soona lae, Kefas.” (Kefas sama leo Petrus, fo sosoa na nae, lete batu.)

YEREMIA 38:18

Tehu metema o ta nau sene-do'ok neu fas soona, neukose kota ia ana tu'da lo hataholi Babel-lala liman dale neu. Neukose ala hotuhenis losa basa la'iesak-kana, ma neukose o ta maladeak fa.”

NINITAK 3:12

Hataholi manasengi ka, neukose Au taon da'dileo dii nai Au Manetualai nga Uma Malalaon dale, ma neukose ana leo nai mamanak ndia losa dodo na. Au Manetualaing na'de na ma kota na na'de na, fo nde Yerusalem Beu ka, neukose kona neme nusa so'da ka neme Au Manetualaing mai, fo neukose Au sula kana neu hataholi ndia aoina na. Au na'de beu nga boeo, neukose Au sula kana neu aoina na!”

YEREMIA 1:17

Yeremia, maheheleaom leona! Muu leona, fo manduku-malosak neus, basa hata fo Au paletan neu o. Boso bii-mamata'u neus, fo ela Au boso tao-ala o boetai bii-mamata'u seluk, metema o masasalematak moos.

YEREMIA 15:10

Tete'ek-ka au ia ua-nale tak! Sosoak hata au inang bongi au? Au muse alea-apilik ma asipo bafak neu hataholi manai nusak ia. Leomae au beita akatotonok ita do tona-nggange fa, tehu basa hataholi supa-soo au.

YEREMIA 26:24

Tehu besak ia, Ahikam fo Safan anan-na baba'e-papala tutulu-fafalin de, au, Yeremia, ta nanafek lo laun-nala leu fo soaneu tao lisa au fa.

YEREMIA 20:11

Tehu O, ou Manetualain, O mook au; O be'im-ma nanseli ma nakalenak balakai ina. Sila fo manausil-la ma manatuni-ndeni au, neukose ala tu'u leu de be'i-balakai taak-kala. Neukose ala mae losa dodoon-na, sila dudu'a-dodoo manada'di taak-kala beno'u. Sila nakamumulu-nakamamaen ndia neukose nananafandele nahelek tatas esa.