ULANGAN 4:37 - Susula Malalaok Hehelu Palak Ma Hehelu Beuk

³⁷ Nanahu, Ana sue-lai emi bei-ba'i kaim-mala, de Ana hele basa emi, nenik koasa matuainan-na, ma noo emi kalua meme Masir mai so.

ULANGAN 4:37 Referans Kwoze

ULANGAN 10:15

Tehu Manetualain susue-lalain ba'un-na seli, neu emi bei-ba'i kaim-mala, nalosa neme basa leoina lala'en-na, Ana helek-ka nde emi, de losa besak ia boeo, emi da'di Ndia ana hehelen.

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

KELUARAN 33:14

Manetualain nae, “Neukose Au asulu-ahapa o, ma Au fe o tetu-temak.”

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

MALEAKHI 1:2

Manetualain nafa'da anan-nala nae, “Au sue-lai emi.” Tehu, lataa lae, “Tao leo bee de, Manetualain sue-lai ami?” Boema Manetualain nataa nae, “Ade, Yakob ka'an ta Esau fa do? Tehu, Au sue-lai Yakob,

YEREMIA 31:1

Manetualain nafa'da nae, “Neukose losa fain-na te, Au da'di leon Israel-la Manetualain-na, ma sila da'di Au anang-ngala.

MAZMUR 34:15

Madook aoinam-ma, neme mangalauk-ka mai, ma tao-no'i hata fo malole-a, sanga enok soaneu mole-dame-a, nenik basa o be'i-balakaim lala'ena.

MAZMUR 32:8

Manetualain nae, “Neukose Au atu'du o enok fo, o muse la'ok tungan, neukose Au hela-nole o, ma Au anoli-afa'da o.

2TAWARIKH 16:9

Manetualain mete leo daebafak-ka lala'en-na mai soaneu Ana fe be'ibalakain neu hataholi fo manalilinekak neun. O tao nakeketu ngoak so, hu ndia de mulai besak ia, neukose o la'ola'di natee-natatik tatasesa.”

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

ULANGAN 23:5

Tehu emi Manetualaim-ma, ta nau namanene Bileam soo-supan ndia fa De Ana nggati soo-supak ndia, da'di baba'e-papalak, nanahu Ana sue-lai emi.

ULANGAN 33:3

Tete'ek-ka, Manetualain sue-lai leoinan. Nasulu-nahapa basa Ndia hataholin-nala. Mai fo, ata sene-do'ok neu ein-na, matan-na, ma ata tunga paletan-nala.

ULANGAN 33:12

La'eneu leo Benyamin-na, Musa nafa'da nae: “Manetualain leo susue-lalain-na nde ia-la. Lele'do-le'odaen, Ana nasulu-nahapas, ma Ana leo nai sila tala'da.”

MAZMUR 44:3

O mesam-ma usi heni leoina-la fo ela O anam-mala leo lahele nai sila nusan-na. O fe leoina fe'ek-kala hapu soe, tehu O po'ilotak O anam-mala lamade'u.

YEREMIA 31:3

Au atu'du Au aoinang-nga neus neme dook-ka mai. Hai hataholi Israel-la lemin, lelek makahulun-na Au sue-lai emi tatas esa, ma soaneu losa makandondoo henin Au atu'du ae, Au sue-lai emi tatas esa.

KELUARAN 12:41

Nai teuk ka 430-a, fai mate'en ndia, nde basa Manetualain anan-nala lala'en-na, la'oela dae Masir-ra.

KELUARAN 12:51

Nai faik ndia, Manetualain no basa hataholi Israel-la lala'en-na, kalua leme Masir mai.

BILANGAN 20:16

de ami maloo bou-bou neu Manetualain fo moke tutulu-fafalik. Boema namanene ami dokodoem-ma, de Ana nadenu ata nusa so'dak esa mai. Ata nusa so'dak ndia, nauli-nalanga ami kalua meme dae Masir-ra mai. Besak ia, ami nai Kades, fo kota esa nai dae too no Tuan nusan-na.

ULANGAN 7:6

Emi muse tao basa sila-la, nanahu emi Manetualaim-ma, nuun emi. Ma neme basa leoina manai daebafak-ka lala'en-na, emi Manetualaim-ma, Ana helek-ka nde emi, soaneu emi da'di Ndia anan, fo malalao-malalafuk.

YESAYA 43:4

O mabelik nai Au matang, Au fe o ha'da-holomata, ma Au sue-lai o; boema, Au fe hataholi daebafak-ka, da'di leo o ngganggatim-ma, leoinak-kala, da'di leo ngganggatik neu o samanem-ma.