ULANGAN 4:16 - Susula Malalaok Hehelu Palak Ma Hehelu Beuk

¹⁶ Da'di, manea leona, fo ela boso nalosak emi masala-masingo, nanahu emi tao dodoki-dudulak fo emi sene-do'ok neun. Dodoki-dudulak ndia lupan-na su'di leo beek boe, sama leo touk do inak,

ULANGAN 4:16 Referans Kwoze

HATAHOLI 17:29

Naa, hu ka nde ita ia Manetualain anan, de ita ta bole tafa'da tae, Manetualain sama na leo hata esa nanadoki dulak neme lilopilas, lilofulak, do ai batu fo nanadoki-dulak tunga hataholi daebafa ka malela na.

ULANGAN 5:8

Boso doki-dulak dodoki-dudulak fo nalupa su'di hata beek nai lalai, nai daebafak-ka, do nai oe dale, fo nai daebafak-ka buin-na.

ULANGAN 4:23

Mafandendelek matalolole! Fo boso mafandele heni emi Manetualaim-ma tao hehelu-balataak no emi-a. Tunga paletan-na; fo boso doki-dulak dodoki-dudulak nai lupak matak leo beek ndia boe, fo sene-do'ok neun,

KELUARAN 32:7

Boema Manetualain nafa'da Musa nae, “Kona lai-lai, nana o leoinam fo o hela-noles kalua leme Masir mai-a, ala tao tatao-nono'i mangalauk so.

YOHANIS 4:24

Hu ka nde Manetualain ndia, nde Dula Dale ka, de no ka'da Manetualain Dula Dale na koasa na, de hataholi a hapu sene-do'ok neu Ama ka, sama leo Ama ka nai ia.”

YESAYA 40:18

Da'di, o sanga makasasamak Manetualain no see? See kande, o mafa'da mae, mata-aon sama no Manetualain?

ULANGAN 4:25

Boeo mahani te, metema emi leo dook-ka nai nusak ndia, ma emi maupu-maanak soona, boso tao sala-singok, nanahu emi tao dodoki-dudulak nai lupak matak leo beek-ka boe. Tatao-nono'ik ndia nde been-na, tatao-nono'i mangalauk esa, nai emi Manetualain-ma mata memeten-na, de neukose namanasa.

1 TIMOTIUS 1:17

Manetualain fo Manek neu basa le'do fai manalu a, nandaa fen ha'da-holomata ma koa-kion tataas esa, nana Ndia nde mana ketu basa tak, fo ta nananitak, ma ka'da kisak! Amin.

IMAMAT 26:1

Manetualain nafa'da nae, “Boso tao sosongo-tatangok do mapadedeik dodoki-dudulak, do dii batu nanadoki-dulak fo sene-do'ok neun. Au nde emi Manetualaim-ma.

ULANGAN 5:9

Boso sene-do'ok neu dodoki-dudulak matak leondiak-ka, nanahu Au fo emi Manetualaim-ma, ta nau nakasasamak-kana o hata esa boen. Hataholi fo nape'da dale nasak neu Au, neukose Au hukun losa bobongi ka telu ma ka haa.

ULANGAN 9:12

Boema, Manetualain nafa'da au nae, ‘Kona lai-lai leona, nana o leoinam fo o moos kalua leme Masir mai-a, ala tao tatao-nono'i mangalauk so. Ala ta tunga Au paletang-ngala so'on, de ala tao dodoki-dudulak fo, ala sene-do'ok neun.’

ULANGAN 27:15

Hataholi Lewi-la, ala kokolak lae, ‘Nanasoo-supak ba'eneu hataholi fo, ana tao dodoki-dudulak neme batu, ai, do liti-a mai, fo ana sene-do'ok neun, no nafufunik; Manetualain ta hii sosongo-tatangok fa!’ Basa laun Israel-la lala'en-na lataa lae: ‘Tete'ek-ka!’ (Amin)

ULANGAN 31:29

Au bubuluk, ae mate au soona, neukose hataholi sila-la da'di hataholi mangalauk, ma ala ta sipok hata fo, au anolin neu sila fa. Ma neu makabuin-na te, susa-soe-a tuni-ndeni nalas, nanahu ala tao-la Manetualain namanasa, nanahu ala la'olena hata fo, Ana ka'in-na.”

IMAMAT 19:4

Boso sene-do'ok neu sosongo-tatangok. Boso tao dodoki-dudulak neme liti mai, fo sene-do'ok neun. Au nde emi Manetualain.

ULANGAN 16:22

ma boso lutu, lutu batu sosongo-tatangok fo sene-do'ok neun, nanahu emi Manetualaim-ma ta hii tatao-nono'ik ndia fa.

YESAYA 44:13

Tuka ai-a, ana uku ai. Ana dulak dodoki-dudulak lupan-na nenik ha'o, basa boema, ana doki-dulak-kana nenik ndia fela-dopen, de ana taon da'di hataholi daebafak mata-makeek-ka, dodoki-dudulan, boema ana pe'dan neu uman dale.

YESKIAL 8:10

Tutik-ka, au u leo dalek u de au mete. Boema au ita bana manalo'do-laek mata-matak-kala, bana fe'e-fe'ek fo nanamaluak-kala, ma leoina Israel-la sosongon-tatangon-nala, nanadokik nai papala-la.