Biblia Todo Logo
Bib sou entènèt

- Piblisite -




ULANGAN 7:1 - Susula Malalaok Hehelu Palak Ma Hehelu Beuk

1 “Neukose emi Manetualaim-ma no emi leo nusak fo, neukose emi leon-nana, ma neukose, Ana usi heni leoina makadotok-kala, leme nusak ndia dalek mai. Neukose, Ana usi heni leoina hitu, leme emi matam-ma mai, fo leoina sila-la, aon-nala ba'u lena emi, ma balakain-nala, lena heni emi boe, fo hataholi sila-la nde hataholi Het, Girgasi, Amori, Kanaan, Feris, Hewi ma Yebus.

Gade chapit la Kopi




ULANGAN 7:1
35 Referans Kwoze  

Neukose, emi Manetualaim-ma, nde la'ok nai emi matam-ma, fo Ana tao namate-namopo leoina manaleo manai sila-la, nalosa emi mangatuu-ma emi nusam-ma. Neukose, Yosua da'di emi mauli-malangam, sama leo Manetualain nafa'dak-ka.


Ana tao nakalulutuk leoina hitu neme nusa Kanaa na, de Ana baba'e nusak ndia neu leoina Israe la, fo daenga nusak ndia ana da'di sila pusakan.


Leoina fo matua ba'u lena, ma be'i-balakain lena neme emi mai, Ana usi henis leme emi matam-ma mai, soaneu noo emi leo sila nusan fo Ana fen leo emi neu, fo nde nusak fo besak ia ana da'di emi nusam so.


“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.


“Tolano-tolanoong-ngala lemin, mamanene te! Faik ia, emi lena Lee Yarden-na, fo meu mangatuu-ma leoina fo ba'u lena em ma balakain-na lena heni emi ndia, daen-na. Sila kotan-nala matuaina mesa-mesan, ma papala nanadaman-nala mademaina-la losa lalai.


Emi boso dudu'a-dodoo nai emi dalem dale mae, metema emi Manetualaim-ma usihenis leme emi matam-ma mai, hu kande emi tatao-nono'i malolem-ma, ma lilineka neu Manetualain no emi masok fo mangatuu-ma, nusak ndia, ta se'kona hu kande leoina ndia, tatao-nono'i mangalaun-na, de emi Manetualaim-ma usihenis leme emi matam mai, ma Manetualain soi poi emi ho'i ma daen-nala hu kande nau tao natetu hala hehelun-na, no emi bei-ba'i kaim-mala fo nde, Abraham, Isak ma Yakob.


Neukose Au adenu ata nusa so'dak esa hela-nole emi. Neukose Au usiheni leoina Kanaan, Amori, Het, Feris, Hewi ma Yebus.


Ana usi heni laun manai sila-la, nai anan-nala matan, boema Ana baba'e dae ndia, neu basa anan-nala, fo leo Israel-la, nalosa ala leo musu-a lalaa teman-nala.


Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,


Emi Manetualaim-ma, no basa emi masok leo nusak fo, neukose emi leo nai dalek ndia neu soona, emi muse kokolak baba'e-papalak ndia, neme Letek Gerizim-ma poin-na mai, ma emi muse kokolak soo-supak ndia, neme Letek Ebal-la poin-na mai. (


Ana soi-po'i ita teme Masir mai, fo no ita leo ia mai, de Ana fe ita dae ia, sama leo Ana helu basan neu ita bei-ba'i kain-nala.


ma neukose emi usiheni emi musum-mala, sama leo Manetualain hala hehelun-na.


“Emi Manetualaim-ma, naheluk no emi bei-ba'i kaim Abraham, Isak ma Yakob, nae neukose, Ana fe nusak ndia leo emi neu. Kota-kota-nala matuaina, ma tetu-temak mesa-mesan, tehu emi ta nde mapadedeik kota sila-la fa.


“Emi Manetualaim-ma, nadenu au fo, au anoli emi basa hoholo-lalanek ia'la, fo ela emi tao-no'in nai nusak fo, ta dook-ka so'on te, emi leon ndia.


Emi mafa'da basa, mae neukose emi anam-mala nanafook. Tehu sila nde, neukose Au os leo nusak fo, emi ta sipok-kana ndia fa, de neukose nusak ndia, ana da'di sila dae-oen.


No O matua-mademam fo matuainam-ma O tao mamopo-mamate basa hataholi fo manala'ban O-a. O nasa-melum lua ponu-ponu sama leo ha'i-a, de ana hotu henis sama leo ha'deaik-ka.


Musa nanduku-nalosak basa Manetualain hala hehelun ndia neu leoina Israel-la, tehu ala ta taoafik neu Musa fa, nanahu tuni-ndenik fo ta nanuu susue-lalaik ndia, taon-nalas ketu namahehenan-nala so.


Neukose, Au tao-a emi musum-mala lalai kii-konak ma Au usi heni leoina Hewi, Kanaan ma Het neme emi matam-ma mai, fo ela emi hapu tutulumatak.


Boso po'ilotak hataholi sila-la leo nai emi nusam dale, fo ela emi boso sene-do'ok neu sila-lamatua daebafan-nala, fo emi masala-masingo neu Au. Metema, emi sene-do'ok neu sila lamatua daebafan-nala soona, emi tu'da leo mamates-sa hihi'in dale meu.”


nakanenetek la'eneu pulu po'ok manasii dapa-dapak-ka la'e uma. Pake nakanenetek sila-la, nai lelek leoina Israel-la masok leo Kanaan, nusak fo Manetualain fen neu sila.


Tehu metema, kota sila-la, nai emi Manetualaim-ma fe emi nusak-ka dalek soona, emi muse taomisa la'iesak laun-nala.


Mahani te, metema emi tutulumatak soona, tao leo bee-o, Manetualain usi heni hataholi Kanaan, Het, Hewi, Feris, Girgasi, Amori ma Yebus-sala. Ma nai lelek Manetualain fo nakadada'dik lalai ma daebafak-ka, Peti Hehelu-balatan lena Yarden-na, nakahuluk neme emi mai soona, neukose emi mita Manetualain fo maso'dak-ka, nai emi tala'da heom.


Boeo, nadenu hataholi neu leo hataholi Kanaan-nala, nai boboak muli ma Yarden boboan dulu, neu hataholi Amori, Het, Feris, ma hataholi Yebus-sala, lai nggolo letelepak-kala, boema hataholi Hewi-la lai Lete Hermon-na huun-na, nai nusa Mizpa.


Basa boema, emi lena Lee Yarden-na, de emi losa Yerikho. Hataholi Yerikho-la lata'ti loo emi, leondiak boe, hataholi Amori, hataholi Feris, Kanaan, Het, Girgasi, Hewi ma hataholi Yebus-sala. Tehu Au fe emi sengi la'iesak-kasa.


So'da masala-masingo ka beita dai ba'eneu fan, sama leo Mane Yerobeam-ma, lena-lenak ana saon-na Izebel, fo Mane Etbaal la neme Sidon mai, anafe'on-na, de ana sene-do'ok neu Baal-la.


Nai tepo-lelek ndia, au ita hataholi Yahudi ba'uk-ka, ala sao inak-kala leme leoina Asdod, Amon ma Moab mai boe.


Boso tao hehelu-balataak moo hataholi sila-la, do sila lamatua daebafan-nala, fo ela emi boso masala-masingo neu Au.


Hataholi Amalek-kala, leo nai nusak ndia, boboan kona; hataholi Het, Yebus ma Amori-la, leo nai nggolok mapupukuk-kala; hataholi Kanaan-nala, leo nai nggolo tasi su'uk-kala, ma nai ndolo-ndolo Lee Yarden-na, su'un-na.”


Tehu besak ia, neukose emi mita matam, tao leo beek de, emi Manetualaim-ma, Ana la'ok nai emi uluk, sama leo ha'i manatao maputuk-ka. Neukose, Ana sengi hataholi sila-la, nai emi matam, nalosa no lai-laik, emi bisa usihenis ma emi tao mamate-mamopos, sama leo Manetualain helu basak-ka so.


Kanaan nde been-na hataholi Yebusi, Amori, Girgasi,


Basa leoina Kanaan-na tititi-nonosin fo hataholi Israel-la ta hapu taolisa fas nai lelek langatuu-la nusak ndia, Salomo fo'a la'iesak-kasa soaneu da'di kuli. Hataholi sila nde hataholi Het, Amori, Feris, Hewi ma Yebus-ala. Losa besak ia, hataholi sila-la tititi-nonosin-nala bei da'di ata.


Tao basa hata sila-la lala'en-na boema, leoina lasi Israel de'ubee, ala mai leo au mai. Lafa'da lae laun Israel-la, fo basa imam-mala lai dalek boe, ma hataholi Lewi-la, ala leo lakabubua loo leoina manaleo lai titia-tatain sila la, fo nde leoina Amon, Moab, Masir, Kanaan, Het, Feris, Yebus, ma Amori. Nakalenak, basa imam-mala, ma hataholi Lewi-la, ala tao leondiak boe. Sila basa-basas tao tatao-nono'i manggengeok, fo leoina sila-la tao-no'ik-ka.


Swiv nou:

Piblisite


Piblisite