ULANGAN 4:35 - Susula Malalaok Hehelu Palak Ma Hehelu Beuk

³⁵ Manetualain natu'du basa sila-la neu emi, fo ana da'di ta'du esa, nae ka'da Manetualain ndia mesak-kana, nde Manetualain-na, de ta hapu lamatua daebafa fe'ek fa.

ULANGAN 4:35 Referans Kwoze

YESAYA 45:18

Manetualain nde nakadada'dik lalai-a, Ndia nde Manetualain-na! Ndia nde manamakadada'dik ma manafe daebafak-ka lupak, Ana taon-nan, natea-nahele, ma napadeik nahele. Ana ta taon-nan da'di mamana nee-nee lino-linok fa, tehu soaneu mamana leleok. Ndia nde nafa'da nae, “Au nde Manetualain, de ta hapu fe'ek fa.

SEMUEL SUSULAK-KA ESAN-NA 2:2

Ta hapu malalao-malalafuk sama leo Manetualain fa! Ka'da Ndia nde hapu fe nasulu-nahapak.

YESAYA 45:5

Au nde Manetualain, ta hapu fe'ek fa, Au Manetualain Fo Ka'da Kisak esa. Au fe basa o tafa-sisilo so, leomae, o ta malelak Au fa.

YESAYA 44:8

Au leoinang-ngo nei, boso bii, do nggenge; ade neme makahulun-na, losa besak ia Au ta afa'da ela, hata fo ana da'di fa do? Au sakasiing-ngala nde emi. Ta hapu manamasulu-mahapa fe'ek fo Au ta alelak-kasa fa.”

ULANGAN 4:39

Hu ndia de faik ia, mame'dak leona, fo boso mafandele henin: te ka'da Manetualain mesak-kana nde Manetualain fo nai lalai ma daebafak-ka; ta hapu lamatua daebafa fe'ek fa.

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YESAYA 44:6

Manetualain Fo Manakoasa, Manek, ma Israel manamasalu-mahapan-na, halan-na nde ia nae, “Au Manetualain, Fo Ka'da Kisak esa, fo makasososak ma mate'ek.

MAZMUR 83:18

Nemen-na fo ala hapu mamaek, ma ala bii-lamata'u losa dodoon-na, nemen-na fo mates lai nakamumulu-nakamamaek-ka dalek.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

MARKUS 12:32

Boema mese agama ndia nafa'da Yesus nae, “La'en la'iesa kana Ama Mesen! Memak hata fo Ama nafa'dan ndia, la'en: Lamatua ka nde Manetualain fo kisak, de ta hapu seluk Manetualain fe'ek so'on.

ULANGAN 32:23

Ana fe susa-soe-a, ana mai nakandondoo henin. Neukose Au kous, nenik Au kokou ising-ngala lala'en-na.

MARKUS 12:29

Boema Yesus nae, “Paleta makasososa ka nde: ‘Mamanene leon, hei hataholi Israe la lemin! Ita Lamatuan Manetualain nde bee na Lamatua kisak.

MAZMUR 58:11

Nita hataholi mangalauk-ka nanahukuk, hataholi dale ndoos-sa namahoko-setelee, ma ana safe ein-na, nai hataholi malelesik-ka daan dale.

2RAJA-RAJA 19:19

Ou Manetualain, fo ami Manetualaim-ma soi-po'i ami neme hataholi Asyur sila-la mai, fo ela basa leoina manai daebafak-ka lala'en-na bubuluk, lae ka'da O mesa-mesam-ma nde Manetualain.”

1 KORINTUS 8:4

La'eneu na'a nana'ak fo nanafe basak neu sosongo-tatango ka, ita bubuluk tae, tunga ndo na sosongo-tatangok ta. Boema ita boeo bubuluk basa, Manetualain ka'da esa; ta hapu fe'ek so'on.

1 KORINTUS 8:6

Tehu ba'eneu ita soona, Manetualain ka'da esa. Ndia nde Amak, fo mana makadada'dik basa hata lala'ena. Fo ita taso'da soaneu Ndia. Ma Lamatuak ka'da esa boe, fo nde Yesus Kristus. Tunga Ndia de, Manetualain nakadada'dik basa hata lala'ena, ma hu ka nde Ndia boe, de ita taso'da.

KELUARAN 8:10

Manek ndia nataa nae, “Balahaa soona, hule-haladoi fe au.” Musa nae, “Neukose au tao atetu au Ama Maneng-nga nonoken-na. Soona neukose, au Ama Maneng-nga bubuluk, nae ta hapu Manetualain fe'ek, sama leo Manetualain, fo ami Manetualaim-ma.

KELUARAN 9:14

Oek ia soona, neukose Au fe soe-a ta la'e ka'da manapaleta-la, ma laun-nala mesak-kana fa, tehu neu o boe, fo ela o bubuluk, mae ta hapu hataholi nakasusu'dik no Au, nai daebafak-ka lala'en-na fa.

ULANGAN 6:4

Tolano-tolanoong-ngala lemin, mamanene leona! Ka'da Amak, ma Amak-ka mesak-kana nde ita Manetualain

ULANGAN 7:9

Mafandendelek mae ka'da emi Manetualaim-ma mesa-mesak-kana nde Manetualain-na, ma Ndia nde Manetualain fo manalilinekak. Manetualain tao natetu hehelu-balataan, ma natu'du nahele susue-lalain neu hataholi fo, manasue-lain neun-na, ma manatunga paletan-nala, losa bobongik lifun esa.

ULANGAN 32:12

Manetualain hela-nole anan-nala leondiak, ta hapu lamatua daebafak fe'ek sama-sama no fan.

ULANGAN 33:26

“Hai Israel! Ta hapu lamatua daebafak fo, sama leo emi Manetualaim-ma fa; Ana la'ok seli lalai-a no ta hapu manamapanggenggek fa, ma Ana tola seli ko'as-sa, fo Ana tulu-fali emi.

1RAJA-RAJA 8:60

No leondiak, basa leoina manai daebafak-ka lala'en-na, neukose bubuluk lae ka'da Amak-ka mesak-kana nde Manetualain ta hapu fe'ek fa.

MAZMUR 100:3

Mafandele mae Amak ndia Manetualain. Ana nakadada'dik ita, de Ndia nuun ita; ita ia, Ndia anan, leoina fo nakaboboin.

YESAYA 43:10

Hai Au anang-ngala lemi, Au sakasiing-ngala nde emi, Au hele emi, da'di Au atang-ngala, fo ela malelak Au, ma mamahele neu Au, ma bubuluk, mae Au nde Manetualain. Au Manetualain, fo ka'da kisak, ta hapu fe'ek, nai lelek Au beita, ma nai lelek Au nai ia.

KELUARAN 8:6

Boema, Harun leleuk aitete'en-na leo basa oe-la lain neu, boema lo'donggelek-kala poka mai, de henu nusak ndia.

2 SEMUEL 7:22

Tete'ek-ka, O matua-madema, ou Manetualain! Ka'da O mesam-ma nde Manetualain, de ta hapu hata esa boen, sama leo O fa. Ami bubuluk dede'ak ndia nana, nananafa'da basak neme makahulun eli mai so.

2 SEMUEL 22:32

Nana, ka'da Manetualain nde Manetualain-na; Ita manamasala'en-na nde ka'da Manetualain mesak-kana.

1 TAWARIKH 17:20

Ka'da O nde Manetualain, ta hapu hata esa boen fo sama no O fa. Ami bubuluk dede'ak ndia, nana nananafa'da basak neme makahulun eli mai so.