ULANGAN 9:21 - Susula Malalaok Hehelu Palak Ma Hehelu Beuk

²¹ Au tapa heni, emi taom-ma, sapi liti nanadoki-dulak-ka, leo ha'i dale neu. Boema, au tao akalulutuk-kana, ma au paun losa lutu-lutu sama leo afu-ka, boema au tapa heni afu ndia leo leeanak dale neu; lee anak ndia, ana faa neme letek ndia huun-na mai.

ULANGAN 9:21 Referans Kwoze

KELUARAN 32:20

Basa boema, ana ho'in-na hataholi Israel-la tao-la sapi nanadoki-dulak ndia de ana hotun, boema ana ha'bo nan lutu-lutu sama leo daesopuk, boema ana nggalin leo oe lain neu. Basa boema, nadenu hataholi Israel-la linun.

YESAYA 31:7

Neukose fain-na losa, soaneu emi tu'u-tapaheni, dodoki-dudula sosongo-tatangok fo nanataok neme lilofulak ma lilopilas, fo emi tao aom, fo henuk no sala-singok-ka.

HOSEA 8:11

Hataholi Israel-la, boetai lafofo'a mei tunu-hotuk ba'uk-ka, soaneu lose heni sala-singok-ka, tehu boetai hapu mamanak ba'uk-ka, soaneu tao sala-singok!

YESAYA 30:22

Emi dodoki-dudula sosongo-tatangom fo, nananakadiditak nenik lilofulak ma lilopilas-sa, neukose emi tapahenis, sama leo manggenggeok-ka, boema emi mafa'da mae, “La'oela au leona!”

ULANGAN 9:20

Manetualain boeo, namanasa nanseli neu Harun, nalosa Ana nau taonisan, boema au hule-haladoi fen boe.

MIKHA 1:7

Neukose Au akalulutuk dodoki-dudula kabeli inan-nala, ma neukose Au hotu heni basa ala fe bua-lo'as neu ina-inak fo lalalau-laoono nai uma sosongok-ka, boema neukose Au tao amopo-amate sosongo-tatangon lala'en-na. Bua-lo'as sila-la nde been-na, buna-baok neme sila huhule-haladoin neu lamatua daebafak fo manafe dae-oe naisi-namina. Besak ia, neukose musu ho'i neni basa sila-la, fo loke makasi neu sila lamatua daebafan-nala.”

1RAJA-RAJA 15:13

Ana kaluaheni bein Maakha, neme nangatutuun-na, nana ana tao doki-dula sosongo-tatango manasosoa-piaok soaneu Asyera, lamatua daebafa inak fo manafe bubu'u-palusa lalole. Asa tao nakalulutuk sosongo-tatangok ndia de ana hotuhenin neme Bafak Kidron-na.

2TAWARIKH 34:7

Yosia tao nakalulutuk mei tunu-hotuk-kala ma lamatua daebafa Inak Asyera dodoki-dudulan nai basa Nusak Kii lala'en-na, ma ana tao nakalulutuk basa mei tunu-hotu boomenik-kala. Basa boema Yosia fali ne'un leo Yerusalem neu.