ULANGAN 5:15 - Susula Malalaok Hehelu Palak Ma Hehelu Beuk

¹⁵ Mafandendelek te, makahulun-na emi da'di ata neme Masir, boema emi Manetualaim-ma soi-po'i emi, nenik be'i-balakai matuainan-na. Hu ndia de, au paleta emi fo tao malalao-malalafu fai Sabat-ta.

ULANGAN 5:15 Referans Kwoze

ULANGAN 5:6

‘Au nde emi Manetualaim-ma, fo mananoo emi kalua meme Masir, fo mamanak emi da'di ata.

ULANGAN 15:15

Mafandendelek te, makahulun-na emi da'di ata neme Masir boe, boema emi Manetualaim-ma, Ana soi-po'i emi; hu ndia de, au fe emi paleta ndia.

ULANGAN 16:12

Tinga basa paletan-nala, no dalek-katematuak, ma mafandendelek te, makahulun-na, emi da'di ata neme Masir so.”

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

MAZMUR 116:16

Ou Manetualain, O atam au ia, au boeo fe ha'da-holomata neu O, sama leo au inang. O soi-po'i au neme bui dale mai so.

KEJADIAN 15:13

Manetualain nafa'dan nae, “Mafandendelek, te neukose o tititi-nonosim da'di hataholi manamai, nai nusa fe'ek; neukose ala da'di ata nai ndia, ma neukose nanatuni-ndenik teuk natun haa dalen-na.

KEJADIAN 19:16

Lot dalen-na naba'e. Tehu Manetualain kasian seluk-kana; hu ndia de, fui ka dua-nala, lalala'o Lot no saon-na, boema anan duas, fo ala kalua leme kota ndia mai.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

KELUARAN 20:11

Nai faik nee dalen-na, Au, fo Manetualain, akadada'dik daebafak-ka, lalai-a, tasi-a no basa oe-isin lala'en-na, tehu neu fai ka hitun-na, Au hahaeaong. Hu ndia de, Au, fo Manetualain ba'e-pala fai Sabat-ta ma Au tao alalao-alalafun.

MAZMUR 136:12

no lima mabe'i-balakain ma makadelen-na; susue-lalain manaketu-basa tak, losa dodoon-na.

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:16

Ha'da-tataok ndia, ana da'di nasanene'dak esa ba'eneu ita, sama leo ta'du esa nanapa'ak nai ita liman-na, do nai ita dedein-na. No enok ndia, neukose ana fe ita nasanene'dak tataas esa, nae Manetualain kalua heni ita teme Masir mai, nenik koasa matuainan-na so.”

ULANGAN 9:12

Boema, Manetualain nafa'da au nae, ‘Kona lai-lai leona, nana o leoinam fo o moos kalua leme Masir mai-a, ala tao tatao-nono'i mangalauk so. Ala ta tunga Au paletang-ngala so'on, de ala tao dodoki-dudulak fo, ala sene-do'ok neun.’

ULANGAN 26:8

Boema, no O koasam-ma, ma O be'i-balakai matuainam-ma, de O soi-po'i ami neme Masir mai. O tao manada'di beuk-kala, ma ta'du-tana matabeuk-kala, ma manada'dik fo neni bibii-namata'uk fe musu-a.