YAKOBIS 2:25 - Susula Malalaok Hehelu Palak Ma Hehelu Beuk

²⁵ Boema mete mitak Rahab fo ina mana sosoa-piaok ndia. Manetualain sipo kana no malole, nana tatao-nono'in ndek lelek fo, nafuni hataholi Israe la mata-mata nala neme uman dale, boema ana tulu-falis, de ana fes lalai fali tunga eno fe'ek.

YAKOBIS 2:25 Referans Kwoze

IBRANI 11:31

Hu ka nde namahehele ka boe, de Rahab fo ina manasosoa-piaok ndia, ala ta taolisan sama-sama no hataholi mana la'ban Manetualai na fa, nana ana sipok Israel mata-mata nala no mangana'uk.

YOSUA 2:15

Hu kande ala tao Rahab uman-na nai kota papala nanadaman-na, de Rahab nakona hataholi ka duak sila nenik tali, tunga jendela leo deak neu.

YOSUA 2:4

Boema Rahab nataa nae, “Memak, hataholi mai leo au umang mai, tehu au ta bubuluk leme bee mai fa. Na'kasa ala la'o so, nai lelek le'do-a mulai tenak, fo ndia te, beita kena kota lelesuinan-na fa. Ma au ta atanes, ala leo bee leu fa, tehu emi usis no lai-laik soona, fafa'kama bei hapus.” (Te se'kona, Rahab nafuni basa hataholi manamakuk ka duak sila-la, nai uma hunuk lain, nai ha'deaik bubuak esa dalek so.)

YOSUA 6:17

Basa kota no oe-isin lala'en-na, muse tao nakalulutuk la'iesak-kasa, fo da'di leo tutunu-hohotuk soaneu Manetualain. Ka'da Rahab, fo ina manasosoa-piaok ndia, no teidalen-nala mesak-kasa, bole fes laso'da, nanahu ana tulu-fali ita mata-matan-nala so.

YOSUA 2:1

Basa boema, Yosua nadenu hataholi manamakuk dua leme Sitim leo Kanaan leu. Hataholi ka duak sila-la hapu paleta, fo leu palisak matalolole nusa Kanaan-na, no nafufunik fo makasososan-na leu leo kota Yerikho leu. Boema leu leo kota ndia leu, de ala sungu leme ina manasosoa-piaok esa na'de Rahab, uman.

MATEOS 21:31

Na, neme ni'iana kaduak sila la mai a, see ka nde tao tunga, aman hihii-nanaun?” Malanga ima mala ma lasi-lasi Yahudi la lataa lae, “Ana ulu ka”. Boema Yesus nafa'das nae, “Mamahele, te neukose Mana susu bea la, ma ina mana sosoa piao kala, ala da'di Manetualain hataholi kamahehele nala, lakahuluk leme emi mai.

YAKOBIS 2:22

Ita titan no mangale'dok, nai dede'ak ia dalek nae, namahehele ka muse no tatao-nono'i ka soona, besa ka natetu-nandaa.

YAKOBIS 2:18

Fafakama nggelok lafa'da lae, “Hapu hataholi nggelok lamahena neu namahehele na, ma nggelok lamahena neu tatao-nono'in”. Soona, neukose au ataa ae, “Matu'du au, tao leo bee fo hataholi a nanuu namahelek, tehu tatao-nono'in fe'ek, boema au atu'dun nai au tatao-nono'ing dalek ae, au anuu namahehelek.”

YOSUA 2:16

Rahab nafa'das nae, “Meu leo nggolo letelepak-ka meu, fo ela manek-ka nadenu hataholi-la, boso ho'u-la emi. Ke'ke meme ndia, faik telu dalen-na, fo ala fali le'us soona, besak-ka la'ok makandoo emi leleo-lala'om.”

HATAHOLI 17:7

de Yason nde sipo kasa nai ndia uman. Da'di sila basa-basas la'olena Kesel Roma nakeketu nala, nana lafa'da lae, bei hapu seluk mane fe'ek esa na'de Yesus.”

YAKOBIS 2:24

Besak ia, dede'a ka mangale'dok nae; Manetualain sipok hataholi a no malole, nana hataholi ndia tatao-nono'in boe, te ta ka'da namahehele na mesa kana fa.