ULANGAN 6:7 - Susula Malalaok Hehelu Palak Ma Hehelu Beuk

⁷ Manoli paleta sila-la neu emi anam-mala. Ela leo been-na, emi kokolak paleta sila-la, nai uma dale, ma nai emi nono hataholim-ma tala'da, nai lelek emi hahaeaom, ma nai lelek emi maue-male'di.

ULANGAN 6:7 Referans Kwoze

ULANGAN 11:19

Manoli paleta sila-la, neu emi anam-mala. Kokolak moos, nai lelek emi nai uma dale, do emi nai emi leleo-lala'om-ma dalek, do nai lelek emi nai ue-le'dis dale, do nai lelek emi hahaeaom-mala.

EFESUS 6:4

Tolano-tolanook fo manda'di ama kala lemin! Boso tao lupa-lupa kala mo ana mala, nalosa lamanasa. Dede'a nasafali na nae, tao mamatua dale nala no malole na, ma manolis Lamatua ka nanoli-nafa'dan.

1 PETRUS 3:15

Tehu nai emi dalem dale, ela leo bee na emi fe Kristus ha'da-holomata hehelik fo nandaa no nangatutuu na da'dileo Lamatua ka. Ma ela leo bee na emi mahehele aom tataas esa, soaneu emi fe natataak neu hataholi see fo natane, la'eneu emi namahehena ma.

ULANGAN 6:2

Ela leo been-na, emi ma emi tititi-nonosim-mala, nai emi fai maso'dam-ma dalek, fe ha'da-holomata neu emi Manetualaim-ma, ma tunga basa au fe emi hoholo-lalanan-nala, fo ela emi hapu fai nalu-le'do loak nai nusak ndia.

EFESUS 4:29

Metema emi kokolak soona, boso kokolak dede'a manggenggeok. Pake ka'da dede'a-kokolak fo nini nanoli-nafa'dak fe hataholi fe'ek. Dede'a-kokolak leondia ka, neukose nini malole fe hataholi mana mamanene nana.

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

AMSAL 6:22

Sila nanolin-nala neukose, le'a-nole emi nai emi leleo-lala'om-mala dalek, lanea emi nai fai susungum-ma, ma ana fe natutu'duk neu emi nai lelek emi fo'a.

LUKAS 6:45

Hataholi malole a, ana tao-no'i dede'a malole, nanahu dale na henuk no dede'a malole. Hataholi mangalau ka, ana tao-no'i dede'a mangalauk, nanahu dale na henuk no mangalau ka. Nana hata fo bafa na kokola kana, ndia nde kalua neme dalen dale mai.”

MATEOS 12:35

Hataholi malole a, ana kokolak dede'a malole, nanahu dale na henuk no malole a. Nasafali na, hataholi mangalau ka, ana kokolak dede'a mangalauk, nanahu dale na henuk no mangalau ka.

KOLOSE 4:6

Ela leo bee na, dede'a-kokolak fo emi kokola kana, muse nini nanahokok fe hataholi, ma hataholi hii namanenen tataas esa. Ela leo bee na emi bubuluk, tao tao leo beek fo, emi muse mataa hataholi a natatane nala.

AMSAL 15:7

Hataholi manatee-tenok-ka dede'a-kokolan, henuk no malelak, tehu hataholi nggoak-ka dudu'a-aafin, ta leondiak fa.

AMSAL 10:21

Hataholi malole-a dede'a-kokolan, nalupa baba'e-papalak ba'eneu hataholi makadotok; hataholi nggoak-ka, nggoan-na taonisa seluk aoinan-na.

MALEAKHI 3:16

Boema hataholi manabii-lamata'u neu Manetualain esa kokolak no esa. Manetualain namanene ma taoafik neu hata fo hataholi sila lafa'dak-ka. Basa hataholi manafe ha'da-holomata, ma manabii-namata'u neun-na, na'den-na nanasulak nai susulak esa dalek, nai matan-na.

AMSAL 15:2

Hataholi manatee-tenok-ka maan-na, kalua malelak; tehu hataholi dudu'a-aafi taak-ka, bafan-na kalua dede'a-kokola nggoak.

MAZMUR 129:8

Hataholi manala'ok tunga ndia, neukose lafa'da lae, “Ela leo bee-na, Manetualain fe o baba'e-papalak, ma ami fe o baba'e-papalak, nai Manetualain na'den-na dalek.”

MAZMUR 119:46

Neukose au tui-benga O nakanenetem-mala neu mane-manek-kala, de neukose au ta hapu mamaek fa.

RUT SUSULAN-NA 4:11

Boema lasi nggolok-kala ma hataholi manai sila-la lae, “Hei, ami sakasii. Sa'di leo been-na, Manetualain tao o saoinam ndia da'di sama leo Rahel ma Lea fo manabongi fe Yakob anak makadotok-ka. Sa'di leo been-na, o mamasu'i nai leo Efrata hataholin-nala tala'da, ma sa'di leo been-na, o nananita-nalelak nai Betlehem.

MAZMUR 37:30

Hataholi malole-a, hala-kokolan manatee-tenok, ana kokolak ndoos tataas esa, nai hala-kokolan-na dalek.

RUT SUSULAN-NA 2:12

Sa'di leo been-na, Manetualain balas basa o dale malolem lala'en-na. Sa'di leo been-na, o sipo hata fo nandaa Israel Manetualain-na Ana fen neu o, nanahu o mai fo masulu-mahapa neun!”

RUT SUSULAN-NA 2:4

Dodoo boema, Boas neme Betlehem mai, de nate'a manaketu-kolu-la nae, “Sa'di leo been-na, Manetualain no emi.” Boema, manaketu-kolu-la lataa lae, “Sa'di leo been-na, Manetualain ba'e-pala Ama.”

MAZMUR 71:17

Ou Manetualain, O manoli au neme tepo lelek au muli-solung-nga, losa besak ia, au tui O tatao-nono'im fo, manada'di beuk-ka.

YESAYA 38:19

Ka'da hataholi maso'dak-ka, ana koa-kio O, sama leo au tao-no'in nai faik ia. Ina-amak tui anan-na O lilinekam ba'un-na seli, ou Manetualain.

AYUB 8:10

Mamanene makahuluk, hataholi malelak ma manatee-tenok sila-la, dede'a-kokolan dei, ala fe o nanolik-ka nde ia nae,

MAZMUR 119:13

Au po'a-benga apane'e basa hoholo-lalanek fo, O fe kala.