ULANGAN 4:9 - Susula Malalaok Hehelu Palak Ma Hehelu Beuk

⁹ Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

ULANGAN 4:9 Referans Kwoze

ULANGAN 6:7

Manoli paleta sila-la neu emi anam-mala. Ela leo been-na, emi kokolak paleta sila-la, nai uma dale, ma nai emi nono hataholim-ma tala'da, nai lelek emi hahaeaom, ma nai lelek emi maue-male'di.

ULANGAN 11:19

Manoli paleta sila-la, neu emi anam-mala. Kokolak moos, nai lelek emi nai uma dale, do emi nai emi leleo-lala'om-ma dalek, do nai lelek emi nai ue-le'dis dale, do nai lelek emi hahaeaom-mala.

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

ULANGAN 32:46

nafa'da nae, “Taoafik neu basa paleta fo, fai ia, au fen neu emi ndia. Manoli emi anam-mala, nanolik sila-la, fo ela ala tao-no'i basa Manetualain hoholo-lalanen, no dalek-katematuan-nala.

EFESUS 6:4

Tolano-tolanook fo manda'di ama kala lemin! Boso tao lupa-lupa kala mo ana mala, nalosa lamanasa. Dede'a nasafali na nae, tao mamatua dale nala no malole na, ma manolis Lamatua ka nanoli-nafa'dan.

ULANGAN 29:29

Ita Manetualain nafuni dede'ak de'ubee; tehu nafa'da hoholo-lalanen neu ita, de ita ma ita tititi-nonosin-nala, muse tungan losa dodoon-na.”

AMSAL 23:26

Anang-ngonei, taoafik matalolole, ma tunga au so'dang-nga, eno-dalan.

NINITAK 3:3

Da'di, mafandendelek fo fali leo hata fo makahulu na nananoli basak neu emi ma hata fo emi mamanene basan so. Makalala'ok basa sila la ma tukaitei-saledale neme emi sala-singo mala mai. Metema emi ta fo'a fa soona, neukose Au mai fo Au huku emi. Neukose Au mai sama leo nakodaa, nalosa neukose emi ta bubuluk faihi'da fai na fo Au mai fa.

AMSAL 1:8

Anang-ngonei, taoafik neu ina-amam hala-kokolan,

MAZMUR 71:18

Ou Manetualain, boso la'oela au, losa au amalasi fo au mofa, fo ela au tui-benga O koasam-ma, ma O makadelem-ma, neu bobongik manamaik-kala.

IBRANI 2:1

Hu ndia de, ita muse ho'u tahele nanolik fo ita tamanene basa kala, fo ela ita boso la'oela ita namahehele na.

AMSAL 3:21

Hu ndia de anang-ngonei, ho'u mahele manatee-tenok-ka, ma tai-dodook-ka! Boso po'in makandondook,

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

YOSUA 4:21

Boema, Yosua nafa'da hataholi Israel-la nae, “Nai fai makabuin, metema emi anam-mala latane la'eneu batu ia-la sosoa-ndandaan soona,

AMSAL 7:1

Hei anang-ngonei, mafandendelek mahele au hala-kokolang, ma boso mafandeleheni hata fo au paleta-kala neu o.

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

YESAYA 38:19

Ka'da hataholi maso'dak-ka, ana koa-kio O, sama leo au tao-no'in nai faik ia. Ina-amak tui anan-na O lilinekam ba'un-na seli, ou Manetualain.

ULANGAN 4:23

Mafandendelek matalolole! Fo boso mafandele heni emi Manetualaim-ma tao hehelu-balataak no emi-a. Tunga paletan-na; fo boso doki-dulak dodoki-dudulak nai lupak matak leo beek ndia boe, fo sene-do'ok neun,

YAKOBIS 2:22

Ita titan no mangale'dok, nai dede'ak ia dalek nae, namahehele ka muse no tatao-nono'i ka soona, besa ka natetu-nandaa.

ULANGAN 31:19

Besak ia, sulak-ma, nakameek-ka nde ia, fo manolin neu leoina Israel-la, fo da'di leo sakasii ba'eneu sila.

LUKAS 8:18

Hu ndia de taoafik matalolole hata fo emi mamanene nana. Nana hataholi fo manamanuu ka, neukose ala fen ba'u ka lena seluk. Tehu hataholi fo ta manuu ka, neukose nanaho'ik neme hataholi ndia mai, leomae bei ela ka'da faa anak nai ndia boeo.”

YOSUA 1:18

Basa hataholi, fo ana ta nau nakatele neu o koasam-ma, do ana ta nau tunga o paletam-ma fa soona, neukose nanahukunisak. Ela leo been-na, o mamahele, ma mapalani!”

ULANGAN 4:15

“Mafandendelek matalolole! Te nai lelek Manetualain kokolak no emi neme ha'i dale mai, fo neme Letek Sinai-a, emi ta mita hata esa boen.

KELUARAN 10:2

ma, fo ela o hapu tui o upu-anam tao leo beek, de Au tao akamiminak leoina Masir-rala nenik manada'di beuk sila-la. Boema emi basa-basam-mala bubuluk, mae Au nde Manetualain.”

KELUARAN 23:13

Taoafik neu basa hata fo Au afa'dan neu emi. Boso sene-do'ok neu lamatua fe'ek-kala, lena-lenak seseik na'den-nala boeo, ta bole fa.”

ULANGAN 4:10

la'eneu faik ndia, fo nai lelek emi mapadeik meme emi Manetualaim-ma matan neme Letek Sinai-a. Nai lelek ndia, nafa'da au nae, ‘Maloo makabubua leoina ndia. Nana Au ahiik lamanene hata fo Au sanga anduku-alosak-kana, fo ela lanoli tunga neu Au, nai sila fai maso'dan-na dalek, ma fo ela lanoli anan-nala fo ala tunga Au.’

ULANGAN 6:2

Ela leo been-na, emi ma emi tititi-nonosim-mala, nai emi fai maso'dam-ma dalek, fe ha'da-holomata neu emi Manetualaim-ma, ma tunga basa au fe emi hoholo-lalanan-nala, fo ela emi hapu fai nalu-le'do loak nai nusak ndia.

ULANGAN 6:12

manea matalolole, fo daenga emi boso mafandele heni Manetualain fo, manasoi-po'i basa emi neme Masir mai, fo mamanak manatao emi da'di ata.

ULANGAN 6:20

Nai faik makabuin, neukose emi anam-mala latane emi lae, ‘Tao le'e de, ita Manetualain, nadenu ita tao basa paleta sila-la?’

ULANGAN 8:11

“Manea matalolole, fo boso nalosak emi mafandele heni, emi Manetualaim-ma; ho'u la'iesak hoholo-lalanen fo au fen neu emi, nai faik ia dalen-na.

ULANGAN 8:14

manea matalolole, fo ela emi boso da'di hataholi manakoao-ndaeaok, ma mafandele heni emi Manetualaim-ma fo manasoi-po'i emi neme Masir mai, fo mamanak manatao emi da'di ata.

ULANGAN 12:1

“Emi muse tunga hoholo-lalanek ia-la, nai emi fai maso'dam-ma dalek, nai nusak fo, emi bei ba'i kaim Manetualain-na, fen neu emi-a.

ULANGAN 16:3

Emi muse mi'a tutunu-hohotuk ndia, no loti fo ta pake laluteik fa. Emi muse mi'a loti fo ta pake laluteik ndia, faik hitu dalen-na, sama leo nai lelek no lai-laik emi la'oela dae Masir-ra. Mi'a loti fo loken lae loti doidosok-ka, fo ela nai emi fai maso'dam-ma dalek, emi mafandendelek, faik fo emi la'oela Masir, fo emi mamana doi-dosom-ma.

ULANGAN 17:19

Ana muse pe'da susulak ndia, nahele nai boboan-na, ma nai fai maso'dan-na dalek, ana muse lees susulak ndia, fo ela ana nanoli fe ha'da-holomata neu ndia Manetualain-na, ma ana tunga basa paleta lala'en fo, nanasulak nai susulak ndia dalek-ka.

HAKIM-HAKIM 3:7

Hataholi Israel-la, lasala-lasingo neu Manetualain, fo sila Manetualain-na. Lafandele henin, nalosa ala hule-haladoi neu sosongo-tatangok Baal ma Asyera.

HAKIM-HAKIM 8:34

Ala ta sene-do'ok seluk neu Manetualain, fo sila Manetualain, fo manasoi-po'is neme basa musu manai boboa-kaisun-nala, koasan-na mai.

YEREMIA 17:21

Mafa'da mae leo ia: ‘Metema emi ta mahiik mate fa, soona boso tao-no'i hata nai fai sabat-ta, do meni hata masok tunga Yerusalem lelesu inan-nala.

YOSUA 23:11

Hu ndia de, mafandendelak leona, fo sue-lai emi Manetualaim-ma.

YESAYA 42:20

Israel, o mita makadotok, tehu o ta taoafik neu fan, o madi'idook, tehu o ta mamanene fa.”