ULANGAN 4:34 - Susula Malalaok Hehelu Palak Ma Hehelu Beuk

³⁴ Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

ULANGAN 4:34 Referans Kwoze

ULANGAN 26:8

Boema, no O koasam-ma, ma O be'i-balakai matuainam-ma, de O soi-po'i ami neme Masir mai. O tao manada'di beuk-kala, ma ta'du-tana matabeuk-kala, ma manada'dik fo neni bibii-namata'uk fe musu-a.

ULANGAN 5:15

Mafandendelek te, makahulun-na emi da'di ata neme Masir, boema emi Manetualaim-ma soi-po'i emi, nenik be'i-balakai matuainan-na. Hu ndia de, au paleta emi fo tao malalao-malalafu fai Sabat-ta.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

ULANGAN 7:19

Mafandendelek, emi mita matam soe matuaina-la, manada'di beuk-kala, ma be'i-balakai matuaina fo emi Manetualaim-ma paken, soaneu Ana soi-po'i emi-a. Leondiak boe, neukose emi Manetualaim-ma, taon soaneu leoina fo, emi bii-mamata'uk-kala.

YEREMIA 32:21

Nenik O koasam-ma ma O be'i-balakaim fo matuaina, de O meni falik hataholi Israel-la kalua leme Masir mai. O tao manada'dik aok-kala, ma manada'dik beuk-kala, ma manada'dik fo manatao manggenge musu-a.

ULANGAN 6:21

Soona emi muse mataa mae leo ia, ‘Makahulun-na, ita da'di mane Masir-ra atan-na, boema Manetualain soi-po'i ita nenik be'i-balakai matuaina.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

ULANGAN 34:12

Ta hapu hataholi, fo ana tao tatao-nono'i matuaina-la, ma neni bibii-namata'uk, sama leo Musa taon neme basa leoina Israel lala'en-na, matan-na fa.

KELUARAN 3:10

Besak ia Au adenu o, fo muu leo mane Masir-ra muu, fo ela o mauli-malanga Au leoinang-nga, kalua neme nusak ndia mai.”

1 PETRUS 5:6

Hu ndia de, makaloe-makadae ao ma, nai Manetualain lima mabe'i-balakai na dae, fo ela fai na losa soona, Ana tao namadedema emi.

KELUARAN 10:7

Basa manapaleta-la lafa'da manek-ka lae, “Hataholi ndia muse tao susa ita losa faihi'da? Po'i basa hataholi Israel sila-la ala la'o, fo leu sene-do'ok neu Manetualain, fo sila Manetualain-na. Mitak ita nusan-na nakalulutuk so!”

ULANGAN 29:3

Emi boeo, mita basa, Manetualain tao susa-soe matuaina-la, manada'di beuk-kala, ma tatao-nono'i mata beuk-kala so.

KELUARAN 7:3

Tehu neukose, Au tao-a manek-ka da'di nalanga batu. Neukose ana ta taoafik neu o fa, leomae Au fe soe makadotok, da'di nai Masir so.

MAZMUR 78:12

Nai sila bei-ba'i kain-nala matan, Manetualain tao manada'di beuk-kala, neme nusa Masir-ra, fo nai masadokek Zoan-na.

KELUARAN 1:9

Nafa'da laun-na nae, “Hataholi Israel sila-la, leni soe matua ba'eneu ita, nanahu sila makadotok nanseli, ma be'i-balakain-nala lena heni ita.

KELUARAN 14:30

Nai faik ndia, Manetualain soi-tefa-na leoina Israel-la neme hataholi Masir-ra mai, ma lita hataholi Masir-ra popolan-nala benggela nai tasi su'un-na.

ULANGAN 9:29

Tehu mafandendelek leona, Manetualain, te hataholi ia-la nde been-na, leoina fo O heles da'di O anam, de O moos leme Masir mai, nenik O be'i-balakaim, ma O koasa matuainam-ma.”

ULANGAN 11:2

Besak ia, mafandendelek hata fo, emi bubuluk-kana la'eneu Manetualain neme emi maso'dam-ma mai. Emi anam-mala, ala ta bubuluk hata esa boen. Te emi nde mita matam, emi Manetualaim-ma matua-mademan, be'i-balakain ma koasan-na,

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”

MAZMUR 24:8

See kande, Manek mandela-masa'ak ndia? Ndia nde Manetualain fo palani ta'ti batu; Manetualain fo henuk no koasa, fo palani ta'ti batu nai natee-natatik-ka dale.

MAZMUR 136:12

no lima mabe'i-balakain ma makadelen-na; susue-lalain manaketu-basa tak, losa dodoon-na.

YESAYA 51:9

Fo'a leon, ou Manetualain, fo tulu-fali ami, soi-tefa-mala ami, nenik O koasam-ma. Fo'a leon, sama leo nai tepo lelek makahulun-na nai lelek O tao makalulutuk Rahab: ma pau misa buta tasi ndia, losa maten.

YEREMIA 21:5

Neukose Au de tee-tati emi-a nenik basa au be'i balakai, ma nenik nasa-meluk fo manalu'a pon-ponung-nga.

KELUARAN 10:21

Manetualain nafa'da Musa nae: “So'uk o limam-ma leo lain neu leona, soona neukose makiu makahatuk-ka potin-na dae Masir-ra.”

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

KELUARAN 19:4

nae, “Emi mita basa hata fo Au tao-no'in neu hataholi Masir-ra, ma tao leo beek de Au oo emi leo Au mai, nai mamanak ia no koasa matuaina, sama leo manupui kaka'ka no anan-na nai li'dan lain.

BILANGAN 20:16

de ami maloo bou-bou neu Manetualain fo moke tutulu-fafalik. Boema namanene ami dokodoem-ma, de Ana nadenu ata nusa so'dak esa mai. Ata nusa so'dak ndia, nauli-nalanga ami kalua meme dae Masir-ra mai. Besak ia, ami nai Kades, fo kota esa nai dae too no Tuan nusan-na.

ULANGAN 1:30

Emi Manetualaim-ma, neukose nauli-nalanga emi, fo natee-nata'ti soaneu emi, sama leo emi mita matam neme Masir so,

ULANGAN 10:21

Koa-kion, nana Ndia nde emi Manetualaim-ma. Emi mita matam, Ana tao fe emi, tatao-nono'i matuaina-la, ma maneni bibii-namata'uk-ka.

YOSUA 24:7

boema laloo bou-bou neu Au loke tutulu-fafalik. Boema mamanak manai sila loo hataholi Masir-ra tala'da ndia, Au tao-an da'di makahatuk, ma Au akadofu ketu hataholi Masir sila-la nenik tasi oe, losa basa-basas bolo. Emi bubuluk, basa hata fo Au taon soaneu Masir so. Emi leo meme moo solokaek-ka, doon-na seli.