ULANGAN 4:7 - Susula Malalaok Hehelu Palak Ma Hehelu Beuk

⁷ Leoina matuaina beek-kande, nanuu lamatua daebafak fo metema paluun soona, ana deka nanseli, sama leo ita Manetualain-na Ana deka no ita? Metema ita taloo bou-bou toke tutulu-fafalik soona, nataa ita, su'di neu fai beek ndia boe.

ULANGAN 4:7 Referans Kwoze

MAZMUR 145:18

Ana deka no hataholi fo, naloo bou-bou neun, ma manadokodoen neun, no dale ndoos.

MAZMUR 34:18

Metema hataholi manatao ndoos-sa, naloo bou-bou soona, Manetualain namanenen, ma Ana soi-tefa-nas, neme toto'a-tataak lala'ena mai.

MAZMUR 73:28

Tehu ba'eneu au soona, malole-na seli, au nai Manetualain boboan-na, Au tao Manetualain, da'di au mamana nasulu-nahapang, fo ela au hapu tui-benga tatao-nono'in lala'ena.

2 SEMUEL 7:23

Nai basa daebafak ia lala'en-na, ta hapu leoina sama leo Israel fa. Ka'da Israel mesa-mesak-kana, nde leoina fo O soi-po'in neme tuni-ndenik-ka dalek mai, fo ana da'di O ana mesam. O tao fes basa tatao-nono'i matuaina, ma manada'di beuk lala'en-na, fo taon-na O na'dem-ma nanakoa-nanakiok nai basa daebafak-ka lala'en-na. O usi heni leoina fe'ek-kala, loo sila lamatua daebafan-nala, nai lelek O anam-mala leu latee-lata'ti.

YAKOBIS 4:8

Deka mo Manetualain, fo Manetualain boeo, Ana deka no emi. Safe balisi lima mala, hei hataholi masala-masingo kala lemin! Malalao-malalafu dale mala, hei hataholi dale kaba'e kala lemin!

YESAYA 55:6

Fali leo Manetualain mai leona, nai lelek bei bisa hapun; maloo bou-bou neun, nai lelek Ana deka.

MAZMUR 46:1

Teidalek Korah kokoa-kikion-na. Soaneu mauli-malanga nakameek. No Alamot nakameen-na.

MAZMUR 148:14

Ana tao natetea-nahehele leoinan so, de nalosa, anan susuen Israel koa-kion. Koa-kio Manetualain leona!

YESAYA 43:4

O mabelik nai Au matang, Au fe o ha'da-holomata, ma Au sue-lai o; boema, Au fe hataholi daebafak-ka, da'di leo o ngganggatim-ma, leoinak-kala, da'di leo ngganggatik neu o samanem-ma.

ULANGAN 5:26

Hapu mate hai hataholi daebafak esa, nai lelek Manetualain fo maso'dak-ka, Ana kokolak neme ha'i dale mai so do?

BILANGAN 23:21

Ta tita tatao-nono'i mangalauk nai Yakob fa; Ta tita toto'a-tataak nai Israel fa. Manetualain, fo sila Manetualain-na sama-sama nos.

BILANGAN 23:9

Au itas, leme letek-kala poin-na mai; Mitak, leoina esa mesak-kana, ana ta nau leken leo leoina fe'ek dalek neu fa.

HATAHOLI 17:27

Manetualain tao dede'ak ndia fo ela hataholi daebafa ka sangan. Sa'di leo bee fo latongo lon nai lelek fo ala sanga nana. Tehu tunga ndo na, Manetualain ta doo ka neme ita esa-esak mai fa.

ULANGAN 4:32

Palisak matalolole, tepo-lelek makahulun-na, fo nai lelek beita bongi emi nai faik fo Manetualain nakadada'dik hataholi daebafak manai daebafak ia poin-na. Sangan nai basa daebafak ia poin-na lala'en-na. Fafaka'ma dede'a matuaina ia, ana da'di hai nai makahulun eli so do beik? Hapu hataholi namanene hai, la'eneu manada'dik matak leo ia-ka so do beik?

ULANGAN 26:19

Neukose Manetualain taon-na emi, mamade'u lena heni leoina fe'ek fo, Ana nakadada'dik basak-kala so, ma neukose emi nanakoa-nanakiok, ma nanafe ha'da-holomata. Emi da'di, emi Manetualaim-ma ana nanahelen, sama leo hala hehelun-na.”

MAZMUR 34:17

Tehu hataholi manatao tatao-nono'i mangalauk-ka, Ana la'ban-nana; metema mates soona, no lai-laik, lafandele henis.

MAZMUR 85:9

Au nau amanene Amak Manetualain dede'a-kokolan; Ana helu fe ita fo anan-nala, tetu-temak, sa'di ita boso boe, tao seluk sala-singok bai.

MAZMUR 147:20

Ana ta tao leondiak neu leoina fe'ek-kala fa, de ala ta lalelak hoholo-lalanen fa. Koa-kio Manetualain leona!

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”