ULANGAN 8:15 - Susula Malalaok Hehelu Palak Ma Hehelu Beuk

¹⁵ Manetualain nauli-nalanga emi, tunga moo solokaek maloaina, fo neni bibii-namata'uk, ma henuk no menge makaak-ka ma kulak-kala ndia. Nai dae ma'dak, fo oe ta nai ndia fa, Ana fe oe-a faa neme batu dale mai, fo ela emi hapu minu losa emi makabete.

ULANGAN 8:15 Referans Kwoze

BILANGAN 21:6

Boema Manetualain menge malasok-kala, leu leo leoina ndia tala'da heon leu. Menge sila-la, kaa lisa hataholi Israel makadotok.

BILANGAN 20:11

Boema, Musa so'uk ai tete'ek ndia leo lain neu, de ana fepan la'i dua, neu pupuku batu ndia. Boema oe-a nasapoka mai, nalosa basa hataholi-la loo bana-manun-nala hapu linu.

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

MAZMUR 114:8

fo manatao nasafali batu piak-ka, da'di lifu, ma lete batu, da'di oemata.

ULANGAN 1:19

“Boema, nandaa no ita Manetualain paletan-na, de ita la'oela Letek Sinai-a, boema ita la'ok tunga moo solokaek maloina, ma henuk no bibii-namata'uk-ka, ita teu leo hataholi Amori-la dae letelepan-na teu. Nai lelek ita losa Kades-Barnea boema,

HOSEA 13:5

Au nde anea emi nai dae tokotiik manai moo solokaek-ka.

1 KORINTUS 10:4

ma linu nininu salanik matak esa. Basa-basas linu neme lete batu salanik fo sama-sama no sala; lete batu ndia nde Kristus mesa kana.

YESAYA 35:7

Solokae mato'bik-ka, neukose ana da'di lifu, dae tuuk-ka, ana da'di oemata. Mamanak fo makahulun-na, busa fuik-ka leok-ka, neukose fii ma henak-ka, moli lan.

MAZMUR 136:16

Ana nauli-nalanga anan-nala, tunga moo solokaek-ka; susue-lalain manaketu-basa tak, losa dodoon-na.

MAZMUR 105:41

Ana fa'a ba'e batu-a, boema oe-a faa mai, de ana faa sama leo lee nai moo solokaek-ka.

ULANGAN 32:13

Ana fes koasa letek-kala; ala la'a tina-la buna-boan ma linu fanioe neme pupuku batu mai. Ala hapu mina neme ai setun fo ala moli nai dae mabatuk-kala.

YESAYA 30:6

Manetualain hala hehelun-na leo iak, la'eneu basa bana fo manaleo dae kona, “Basa hataholi nadedenuk-kala fua sila keledein ma ontan-nala nenik bua palsen, boema ala la'ok tunga mamanak fo henuk no soe, ma singa, menge malasok, ma buta mali'dak-ka mamana leleon-na. Ala tunu-hotu bua palsen sila-la, neu leoina esa, fo ana ta hapu tulu-fali sila fa.

YESAYA 43:19

Taoafik leona, te Au tao hata beuk esa; besak ia, ana mulai so, ade o ta mita fan do? Neukose, Au tao enok nai moo solokaek-ka, ma lee-la, lai moo maloa.