ULANGAN 6:13 - Susula Malalaok Hehelu Palak Ma Hehelu Beuk

¹³ Fe ha'da-holomata neu emi Manetualaim-ma, makaluku-makatele ka'da neu Ndia mesak-kana, boema metema emi soo soona, soo menik ka'da na'den-na mesak-kana.

ULANGAN 6:13 Referans Kwoze

LUKAS 4:8

Boema Yesus nataa nae, “Nai Susula Malalaok dale nanasulak nae, ‘Sene-do'ok neu o Lamatuam Manetualain, ma ka'da malalau-maoonon.’ ”

MATEOS 4:10

Boema Yesus nataa nitu nae, “Hei mana dudungu-papau ko nei! O la'o leona. Te nai Susula Malalok dale nanasulak nae, Makaluku-makatele neu Lamatuak fo o Manetualai ma, ma malalau-maoonon!”

ULANGAN 10:20

Fe ha'da-holomata neu emi Manetualaim-ma, ma makaluku-makatele neu ka'da Ndia mesak-kana. Ela leo been-na, emi lilineka mahele neun, ma emi soo-supa menik ka'da Ndia na'den-na mesak-kana.

ULANGAN 13:4

Hataholi matak leondiak-ka, muse hukunisan, nanahu ana nau taon-na emi, matofa-matalak meme enok fo, emi Manetualaim-ma paletan neu emi. Hataholi ndia nde been-na, hataholi mangalauk, nanahu ana nadenu emi, lena-la'ban emi Manetualaim-ma fo, manasoi-po'i emi meme Masir mai, mamanak fo emi da'di ata. Da'di, muse tao nisa hataholi ndia, fo ela mopo tatao-nono'i mangalauk ndia. Tehu, ela leo been-na, emi tunga emi Manetualaim-ma, ma fe ha'da-hoholomata neun; tungan ma tao-no'i basa paletan-nala lala'en-na. Lilineka mahele, ma mamahele neun.

IMAMAT 19:12

Metema emi dodoon-nana, emi ta tao matetu hala heheluk ndia fa soona, boso maheluk pake Au na'deng-nga, nana no enok ndia, emi makadadaek Au na'deng-nga. Au nde emi Manetualain.

YEREMIA 12:16

Metetma ala sipok Au anang-ngala so'da salanin-nala no dale katematu, ma ala nau soo-supa no lafa'da lae, ‘Manetualain fo so'dak-ka,’ – samaleo makahulun-na ala lanoli Au anang-ngala soo-supak neu Baal-la – soona neukose sila da'di Au anang ma so'dan-nala latetu.

YESAYA 65:16

Basa hataholi mananoke baba'e-papalak manai nusak ndia, neukose noke Manetualain fo, manalilinekak-ka, fen baba'e-papalak. Basa hataholi fo, ala nau soo-supa, neukose ala soo-supa lenik Manetualain fo, manalilinekak-ka, na'den-na. Nana makahulun-na doidosok-ka, mopon de nananafandele henik so.”

YESAYA 45:23

Au helu basa so, de Au hehelung-nga, neukose ta hela falik-kana fa; Au soo inik Au na'deng-nga: Basa hataholi-la, neukose ala senek nai Au matang, ma laheluk nai sila dede'an-na dalek, soaneu lilineka neu Au.

MAZMUR 63:11

Neukose mates lai natee-natatik dale, fo ala da'di bana makaa-makisuk-kala nana'an.

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

YEREMIA 4:2

Metema soo menik Au na'deng-nga, ma emi maso'da tunga ndoon-na, ndoos ma matetuk, soona basa leoina lala'en-na, neukose loke Au, fo ela Au fes baba'e-papalak, fo neukose ala koa-kio Au.”

YOSUA 2:12

Au amahena, emi nau soo-supa menik na'den-na, mae neukose emi ta tao mangalauk, neu au teidaleng-ngala fa, sama leo au ta tao mangalauk neu emi fa. Maheluk mae, neukose emi ta taomisa au ina-amang, au tolanoong-ngala loo sila teidalen-nala lala'en-na, tehu neukose emi masulu-mahapas. Hu ndia de, fe ta'du-tana esa, fo da'di bua pepe'dak nae, au bisa amahele emi!”

MAZMUR 15:4

fo mana makadadaek hataholi fo, Manetualain ta sipok-kana fa, tehu ana fe ha'da-holomata neu hataholi fo, manatunga Manetualain hihii-nanaun; fo manatao natetu, hala hehelu-balataan, leomae tutu'dak-ka nai ndia boe,

ULANGAN 6:2

Ela leo been-na, emi ma emi tititi-nonosim-mala, nai emi fai maso'dam-ma dalek, fe ha'da-holomata neu emi Manetualaim-ma, ma tunga basa au fe emi hoholo-lalanan-nala, fo ela emi hapu fai nalu-le'do loak nai nusak ndia.

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!

YEREMIA 5:7

Manetualain nafa'da nae, “Tao le'e de, Au muse fe do'o do ampon neu Au anang-ngala sala-singon? Ala la'o ela Au so, de ala sene-do'ok neu lamatua daebafak fe'ek. Au fes nana'ak, de la'a losa lakabete, tehu ala hohonge, ma nasi'a leu leo ina manasosoa-piaok-kala leu.

YEREMIA 5:2

Emi mafa'da mae emi sene-do'ok neu Manetualain, te se'kona emi dale dodoom-ma, ta leondiak fa.

MATEOS 5:33

“Emi bubuluk basa, ita bei-ba'i kai nala nanoli nala nae leo ia: boso malelesi hala hehelu ka. Hu ndia de metema o helu basa hata esa no sosoo-susupak nai Manetualain matan, soona o muse tao matetun.

KELUARAN 20:7

Boso seseik Au na'deng-nga no sosoa-ndandaa tak, nana Au, fo emi Manetualain-na, huku su'di see fo ana pake sala Au na'deng-nga.

KELUARAN 23:25

Metema, emi sene-do'ok neu Au, Manetualain fo emi Manetualaim-ma soona, neukose Au ba'e-pala emi nenik nana'ak ma nininuk, ma neukose Au tao adook basa he'di-laus lala'en-na neme emi mai.

ULANGAN 5:11

Boso seseik Au na'deng-nga no sosoa-ndandaa tak, nana Au fo emi Manetualaim-ma, huku su'di see fo ana seseik Au na'deng-nga no sosoa-ndandaa tak.

YOSUA 23:7

No enok ndia, neukose emi ta sese'do-babalik moo leoina fo ala bei leo lai emi tala'da fa. Neukose, emi ta seseik sila lamatua daebafan-nala na'den-na, do soo-supa menik na'dek ndia fa. Boeo emi ta hule-haladoi do sene-do'ok neu lamatua daebafak sila fa.

SEMUEL SUSULAK-KA ESAN-NA 7:3

Boema, Semuel nafa'da hataholi Israel-lala nae, “Metema, emi sanga fali leo Manetualain meu, fo sene-do'ok-kana no dalek-katematuak soona, emi muse tu'u-tapa heni basa nusa dea-la lamatua daebafan-na, ma lamatua daebafak inak Asytoret-ta dodoki-dudulan. Fe la'iesak emi aoinam-ma neu Manetualain ma ka'da sene-do'ok neun soona, neukose Ana soi-po'i emi neme hataholi Filistin-nala mai.”

SEMUEL SUSULAK-KA ESAN-NA 20:3

Boema, Dauk nataa nae, “O amam bubuluk besa-besa nae o sue-lai au. Da'di, tao leo bee-o, ana ta nau nafa'da dede'ak ndia neu o fa, fo ela o dalem-ma boso he'dis-sa. Tao leo beek boeo, no Manetualain fo maso'dak-ka na'den-na, te'e-te'e au so'dang-nga, sama leo manutolo nai kapa susula pe'dan-na!”

2RAJA-RAJA 17:36

Fe ha'da-holomata neu Au, Manetualain fo no basa emi, kalua neme Masir mai, nenik koasa matuaina; sene-do'ok neu Au, ma tunu-hotu tutunu-hohotuk fe Au.

YESAYA 48:1

Mamanene leon, hai Yakob tititi-nonosin, Yehuda tititi-nonosin fo, manapake Israel na'den-na, o mafa'da mae, o manaku Israel Manetualain-na, ma o soo menik Manetualain na'den-na. Tehu, o hala-kokolam sila-la, ta neme o dale ndoom-ma mai fa.

KEJADIAN 24:3

Fo soo-supa menik Amak, Manetualain, fo manakoasa lalai ma daebafak-ka, mae neukose o ta sanga fe au anang Isak, saoinak nai basa hataholi manai dae Kanaan ia-la fa.

YOSUA 24:14

Yosua kokolak nakandoo nae, “Da'di, besak ia, fe ha'da-holomata neu Manetualain. Mamahele neun no dalek-katematuak ma no lilinekak. Si'u heni basa lamatua daebafak, fo makahulun-na, emi bei-ba'i kaim-mala sene-do'ok-kasa neme Mesopotamia ma Masir. Ka'da mamahele neu Manetualain.